Advertisement
 
 
 
 
 
 
 
 

Amakuru | Mu Rwanda

Hemejwe 5 bahatanira gusimbura Senateri Mucyo uherutse kwitaba Imana   

  Yanditswe na TWAGIRA WILSON
 5 months ago

 
 

Komisiyo y’igihugu y’amatora (NEC) yashyize ahagaragara urutonde rw’abakandida batanu bazasimbura Senateri Mucyo Jean de Dieu witabye Imana tariki 03 Ukwakira 2016 nyuma igihe kigera ku mwaka yari amaze atorewe kwinjira muri Nteko Ishingamateko, Umutwe wa Sena.

Uru rutonde rwatangajwe nyuma y’uko abo bakandida bemejwe n’Urukiko rw’Ikirenga ndetse amatora kuri uwo mwanya akaba ateganyijwe ku ya 1 Ukuboza 2016.

Mu bakandida bamaze kwemezwa harimo Dr Masabo François usanzwe ari umwarimu muri Kaminuza y’u Rwanda, Mukakabera Monique, Mukamuganga Veneranda, Muhimakazi Félicité na Dr. Sezibera Richard wari Umunyamabanga Mukuru w’Umuryango wa Afurika y’Uburasirazuba, EAC.

JPEG - 175.7 kb
Senanteri Mucyo Jea de Dieu uherutse kwitaba Imana azize kugwa ku ngazi agiye ku kazi

Biteganyijwe ko kwiyamamaza kw’Abakandida bizatangira ku wa 21 kugeza tariki 30 Ugushyingo 2016, bikaba bivuze ko bazahabwa iminsi umunani yo kwiyamamaza, izarangira bucya haba amatora.

Biteganyijwe ko gutangaza by’agateganyo ibyavuye mu matora ku mwanya w’Umusenateri utorerwa mu Ntara y’Amajyepfo bizakorwa bitarenze tariki 06 Ukuboza mu gihe ibyavuye mu matora bizatangazwa burundu bitarenze tariki 13 Ukuboza 2016.

Bamwe mu basesengura ibya Politiki ndetse na bimwe mu bitangazamakuru batangiye guhwihwisa ko Dr. Richard Sezibera uri mu bakandida bamaze kwemezwa ahabwa amahirwe menshi, cyane ko atari mushya muri politiki kuko yigeze kuba umudepite imyaka itanu, aba Ambasaderi w’u Rwanda mu bihugu bitandukanye.

Na none kandi Dr Sezibera yabaye Minisitiri w’Ubuzima, gusa kuri ubu nta mirimo izwi ari gukora nyuma yo gusoza manda y’imyaka itanu nk’Umunyamabanga Mukuru w’Umuryango wa Afurika y’Iburasirazuba, aho yasimbuwe n’Umurundi Liberate Mfumukeko.

Izi inshinganomuri EAC yazikoze kuva muri Mata 2011 kugeza muri Werurwe 2016.

Dr Sezibera Richard uherutse gusimbuzwa ku mwanya w'Umunyamabanga Mukuru wa EAC

 

Comments

 
 
Sen. Tito yahumurije abarokotse Jenoside muri UNILAK
Sen. Tito yahumurije abarokotse Jenoside muri UNILAK

Ku mugoroba wo ku wa kane itariki 27 Mata 2017, abanyeshuri n’abakozi ba Kaminuza y’Abalayiki b’Abadiventiste (INILAKK) bifatanyije n’Abanyarwanda kwibuka Abatutsi bazize Jenoside. Senateri Dr. Tito (...)

Bralirwa yashimiwe kubera umubyeyi imfubyi z’abishwe muri Jenoside bayikoreraga
Bralirwa yashimiwe kubera umubyeyi imfubyi z’abishwe muri Jenoside bayikoreraga

Umuryango Uharanira inyungu z’Abarokotse jenoside yakorewe Abatutsi urashimira Uruganda rw’ibinyobwa bisembuye n’ibidasembuye Bralirwa, ku buryo yahindutse umubyeyi w’abana babyawe n’ababyeyi (...)

Rubavu:Umusuwisi n’Umunyekongo bishimiye guhabwa ubwenegihugu bw’u Rwanda
Rubavu:Umusuwisi n’Umunyekongo bishimiye guhabwa ubwenegihugu bw’u Rwanda

Umuturage ukomoka mu gihugu cy’u Buswisi n’undi ukomoka mu gihugu cya Repubulika iharanira Demokarasi ya Congo, bashyikirijwe n’umuyobozi w’akarere ka Rubavu ibyemezo bibemerera kuba abenegihugu b’u (...)

Abapolisi b’u Rwanda 160 bagiye mu butumwa  muri Sudani y’Epfo
Abapolisi b’u Rwanda 160 bagiye mu butumwa muri Sudani y’Epfo

Itsinda ry’Abapolisi (FPU) b’u Rwanda 160 barimo abagore 26 bagiye mu butumwa bwo kubungabunga amahoro bw’Umuryango w’Abibumbye muri Sudani y’Epfo, mu gitondo cyo ku itariki ya 4 Mata. Basanzeyo (...)

RSSB iri kwiga ku kibazo cy’abafite mituweli boherezwa kugura imiti muri farumasi zigenga
RSSB iri kwiga ku kibazo cy’abafite mituweli boherezwa kugura imiti muri farumasi zigenga

Ubuyobozi bw’Ikigo cy’Ubwiteganyirize bw’abakozi (RSSB) ari nabwo bufite mituweli mu nshingano, buratangaza ko bugiye kuganira na Minisiteri y’Ubuzima ku kibazo bamwe mu banyamuryango bashinja (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.