Advertisement
 
 
 
 
 
 
 
 

Amakuru | Mu Rwanda

Ibuka irasaba ko abandujwe Sida muri Jenoside bitabwaho byihariye   

  Yanditswe na BAHUWIYONGERA SYLVESTRE
 May 2016

 
 

Umuyobozi wa Ibuka mu karere ka Nyamasheke, Bagirishya JMV, yatangaje ko kugeza ubu imibare imaze kumenyekana y’abagore n’abakobwa bafashwe ku ngufu muri Jenoside yakorewe abatutsi bakanduzwa SIDA, ari 79.

Bagirishya avuga ko aba babayeho nabi cyane kuko nta kantu babona barya ngo kabondore, akabasabira kwitabwaho by’umwihariko.

Avuga ko mbere bafashwaga na AVEGA, aho yababoneraga nibura agakoma ko kunywa, biza guhagarara, ubu bakaba bafata imiti mu nda nsa, bikarushaho kubabera ibibazo bikomeye.

Yagize ati:“Imibereho yabo ni ikibazo gikomeye cyane kuko nta kantu bafite babasha kurya cyangwa kunywa ngo kabafashe guhangana n’iyi miti ya buri munsi bafata, kandi irabazahaza cyane kubera inzara.

JPEG - 306.2 kb
Umuyobozi wa Ibuka mu karere ka Nyamasheke Bagirishya JMV (Foto Bahuwiyongera S)

Tukaba dusaba nka Ibuka muri aka karere, ko bahabwa inkunga y’umwihariko kugira ngo babashe kwiyumva mu buzima nk’ubw’abandi, kuko uretse ugifite agatege ushobora guhinga munsi y’urugo, na ho ubundi nubwo hari abo akarere kagerageje koroza na byo ntibihagije, tubona hari ukundi bakwiye kwitabwaho ngo babashe gusunika iminsi, kuko nubwo twese twahuye n’akaga ariko tubona akabo karenze cyane.”

Uyu muyobozi yakomeje avuga ko iki kibazo kizwi n’akarere, FARG na CNLG, kikaba kimaze iminsi, agasaba ko niba hari icyo basanze babagenera bakibagezaho vuba.

Umwe mu bakecuru bo mu murenge wa Bushekeri w’imyaka 64, yabwiye Imvaho Nshya ko gufatwa ku ngufu muri Jenoside byamuteye ibibazo bikomeye, kuko ngo byangije nyababyeyi ku buryo ngo yumva ihora yaka umuriro, akaba yaragerageje kwivuza mu bitaro bimwegereye by’aka karere bikanga.

Umuyobozi w’aka karere Kamari Aimé Fabien, avuga ko ibibazo byabo bizwi kandi bagerageza kubishakira igisubizo.

Yagize ati:“Tubafata nk’abandi banyarwanda bose bafite ibibazo by’imibereho iruhije, hari n’abandi barokotse Jenoside yakorewe abatutsi dukomeje kwitaho, tukaba kandi tutavuga ko ubwo aho bakuraga ubufasha hahagaze tugiye kubareka kuko bidashoboka.

Ikigiye gukorwa ni uko tugiye kurushaho kubegera, udahabwa inkunga y’ingoboka tumushakire ubundi bufasha bwihariye bumubeshaho kuko ari inshingano zacu.”

 

Comments

Izina Ryanyu
IGITEKEREZO

 
 
Minisitiri Gen. Kabarebe yakiriye  Ambasaderi w’u Bubiligi mu Rwanda
Minisitiri Gen. Kabarebe yakiriye Ambasaderi w’u Bubiligi mu Rwanda

Ambasaderi w’u Bubiligi mu Rwanda, Arnout Pauwels ari kumwe n’Umujyanama wa Ambasade mu bya gisirikare mu Rwanda, Lt Col Alain Lambert, bakiriwe na Minisitiri w’Ingabo z’u Rwanda, Gen James Kabarebe (...)

Ahabereye ibikorwa by’ubutwari hagiye gushyirwa ibimenyetso
Ahabereye ibikorwa by’ubutwari hagiye gushyirwa ibimenyetso

Minisiteri y’Umuco na Siporo, ivuga ko ahabereye ibikorwa by’ubutwari hagiye gushyirwa ibimenyetso biharanga, kugira ngo amateka y’aho ahabwe agaciro n’Abanyarwanda. Mu kiganiro n’abanyamakuru (...)

Abana icyenda bigiye muri gereza bakoze ibizamini bya Leta batsinda neza
Abana icyenda bigiye muri gereza bakoze ibizamini bya Leta batsinda neza

Urwego rw’igihugu rushinzwe imfungwa n’abagororwa (RCS) rurishimira ko ku nshuro ya mbere abana bafungiye muri gereza y’abana ya Nyagatare bakoze ibizamini bya Leta bisoza amashuri abanza n’icyiciro (...)

Kicukiro: Umunyeshuri yafatanwe kashe 39 z’impimbano
Kicukiro: Umunyeshuri yafatanwe kashe 39 z’impimbano

Polisi y’u Rwanda ikorera mu karere ka Kicukiro yafatanywe kashe 39 zitandukanye umunyeshuri witwa Tuyishime Bernard wiga ibijyanye no gukora amazi mu Ishuri ry’Ubumenyingiro IPRC-Kicukiro. Izi (...)

Bamwe mu babyeyi bagaragaje ibanga ryatuma abana batsinda ibizamini bya Leta
Bamwe mu babyeyi bagaragaje ibanga ryatuma abana batsinda ibizamini bya Leta

Ku wa mbere ushize nibwo ikigo cy’igihugu cy’uburezi REB, cyamuritse amanota y’ibizamini bya Leta by’amashuri abanza ndetse n’icyiciro cya mbere cy’ayisumbuye. Abanyeshuri bakoze ibizami bisoza (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.