Advertisement
 
 
 
 
 
 
 
 

Amakuru | Mu Rwanda

Hashyizweho uburyo bushya bwo gukoresha inkunga itangwa mu cyunamo   

  Yanditswe na MUGISHA BENIGNE
 April 2016

 
 

Komisiyo y’Igihugu yo kurwanya Jenoside (CNLG) yashyizeho uburyo bushya bwo gukoresha inkunga itangwa mu cyunamo yo gufasha abarokotse Jenoside mu rwego rwo kuyigeza ku bayikeneye hirindwa ko yakoreshwa ibindi itagenewe.

Nk’uko bisanzwe bikorwa mu gihe cy’icyunamo, Abanyarwanda batanga inkunga yo gufasha abarokotse Jenoside batishoboye no kubafata mu mugongo, aho batuye mu midugudu.

Mu kiganiro kigufi Imvaho Nshya yagiranye na Dr Bizimana Jean Damscene, Umunyamabanga Nshingwabikorwa wa Komisiyo y’igihugu yo kurwanya Jenoside (CNLG) avuga ko byari bimaze kugaragara ko iyi nkunga itakoreshwaga neza icyo yagenewe cyangwa se igakoreshwa mu bidakenewe nko kubaka inzibutso n’ibindi, hakaba habagaho n’impungenge ko amafaranga ashobora kurigiswa.

JPEG - 28.6 kb
Umunyamabanga Nshingwabikorwa wa CNLG, Dr. Bizimana Jean Damascene

Yakomeje avuga ko Inteko ishinga amategeko ari yo yasabye CNLG guhindura uburyo inkunga yakirwagamo n’uburyo yakoreshwagamo, ahubwo ikajya ikusanywa ikagezwa ku rwego rw’uturere, igashyirwa kuri konti izwi kugira ngo ikoreshwa ryayo ribashe gukurikiranwa neza.

Ati “Ubu buryo bushya bwo gukusanya inkunga buzafasha kuyicunga neza no kutayipfusha ubusa, ahubwo igakoreshwa icyo yagenewe kandi gikenewe cyumvikanyweho n’inzego zinyuranye mu buryo bwo gufasha abarokotse Jenoside batishoboye.”

Dr. Bizimana avuga ko iyi nkunga izajya icungwa na komite ihuriweho n’inzego zinyuranye zirimo komite z’abarokotse Jenoside mu turere n’imirenge, IBUKA, abafite mu nshingano imibereho myiza mu turere, kandi iyo konti igacungwa n’uturere.

Yongeyeho ko konti zizashyirwaho iyo nkunga zizajya zigenzurwa n’inzego zinyuranye zifite mu nshingano gufasha abarokotse Jenoside n’izindi nzego za Leta zirimo na Minisiteri y’imari n’igenamigambi.

Dr Bizimana yamaze impungenge abatekereza ko iyo nkunga itazabageraho avuga ko ahubwo izarushaho gucungwa neza, bityo ikagira byinshi yafasha mu kugobaka abarokotse Jenoside batishoboye, kuko hazajya harebwa ibyihutirwa kurusha ibindi akaba ari byo bizibandwaho.

 

Comments

 
 
Sen. Tito yahumurije abarokotse Jenoside muri UNILAK
Sen. Tito yahumurije abarokotse Jenoside muri UNILAK

Ku mugoroba wo ku wa kane itariki 27 Mata 2017, abanyeshuri n’abakozi ba Kaminuza y’Abalayiki b’Abadiventiste (INILAK) bifatanyije n’Abanyarwanda kwibuka Abatutsi bazize Jenoside. Senateri Dr. Tito (...)

Bralirwa yashimiwe kubera umubyeyi imfubyi z’abishwe muri Jenoside bayikoreraga
Bralirwa yashimiwe kubera umubyeyi imfubyi z’abishwe muri Jenoside bayikoreraga

Umuryango Uharanira inyungu z’Abarokotse jenoside yakorewe Abatutsi urashimira Uruganda rw’ibinyobwa bisembuye n’ibidasembuye Bralirwa, ku buryo yahindutse umubyeyi w’abana babyawe n’ababyeyi (...)

Rubavu:Umusuwisi n’Umunyekongo bishimiye guhabwa ubwenegihugu bw’u Rwanda
Rubavu:Umusuwisi n’Umunyekongo bishimiye guhabwa ubwenegihugu bw’u Rwanda

Umuturage ukomoka mu gihugu cy’u Buswisi n’undi ukomoka mu gihugu cya Repubulika iharanira Demokarasi ya Congo, bashyikirijwe n’umuyobozi w’akarere ka Rubavu ibyemezo bibemerera kuba abenegihugu b’u (...)

Abapolisi b’u Rwanda 160 bagiye mu butumwa  muri Sudani y’Epfo
Abapolisi b’u Rwanda 160 bagiye mu butumwa muri Sudani y’Epfo

Itsinda ry’Abapolisi (FPU) b’u Rwanda 160 barimo abagore 26 bagiye mu butumwa bwo kubungabunga amahoro bw’Umuryango w’Abibumbye muri Sudani y’Epfo, mu gitondo cyo ku itariki ya 4 Mata. Basanzeyo (...)

RSSB iri kwiga ku kibazo cy’abafite mituweli boherezwa kugura imiti muri farumasi zigenga
RSSB iri kwiga ku kibazo cy’abafite mituweli boherezwa kugura imiti muri farumasi zigenga

Ubuyobozi bw’Ikigo cy’Ubwiteganyirize bw’abakozi (RSSB) ari nabwo bufite mituweli mu nshingano, buratangaza ko bugiye kuganira na Minisiteri y’Ubuzima ku kibazo bamwe mu banyamuryango bashinja (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.