Advertisement
 
 
 
 
 
 
 
 

Amakuru | Mu Rwanda

Gushora imari mu mutekano ni ishema ry’u Rwanda-Min Busingye   

  Yanditswe na NGABOYABAHIZI PROTAIS
 2 months ago

 
 

Minisitiri w’Ubutabera akaba n’Intumwa Nkuru ya Leta Busingye Johnston, yemeza ko gushora imari muri gahunda zo kubaka amahoro no kurengera abasivili mu bihe by’umutekano muke; ari ishema ry’ uRwanda.

Minisitiri Busingye yashimangiye ubwitange bw’u Rwanda mu kubungabunga amahoro mu kigo cy’igihugu cyo kubaka amahoro (Rwanda Peace Academy) ku wa gatatu tariki 9 Ugushyingo 2016 mu muhango wo gutangiza amahugurwa mpuzamahanga ku kurinda abasivili yitabiriwe n’abasirikare, abapolisi n’abasivili 36 baturutse mu bihugu 14.

Abitabiriye aya mahugurwa azasozwa kuwa 16 ugushyingo uko ari 36 bazasangizwa ibikubiye mu mahame mpuzamahanga yemerejwe i Kigali mu nama mpuzamahanga ku kurinda abasivili mu bihe by’intambara yateranye kuva kuwa 28 kugeza kuwa 29 Gicurasi 2015.

Aya mahame yahawe inyito ya Kigali Principles on protection of civilians and the Responsibility to Protect akaba ariyo agiye gusobanurirwa izo ntumwa z’abasirikare, abapolisi n’abasivili baturutse mu bihugu 12 bya Afrika n’Ubuholandi na USA.

JPEG - 279.6 kb
Aba ni abahagarariye ibihugu 14 bitabiriye amahugurwa mu byo kubungabunga umutekano

Minisitiri Busingye Johnston yagize ati “Kuba u Rwanda rushyira imbaraga mu bikorwa byo kubungabunga amahoro no kurinda abaturage ni ishema rikomeye kuri rwo n’abayobozi barwo. Amahame bagiye kuganiraho ni umusanzu ukomeye mu kurinda abasivili ku Isi yose.”

Umuvugizi w’ingabo z’u Rwanda Lt Colonel Rene Ngendahimana yavuze ko impamvu u Rwanda ari rwo rwakiriye amahugurwa ari uko Ingabo zarwo zimaze kuba icyitegererezo ku rwego mpuzamahanga bitewe n’umurava, n’imyitwarire myiza yose bagaragaza mu gihugu no mu mahanga aho batumirwa kubungabunga amahoro.

Yashimangiye kandi ko umuco wo kurinda abasivili ari wo bashaka gutoza abasirikare b’ahandi.



Ambasaderi w’u Buholandi mu Rwanda Frederique Maria De Man, yemeje ko u Rwanda ari intangarugero ku buryo rugomba gushyigikirwa. Ahatunzwe agatoki mu ngero z’aho abasivili batarindiwe umutekano ndetse bagatereranwa n’abagombaga kubarinda ni mu ntambara zo muri Iraq, Syria, Yemen Soudan y’Epfo n’ahandi.

Agendeye ku buryo ayo mahame yashyiriweho umukono Kigali arengera abasivili kandi akaba amaze kwemezwa n’ibihugu 38 byo ku migabane yose, Ambasaderi Maria De Man yiteguye gutanga umusanzu wo gushishikariza n’ibindibihugu kuwusinya.



















 

Comments

pre-moderation

Igitekerezo cyanyu kiragaragara kimaze gusumwa n'umwanditsi mukuru wa Imvaho Nshya

Izina Ryanyu
IGITEKEREZO

 
 
Minisitiri Gen. Kabarebe yakiriye  Ambasaderi w’u Bubiligi mu Rwanda
Minisitiri Gen. Kabarebe yakiriye Ambasaderi w’u Bubiligi mu Rwanda

Ambasaderi w’u Bubiligi mu Rwanda, Arnout Pauwels ari kumwe n’Umujyanama wa Ambasade mu bya gisirikare mu Rwanda, Lt Col Alain Lambert, bakiriwe na Minisitiri w’Ingabo z’u Rwanda, Gen James Kabarebe (...)

Ahabereye ibikorwa by’ubutwari hagiye gushyirwa ibimenyetso
Ahabereye ibikorwa by’ubutwari hagiye gushyirwa ibimenyetso

Minisiteri y’Umuco na Siporo, ivuga ko ahabereye ibikorwa by’ubutwari hagiye gushyirwa ibimenyetso biharanga, kugira ngo amateka y’aho ahabwe agaciro n’Abanyarwanda. Mu kiganiro n’abanyamakuru (...)

Abana icyenda bigiye muri gereza bakoze ibizamini bya Leta batsinda neza
Abana icyenda bigiye muri gereza bakoze ibizamini bya Leta batsinda neza

Urwego rw’igihugu rushinzwe imfungwa n’abagororwa (RCS) rurishimira ko ku nshuro ya mbere abana bafungiye muri gereza y’abana ya Nyagatare bakoze ibizamini bya Leta bisoza amashuri abanza n’icyiciro (...)

Kicukiro: Umunyeshuri yafatanwe kashe 39 z’impimbano
Kicukiro: Umunyeshuri yafatanwe kashe 39 z’impimbano

Polisi y’u Rwanda ikorera mu karere ka Kicukiro yafatanywe kashe 39 zitandukanye umunyeshuri witwa Tuyishime Bernard wiga ibijyanye no gukora amazi mu Ishuri ry’Ubumenyingiro IPRC-Kicukiro. Izi (...)

Bamwe mu babyeyi bagaragaje ibanga ryatuma abana batsinda ibizamini bya Leta
Bamwe mu babyeyi bagaragaje ibanga ryatuma abana batsinda ibizamini bya Leta

Ku wa mbere ushize nibwo ikigo cy’igihugu cy’uburezi REB, cyamuritse amanota y’ibizamini bya Leta by’amashuri abanza ndetse n’icyiciro cya mbere cy’ayisumbuye. Abanyeshuri bakoze ibizami bisoza (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.