Advertisement
 
 
 
 
 
 
 
 

Amakuru | Mu Rwanda

Ibigo by’impfubyi byo mu Rwanda byasabwe guhindura imikorere   

  Yanditswe na UWIMANA DONATHA
 May 2016

 
 

Komisiyo y’igihugu y’abana, NCC, yasabye ibigo by’impfubyi guhindura imikorere yabyo bikongeramo ibindi bikorwa byafasha abana.

Bimwe mu bigo byagaragaje ko byahinduye imikorere, ibindi byo bikaba bigiseta ibirenge.

Umunyamabanga Nshingwabikorwa wa Komisiyo y’igihugu ishinzwe abana Uwera Claudine Kanyange avuga ko hari bimwe mu bigo bashoboye guhindura imikorere ndetse bikaba byarasangije Komisiyo y’abana ibirebana n’iyo mikorere.

Ati “Ikigo cyo kwa Gisimba nta bana bakirererwamo, ubuyobozi bw’icyo kigo bwatubwiye ko abana bakira ubu ari abana bataha iwabo ariko bakakirwa nyuma yo kuva ku ishuri.”

JPEG - 75.3 kb
Uwera Claudine Kanyange umunyambanga nshingwabikorwa wa Komisiyo y’igihugu y’abana Foto (James R)

Uwera avuga ko umwana wavuye ku ishuri babyeyi badahari ajya muri icyo kigo bakamufasha agashobora kuba yabona umufasha gusubiramo ibyo yize, umwana agakina n’ibindi ariko bikamurinda kuzerera.

Ati “Turashishikariza abantu by’umwihariko ba nyir’ibigo kwitabira kugira amarerero y’inshuke. Turifuza ko byakorwa ahantu henshi mu gihugu. Ayo marerero ni uburyo bwiza bwo kurinda umwana aho umwana aba ari afite abantu bamwitayeho bamufasha gukura neza, bamuha uburere buboneye.”

Uyu muyobozi avuga ko ikigo cya Nyundo cyahoze kirererwamo impfubyi ariko ubu kikaba cyarahindutse ishuri ryisumbuye. Ariko ngo nubwo ibigo bimwe byahinduye imikorere hari ibindi bigo bigicumbagira ndetse ngo byaba bicyakira abana bareraga mbere kandi bizwi neza ko bafite ababyeyi n’imiryango ibarera.

Mu nama yahuje Komisiyo ishinzwe abana n’abayobozi b’uturere bungirije bashinzwe imibereho myiza y’abaturage ndetse n’abashinzwe uburinganire mu turere no mu mirenge,

Umukozi ushinzwe uburinganire mu karere ka Gasabo Uwamahoro Daria Jeannette yatunze agatoki kimwe mu kigo cyarerwagamo abana aho kugeza ubu cyemereye abana bakagaruka muri icyo kigo kandi bari barajyanywe mu miryango ibyo byerekana ko hari inyungu baba bagikurikiranye ku bana.

Ati “Iki kigo cyakiraga abana b’impfubyi gifite n’ishuri, ariko ba nyiracyo bitwaza iryo shuri abana bakagaruka kwiga baba muri icyo kigo. Tugakeka ko abakira abo bana hari inyungu baba babifitemo. Gusa twagerageje kubaganiriza ngo turebe ko bakohereza abana kurererwa mu miryango yaba iyabo cyangwa iya bakiriye.”

Gahunda yo gukura abana mu bigo by’imfubyi bakarererwa mu miryango iri mumyanzuro yafashwe n’inama y’abaminisitiri yo kuwa 16/3/2012.

 

Comments

 
 
Sen. Tito yahumurije abarokotse Jenoside muri UNILAK
Sen. Tito yahumurije abarokotse Jenoside muri UNILAK

Ku mugoroba wo ku wa kane itariki 27 Mata 2017, abanyeshuri n’abakozi ba Kaminuza y’Abalayiki b’Abadiventiste (INILAK) bifatanyije n’Abanyarwanda kwibuka Abatutsi bazize Jenoside. Senateri Dr. Tito (...)

Bralirwa yashimiwe kubera umubyeyi imfubyi z’abishwe muri Jenoside bayikoreraga
Bralirwa yashimiwe kubera umubyeyi imfubyi z’abishwe muri Jenoside bayikoreraga

Umuryango Uharanira inyungu z’Abarokotse jenoside yakorewe Abatutsi urashimira Uruganda rw’ibinyobwa bisembuye n’ibidasembuye Bralirwa, ku buryo yahindutse umubyeyi w’abana babyawe n’ababyeyi (...)

Rubavu:Umusuwisi n’Umunyekongo bishimiye guhabwa ubwenegihugu bw’u Rwanda
Rubavu:Umusuwisi n’Umunyekongo bishimiye guhabwa ubwenegihugu bw’u Rwanda

Umuturage ukomoka mu gihugu cy’u Buswisi n’undi ukomoka mu gihugu cya Repubulika iharanira Demokarasi ya Congo, bashyikirijwe n’umuyobozi w’akarere ka Rubavu ibyemezo bibemerera kuba abenegihugu b’u (...)

Abapolisi b’u Rwanda 160 bagiye mu butumwa  muri Sudani y’Epfo
Abapolisi b’u Rwanda 160 bagiye mu butumwa muri Sudani y’Epfo

Itsinda ry’Abapolisi (FPU) b’u Rwanda 160 barimo abagore 26 bagiye mu butumwa bwo kubungabunga amahoro bw’Umuryango w’Abibumbye muri Sudani y’Epfo, mu gitondo cyo ku itariki ya 4 Mata. Basanzeyo (...)

RSSB iri kwiga ku kibazo cy’abafite mituweli boherezwa kugura imiti muri farumasi zigenga
RSSB iri kwiga ku kibazo cy’abafite mituweli boherezwa kugura imiti muri farumasi zigenga

Ubuyobozi bw’Ikigo cy’Ubwiteganyirize bw’abakozi (RSSB) ari nabwo bufite mituweli mu nshingano, buratangaza ko bugiye kuganira na Minisiteri y’Ubuzima ku kibazo bamwe mu banyamuryango bashinja (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.