Advertisement
 
 
 
 
 
 
 
 

Amakuru | Mu Rwanda

Hejuru ya 70% bishimira imitangire y’akazi ka Leta   

  Yanditswe na GATETE JEAN BOSCO
 1 month ago

 
 

Komisiyo ishinzwe abakozi ba Leta iratangaza ko hejuru ya 70% y’abasaba akazi bishimira imitangire yako mu nzego za Leta.

Perezida w’iyo komisiyo Habiyakare Francois avuga ko igipimo cyo kunyurwa n’imitangire y’akazi ka Leta cyazamutse kikagera kuri 70.9%, mu gihe mu mwaka wa 2012/2013 cyari kuri 67% kivuye kuri 63.1% mu mwaka wa 2011/2012.

Ku bijyanye n’ubujurire bw’abakozi bashyikirije iyo komisiyo atangaza ko ubugera kuri 325 bwayishyikirijwe 303 bwabonewe ibisubizo, ubusigaye na bwo bukaba burimo gushakirwa inzira zo kubukemura.

Avuga ko impamvu z’ubwo bujurire ahanini zatewe n’ibirarane by’imishahara y’abakozi kimwe no kwirukanwa mu kazi kw’abakozi hadakurikijwe amategeko

Yakomeke avuga, ko hari aho abakoresha birukanaga abakozi bafite amakosa ariko ntibabikore mu nzira zubahiriza amategeko.

Ati “Biradutangaza hari abo twasabiye gusubizwa mu kazi kuko birukanywe hadakurikijwe amategeko ariko bidakuyeho ko hari amakosa bafite, tugira inama abakoresha kubasubizamo nyuma bakubahiriza amategeko mu kubirukana, gusa iyo basubiye mu kazi ntibongera kukavanwamo.”

Umunyamabanga nshingwabikorwa wa komisiyo Angelina Muganza yongeyeho ko hari abakozi basubizwa mu kazi bakitwara neza cyane.
Ati “Ubushize hari uwaje atubwira ko umukozi we yari yarirukanye tukamusabira gusubizwa mu kazi ariwe usigaye yitwara neza mu bakozi be bose.”

Leta yarezwe n’abakozi 254 kuva mu mwaka wa 2012kugeza mu 2015 mu manza 254 mu nzego 51, itsinda imanza 37 bingana na 25%, itsindwa imanza 115 bingana na 75% icibwa amafaranga agera kuri miliyoni 524, yo itsindira miliyoni icumi n’ibihumbi 400.

Komisiyo ifite gahunda yo gutegura imfashanyigisho izajya yorohereza umukozi wa Leta kumenya igihe atangira ikirego n’aho ahera mbere yo kuyigana mu gukemura ikibazo cy’abakozi babazanira ibirego bidafite ishingiro.

Ikibazo ngo gishobora habaye kubahiriza amategeko ajyanye n’imicungire y’abakozi hirindwa gushora Leta mu manza no gushyiraho politiki igaragaza uko serivisi zitangwa mu nzego z’imirimo ya Leta.

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Gasabo: Yapfuye agwiriwe n’ikirombe yibagamo gasegereti
Gasabo: Yapfuye agwiriwe n’ikirombe yibagamo gasegereti

Minani Selvirien yapfuye ubwo yacukuraga gasegereti mu buryo butemewe n’amategeko mu murenge wa Nduba, mu karere ka Gasabo. Uyu mugabo yagwiriwe n’ikirombe ubwo yibaga ariya mabuye ahasanzwe (...)

Minisitiri Murekezi yakiriye indahiro z’abashinjacyaha bane
Minisitiri Murekezi yakiriye indahiro z’abashinjacyaha bane

Minisitiri w’Intebe Anastase Murekezi yakiriye indahiro z’Abashinjacyaha bane, ku wa Kabiri ku ya 7 Ukuboza 2016. Batatu barahiriye gukora mu bushinjacyaha ku rwego rwisumbuye ni Murigirwa (...)

Kigali: Abana batatu bamaze gupfa barohamye mu minsi 10 gusa
Kigali: Abana batatu bamaze gupfa barohamye mu minsi 10 gusa

Abana batatu barohamye mu bidendezi by’amazi n’imigezi aho baba bidumbaguza mu Mujyi wa Kigali honyine mu minsi icumi ishize. Umuvugizi wa polisi mu mujyi wa Kigali, SP Emmanuel Hitayezu, (...)

Kigali: Polisi yafashe ibyuma by’imodoka bya miliyoni  24
Kigali: Polisi yafashe ibyuma by’imodoka bya miliyoni 24

Polisi y’u Rwanda mu karere ka Nyarugenge yafashe ibyuma by’imodoka bifite agaciro ka Miliyoni 24 z’amafaranga y’u Rwanda byibwe Kompanyi ikora imirimo y’Ubwubatsi yitwa NPD- COTRACO. Umuvugizi wa (...)

Jeannette Kagame arishimana n’abana mu birori bisoza umwaka
Jeannette Kagame arishimana n’abana mu birori bisoza umwaka

Kuri iki cyumweru tariki 4 Ukuboza 2016, Madamu Jeannette Kagame arakira abana baturutse muturere 30 tw’igihugu mu birori byo gusoza umwaka wa 2016 anabifuriza Umwaka Mushya Muhire wa 2017. (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.