2017-08-20 07:43:19 clouds 27o High | Kigali Rwanda

Dukurikire:
 
 

Ibanga ry’ubukungu bwacu ryihishe mu gufasha abagore –Jeannette Kagame

Yanditswe na IMVAHO NSHYA

Kuya 2017-03-22 14:06:13

 
Share on:
 
Yasuwe:222
 
Yavuzweho:200
 
10
 
10

Umufasha wa Perezida wa Repubulika, Madamu Jeannette Kagame ahamya ko gutera inkunga abagore ari kimwe mu by’ingenzi bituma igihugu gitera imbere byihuse.

Ubwo yatangiza umushinga wa “She Trades’ kuri uyu wa 22 Werurwe 2017, Jeannette Kagame yavuze ko bagamije gufasha abari n’abategarugori bikorera, babatera inkunga, kandi bakabakemurira ibibazo bibabangamiye ndetse ibikcuruzwa bakora isoko ku rwego mpuzamahanga.

Yasobanuye ko u Rwanda ari icyitegererezo ku bindi bihugu bituye Isi kuko rwabashije guha amahirwe abagore, bigatanga umusaruro ufatika, dore ko umubare w’abagore batunze ifaranga n’abatinyuka gushora imari mu bikorwa byabo bwite wiyongereye cyane.

JPEG - 109.3 kb
Madamu Jeannette Kagame ageza ijambo ku bitabiriye inama ifungura umushinga She Trades

Yongeyeho ko igihugu runaka cyirengagiza abagore muri gahunda ziterambere kiba cyishora mu gihombo kuko bagize umubare munini w’abaturage.

Ati “ Ibanga ryo kongera ubukungu ryihishe mu kugiririra icyizere, korohereza no gushora mu bushobozi bw’abantu bacu, cyane cyane abagore.”

Jeannette Kagame yashimye imiryango yashoboye kufasha abagore kwihangira imirimo ibyara inyungu, nka Duterimbere, ndetse anagaragaza ko imishinga nka New Faces New Voices na gahunda ya Imali iri kugira uruhare mu gutuma umugore akirigita ifaranga.

She Trades ni gahunda ya Leta y’u Rwanda, ifatanyije n’Ikigo Mpuzamahanga cy’ubucuruzi (ITC), u Bwongereza, Australia, Norvege…igamije gutera inkunga abagore bakora ubucuruzi ku buryo muri 2020 abagore basaga miliyoni bazaba babonewe amasoko y’ibicuruzwa byabo mu mahanga.

Kugeza ubu abagore batunze miliyoni 10 z’ibigo by’ubucuruzi bito n’ibiciriritse ku Isi. She Trades igamije kubavaniraho imbogamizi bahura nazo zirimo kubura isoko, kubura ubumenyi n’amahugurwa n’ibindi.

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE