Advertisement
 
 
 
 
 
 
 
 

Amakuru | Mu Rwanda

U Burasirazuba: Hatashywe icyicaro cya Polisi cyatwaye asaga igice cya miliyari   

  Yanditswe na Hakizimana Yussuf
 4 months ago

 
 

Minisitiri w’Ubutabera akaba anafite polisi y’igihugu mu nshingano ze, yatashye inyubako nshya y’icyicaro cya polisi mu ntara y’Uburasirazuba, iherereye mu murenge wa Kigabiro mu karere ka Rwamagana, kuri uyu wa 13 Ukwakira 2016.

Busingye yavuze ko iyo nyubako imaze umwaka yubakwa, yatwaye miliyoni 577 777 176 z’amafaranga y’u Rwanda, ari ikimenyetso cy’uko polisi y’igihugu ifite ubushobozi.

Yagize ati “ Mu gihe tumaranye na polisi, abayobozi bayo bambwira ko bafite ikibazo cy’amikoro ko akiri macye ariko buri gihe ntangazwa n’uko bakora ibintu bisobanutse kandi by’amikoro menshi, amikoro ari mu mitwe yanyu kuko kubona iyi nyubako irangiye itwaye miliyoni 577 ni ibintu byo kwishimira cyane.”

JPEG - 198.8 kb
Minisitiri Busingye afungura ku mugaragaro iyo nyubako

Yanashimiye polisi ko iyubakwa ry’icyo cyicaro gishya cya polisi yo mu Burasirazuba ritigeze ridindira na gato nk’uko bikunze kugaragara ku zindi nyubako.

Ati “ Kuba yarubatswe mu gihe cy’amezi 12 gusa nyamara hari izindi nyubako muzi zitangira kubakwa umwana akavuka, agatangira amashuri akayasoza zitararangira ni bimwe mu bigaragaza ko amikoro mufite ariyo ahambaye ni ibiri mu mitwe yanyu.”

JPEG - 226.7 kb
Busingye yemeza ko iyi nyubako yerekana ko polisi y’u Rwanda ifite amikoro

Minisitiri Busingye yakomeje asaba ko hakomeza kubaho ubufatanye bwa polisi n’abaturage n’inzego z’ibanze mu rwego rwo kurushaho kwicungira umutekano kandi abaturage bakabigiramo uruhare.

Umunyamabanga nshingwabikorwa w’intara y’iburasirazuba, Makombe JMV, yemeza ko ubu bufatanye buhari mu nzego zose ndetse hagenwa n’igihembo cy’uturere twakoranye neza na polisi kurusha utundi, hagahembwa n’abaturage batanze amakuru bahize abandi muri buri karere.

Nkunsi Jean Baptiste, ni umuturage ukorana na Community Policing, yemeza ko imikoranire yabo igiye kwiyongera kuko babonye inyubako ibabereye.

Ati “Ahari hasanzwe hari hatoya kandi ugasanga aho abantu bategerereza ni ku izuba ku buryo byari bibangamye, ubu tugiye kuzajya dukorana neza kandi turusheho gutanga amakuru.”

Iyi nyubako igizwe n’ibyumba 36 ifite igorofa imwe hejuru, hazakoreramo ubuyobozi bwa polisi ku rwego rw’intara, naho hasi hari polisi ku rwego rw’akarere ka Rwamagana ndetse na sitasiyo ya polisi y’umurenge wa Kigabiro.

Ifite inzu zizajya zicumbikirwamo abakoze ibyaba bakurikiranywe na polisi mu buryo bwubahirije uburenganzira bwa muntu n’amategeko mpuzamahanga.

 

Comments

 
 
Uganda yagaruye abanyarwanda babiri bari barayihungiyemo batorotse gereza
Uganda yagaruye abanyarwanda babiri bari barayihungiyemo batorotse gereza

Polisi y’u Rwanda yashyikirijwe abagabo babiri bari barahungiye muri Uganda nyuma yo gutoroka gereza, ikaba yarabakiriye ku italiki ya 21 Gashyantare ku mupaka wa Gatuna. Abagaruwe ni (...)

Min. Kanimba  yasabye umunyamabanga wa EAC gushyira ingufu mu mavugurura
Min. Kanimba yasabye umunyamabanga wa EAC gushyira ingufu mu mavugurura

Minisitiri w’Ubucuruzi, Inganda n’Ibikorwa by’Umuryango w’Afurika y’Uburasirazuba, François Kanimba, yakiriye mu biro bye Umunyamabanga Mukuru w’Umuryango wa Afurika y’Uburasirazuba, EAC, Amb. Libérat (...)

Abahoze ari abajura muri Nyabugogo bashinze ihuriro
Abahoze ari abajura muri Nyabugogo bashinze ihuriro

Urubyiruko rugera ku 157 rwahoze rukora ibikorwa by’ubujura bitandukanye mu gace ka Nyabugogo mu Mujyi wa Kigali rwiyemeje kubireka, ubu rukaba rwarashyizeho ihuriro ryabo ryitwa” Hinduka uhindure (...)

Polisi y’u Rwanda yafatiye ibiyobyabwenge na magendu mu mikwabu
Polisi y’u Rwanda yafatiye ibiyobyabwenge na magendu mu mikwabu

Imikwabu Polisi y’u Rwanda yakoze mu mpera z’icyumweru gishize mu turere twa Huye, Kirehe, Gicumbi na Nyanza yayifatiyemo ibiyobyabwenge by’ubwoko butandukanye na magendu. Uwitwa Ntirenganya Jean (...)

Abatwara imodoka zijyana  abana ku ishuri  baravugwaho kubatendeka
Abatwara imodoka zijyana abana ku ishuri baravugwaho kubatendeka

Ishami rya Polisi y’u Rwanda rishinzwe umutekano wo mu muhanda rirasaba abatwara ibinyabiziga bijyana cyangwa bivana abana b’abanyeshuri ku mashuri yabo, kubahiriza amategeko y’umuhanda kuko hari (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.