Advertisement
 
 
 
 
 
 
 
 

Amakuru | Mu Rwanda

Ibihugu 6 birigira mu Rwanda amategeko agenga intambara   

  Yanditswe na NGABOYABAHIZI PROTAIS
 3 May

 
 

Abasirikari, abapolisi n’abasivili 25 baturutse mu bihugu 6 byo muri Afurika bateraniye mu Rwanda, aho bazamara icyumweru bahugurwa ku mategeko agenga intambara.

Aya amahugurwa abera mu kigo cy’igihugu cy’amahoro (Rwanda Peace Academy), giherereye i Nyakinama mu karere ka Musanze.

Abitabiriye aya mahugurwa baturutse mu bihugu bya Comores, Kenya, Uganda, Sudani, Sudani y’Epfo n’u Rwanda.

JPEG - 316.6 kb
Abitabiriye amahugurwa ku mategeko agenga intambara (Foto Ngaboyabahizi P)

Umuyobozi wa Rwanda Peace Academy Colonel Jules Rutaremera, atangiza iyi nama yagaragaje ko n’ubwo intambara ari mbi, iyo abayirwana bazi amategeko ayigenga bigabanya ibyangirika.

Yagize ati:“N’ubwo bwose intambara ari mbi, ariko ibyo yangiza byagabanuka mu gihe abayirimo basobanukiwe n’amategeko ayigenga.

Nko mu burenganzira bwa muntu, uri k’urugamba akamenya uburyo afata abari k’urugamba ndetse n’abataruriho, aha navuga abana, abagore, abarwayi n’abandi, mu by’ukuri usanga bakwiye kurengerwa mu bihe by’intambara”.

Yakomeje avuga ko abari muri aya mahugurwa bazamenya uburyo bwo gukorana n’imiryango yita k’uburenganzi bwa muntu nk’umuryango utabara imbabare, bakaba kandi bazabasha no gushyira mu bikorwa aya mategeko.

Muri aya mahugurwa hagaragajwe ko amategeko agenga intambara areba buri wese wayigiyemo, yaba ari Leta cyangwa imitwe yitwaje intwaro, kandi ngo kunyuranya na yo bihanwa n’umuryango mpuzamahanga.

Rose Mary Karamuta, umwe mu bitabiriye aya mahugurwa aturutse muri Kenya, yabwiye Imvaho Nshya ko kwihugura muri aya mategeko bibongerera ubumenyi ku birebana n’uburyo uri k’urugamba yakwitwara.

Aya mahugurwa yateguwe n’ikigo cy’igihugu gishinzwe amahoro Rwanda Peace Academy gihereye i Nyakinama, k’ubufatanye na Leta y’u Buyapani.

 

Comments

Who are you?
Your post
  • To create paragraphs, just leave blank lines.

 
 
Ubwiza bw’indege ya mbere nini yaraye itashye mu Rwanda (mu mafoto)
Ubwiza bw’indege ya mbere nini yaraye itashye mu Rwanda (mu mafoto)

Indege nshya yiswe ‘Umurage’ yaraye itashye mu Rwanda ku wa 1 Ukuboza 2016 igaragaza umwihariko mu miterere n’ubwiza bibereye amaso. Ikigo RwandAir cyakiriye iyi ndege ‘Airbus 330-300’ ifite (...)

Abapolisi 60 barangije bahuguwe ku buyobozi bwa sitasiyo za Polisi
Abapolisi 60 barangije bahuguwe ku buyobozi bwa sitasiyo za Polisi

Mu rwego rwo gukomeza kongerera ubumenyi abapolisi, ejo icyiciro cya kabiri cy’amahugurwa y’ubuyobozi bwa sitasiyo za Polisi cyarangijemo abapolisi 60 ku Ishuri rikuru rya Polisi (NPC) riri mu (...)

Kibeho: Ikibazo cy’amaresitora n’amacumbi kiracyari ingorabahizi
Kibeho: Ikibazo cy’amaresitora n’amacumbi kiracyari ingorabahizi

Mu gihe tariki 28 Ugushyingo buri mwaka hizihizwa umunsi w’ibonekerwa i Kibeho mu karere ka Nyaruguru, abaturuka hirya no hino baba bitabiriye uyu munsi mukuru, batangaza ko umutekano basanga mu (...)

U Rwanda rwasabye guhata ibibazo abasirikare 20 b’Abafaransa
U Rwanda rwasabye guhata ibibazo abasirikare 20 b’Abafaransa

Ubushinjacyaha bw’u Rwanda bwasabye Urukiko Rukuru rw’u Bufaransa ubufatanye mu gukurikirana abasirikare b’Abafaransa bakurikiranyweho uruhare bagize muri Jenoside yakorewe Abatutsi muri Mata 1994. (...)

Leta yishimira kuba ibiribwa byinshi mu bitunze Abanyarwanda babyihingira
Leta yishimira kuba ibiribwa byinshi mu bitunze Abanyarwanda babyihingira

Leta y’u Rwanda yagaragaje ko iterwa ishema no kuba ibiribwa byinshi bitunze abaturage biva muri bo, ibindi bikeya akaba ari byo biva mu mahanga. Mu nama mu nama nyungurabitekerezo ku isano iri (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.