Advertisement
 
 
 
 
 
 
 
 

Amakuru | Mu Rwanda

Ibitaro bya Nyagatare bifunze abarenga 70 babuze ubwishyu   

  Yanditswe na DIEUDONNE HITIMANA
 3 months ago

 
 

Ubuyobozi bw’ibitaro bya Nyagatare bwemeza ko hari abarwayi bagera kuri 74 bahivurije ariko ubu bakaba batemerewe gutaha, kuko batari babasha kwishyura serivisi z’ubuvuzi bahawe.

Ubuyobozi bw’ibi bitaro buhamya ko bamaze kuvurwa, ariko ngo ntibashobora kurenga imbago z’ibitaro batarishyura.

Aba baturage ngo bagiye bagera muri ibi bitaro bagahita bahabwa serivisi mu rwego rw’ubutabazi bwihuse ngo barengere ubuzima bwabo, nyuma bamara kubavura bagasanga nta bwisungane mu kwivuza bafite.

Ubwo Imvaho Nshya yageraga ku bitaro bya Nyagatare, bamwe muri aba baturage batangaje ko bageze kuri ibi bitaro mu gihe kitararenga ukwezi bishyuye ubwisungane mu kwivuza, bituma basabwa kwiyishyurira 100% bya serivisi bahawe.

JPEG - 59.6 kb
Muri ibi bitaro hari icyumba cyahinduwe ’Gereza’ y’ababuze ubwishyu

Umwe mu babyeyi twahasanze witwa Uwimana Jeanne, avuga ko yagejejwe kwa muganga aje kubyara bikaba ngombwa ko abyara bamubaze, ariko ngo fagitire bamuhaye yananiwe kuyishyura.

Yabwiye Imvaho Nshya ati“…Dutanga mituweli mu kwa karindwi noneho tuje hano kwa muganga mfite inda barambaga banca amafaranga ibihumbi magana abiri.”

Uyu mubyeyi avuga ko aya mafaranga yaciwe atayabona, akaba ari nayo mpamvu akiri muri ibi bitaro.Icyo avuga kimubabaza ni uko yatanze umusanzu wa mituweli mbere ho ukwezi, ariko ntabashe kuyivurizaho.

Umubare w’abo ibi bitaro byagwatiriye ngo ugenda uhinduka umunsi ku wundi, bitewe nuko ababura ubwishyu kandi nta n’ubwisungane mu kwivuza bafite ari benshi.

Iyo baje muri ibi bitaro ngo baravurwa, bamara gukira bakabura amafaranga yo kwishyura, bakiyongera ku bandi bacumbikiwe mu cyumba cyabo bonyine muri ibi bitaro.

Umuyobozi w’ibitaro bya Nyagatare Ngabire Nkunda Philippe, avuga ko bibabaje kuba ibitaro ayoboye byafunga aba baturage, gusa ngo nta yandi mahitamo ibitaro bifite mu rwego rwo kwirinda ibihombo bikabije.

Uyu muyobozi kandi yemeza aba baturage bari mu cyumba cyabo bonyine kugira ngo hatagira utoroka.

Yagize ati:“Nibuka ko mu cyumweru gishize twari dufite abarwayi 74 bose bafite ibibazo bya mituweli, amahirwe dufite ni uko twabashije kubona sale yabo bihariye harimo n’ibitanda, uhageze wagira ngo ni abantu bakirwaye ariko n’abantu bakize basezerewe, ariko babuze ubwishyu.”

Uyu muyobozi w’ibitaro yakomeje agira ati:“Hari abadafite mituweli, hakaba abandi bishyuye ariko batarabona izo karita, hakaba n’abandi bafite ikarita ariko bakabura rya 10% agomba kwishyura hanyuma mituweli ikamwishyurira 90%, akaba yarabuze n’iryo 10%, ubwo ni ibibazo bitandukanye bifitanye isano na mituweli.”

Muri aba baturage bafungiye kwa muganga harimo abavuga ko bahamaze amezi arenga abiri, hakaba n’abahamaze igihe gito, ariko ikibateye impungenge kurushaho ni uko n’aho bafungiye hari abadafite ababagemurira, ku buryo kubona icyo bafungura bigoranye cyane.

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Ubwiza bw’indege ya mbere nini yaraye itashye mu Rwanda (mu mafoto)
Ubwiza bw’indege ya mbere nini yaraye itashye mu Rwanda (mu mafoto)

Indege nshya yiswe ‘Umurage’ yaraye itashye mu Rwanda ku wa 1 Ukuboza 2016 igaragaza umwihariko mu miterere n’ubwiza bibereye amaso. Ikigo RwandAir cyakiriye iyi ndege ‘Airbus 330-300’ ifite (...)

Abapolisi 60 barangije bahuguwe ku buyobozi bwa sitasiyo za Polisi
Abapolisi 60 barangije bahuguwe ku buyobozi bwa sitasiyo za Polisi

Mu rwego rwo gukomeza kongerera ubumenyi abapolisi, ejo icyiciro cya kabiri cy’amahugurwa y’ubuyobozi bwa sitasiyo za Polisi cyarangijemo abapolisi 60 ku Ishuri rikuru rya Polisi (NPC) riri mu (...)

Kibeho: Ikibazo cy’amaresitora n’amacumbi kiracyari ingorabahizi
Kibeho: Ikibazo cy’amaresitora n’amacumbi kiracyari ingorabahizi

Mu gihe tariki 28 Ugushyingo buri mwaka hizihizwa umunsi w’ibonekerwa i Kibeho mu karere ka Nyaruguru, abaturuka hirya no hino baba bitabiriye uyu munsi mukuru, batangaza ko umutekano basanga mu (...)

U Rwanda rwasabye guhata ibibazo abasirikare 20 b’Abafaransa
U Rwanda rwasabye guhata ibibazo abasirikare 20 b’Abafaransa

Ubushinjacyaha bw’u Rwanda bwasabye Urukiko Rukuru rw’u Bufaransa ubufatanye mu gukurikirana abasirikare b’Abafaransa bakurikiranyweho uruhare bagize muri Jenoside yakorewe Abatutsi muri Mata 1994. (...)

Leta yishimira kuba ibiribwa byinshi mu bitunze Abanyarwanda babyihingira
Leta yishimira kuba ibiribwa byinshi mu bitunze Abanyarwanda babyihingira

Leta y’u Rwanda yagaragaje ko iterwa ishema no kuba ibiribwa byinshi bitunze abaturage biva muri bo, ibindi bikeya akaba ari byo biva mu mahanga. Mu nama mu nama nyungurabitekerezo ku isano iri (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.