Advertisement
 
 
 
 
 
 
 
 

Amakuru | Mu Rwanda

Gusaba imbabazi kwa Kiliziya Gatolika kwabohoye Abanyarwanda   

  Yanditswe na IMVAHO NSHYA
 2 months ago

 
 

Kuri iki cyumweru tariki 20 Ugushyingo Kiliziya Gatolika yasabye imbabazi ku bw’abayoboke bayo bagize uruhare muri Jenoside yakorewe Abatutsi mu myaka 22 ishize.

Hashize igihe kinini Abanyarwanda b’ingeri zitandukaye bategereje kumva Kiliziya Gatolika igira icyo ivuga ku bari abayoboke bayo ndetse n’abapadiri bagize uruhare muri Jenoside, no ku bwicanyi bwagiye bukorerwa mu makiliziya atandukanye mu gihugu aho amwe yahindutse inzibutso kubera imbaga yahatikiriye.

Mu butumwa busoza umwaka wa Yubile y’Impuhwe z’Imana, abepisikopi mu Rwanda bashyize itangazo ahagaragara rigaragaza ko nubwo ibyabaye byose nta wigeze atumwa na Kiliziya, abayoboke n’abayobozi bagize uruhare muri Jenoside bayiteye gusaba imbabazi no kwisegura ku banyarwanda bose byasigiye igikomere.

Abanyarwanda banyuzwe n’uko Kiliziya Gatolika yivuye imuzi igasabira imbabazi abayoboke bayo mu gihe byavugwaga ko yaba yarinangiye gusaba imbabazi ku byaha byakozwe n’abayoboke ku giti cyabo nta ruhare rwayo rubirimo.

Mu majyepfo:

JPEG - 146.5 kb
Kanusu Gaspard wo mu ntara y’Amajyepfo (Foto Umutoni B)

Kanusu Gaspard yagize ati: “Byadushimishije kuba Kiliziya Gatolika yemeye gusaba imbabazi ku ruhare abakirisitu bagize muri Jenoside yakorewe abatutsi mu 1994, kuko byadushenguraga kuba yari imaze imyaka ingana gutya.

Hari Abatutsi benshi biciwe muri za Kiliziya, hari abishwe ndetse banicishwa n’abakirisitu ba kiliziya Gatolika ndetse yewe hari n’abapadiri bagize uruhare muri Jenoside.

Yunzemo ati “Nka Kiliziya Gatorika rero tuzi ko ifite ingufu urebye ku isi yose kuba yari itaremera gusaba imbabazi ku ruhare abakirisitu bagize muri Jenoside byadushenguraga…twabyakiriye neza rero, ni no guha isomo ryiza ryo gusaba imbabazi abakirisitu ba Kiliziya Gatolika muri rusange.”

Mu Burasirazuba:

JPEG - 285.1 kb
Mutuyimana Placide wo mu ntara y’Uburasirazuba (Foto Manishimwe N)

Mutuyimana Placide yagize ati “Ndumva ari ibintu byiza, kuko ni intambwe yateye. Kuko iyo umwana akoze ikosa, umubyeyi arabihanirwa, iyo itungo ryonye nyir’itungo ni we ubibazwa, bivuze ko kuba Kiliziya Gatolika yateye intambwe igasaba imbabazi kubw’abayoboke bayo bagize uruhare muri Jenoside yakorewe abatutsi byari ngomba rwose.”

Mu Majyaruguru:

JPEG - 320.4 kb
Uwimbabazi Marie Chantal wo mu ntara y’Amajyaruguru(Foto Ngaboyabahizi P)

Uwimbabazi Marie Chantal yagize ati “Amashyirahamwe, amakoperative, abantu ku giti cyabo basabye abanyarwanda imbabazi bemera icyaha, ariko nka Kiliziya Gatolika yo yasaga n’iyambariye ku gisebe cy’umufunzo, ushingiye ko hari bamwe mu bakirisitu, abapadiri, abafurere, ababikira n’abandi bari muri gereza, ndetse n’abandi bahunze.

Abo bose Kiliziya yari yaranumye nk’aho itabizi, ibi rero yakoze natwe biratubohoye, bije gushimangira ubumwe n’ubwiyunge kandi amajyaruguru tubigeze kure, no mu ndamukanyo yacu birimo, aho tugira tuti “Mugire amahoro ubumwe n’ubwiyunge”, iri rero ni ijambo rivuze byinshi mu kubaka u Rwanda rurimo abakoze Jenoside n’abayikorewe."

Mu Burengerazuba:

JPEG - 256.2 kb
Mukankubito Immaculée wo mu ntara y’Uburengerazuba (Foto Bahuwiyongera S)

Mukankubito Immaculée yagize ati « Byanshimishije cyane kuko najyaga nibaza impamvu Kiliziya Gatolika ikomeza kwinangira kandi bamwe mu bapadiri n’abayoboke bayo bashinjwa uruhare rukomeye muri Jenoside yakorewe abatutsi.

Uyu n’ubwo ari umuti usharira ariko Kiliziya Gatolika na yo yemeye kuwunywa nyuma y’imyaka 22, ikaba iduhaye urugero rwiza rwo kudatinya gusaba imbabazi abo dushobora guhemukira, natwe abakirisitu tukaba dutegerezanyije amatsiko ibizakurikiraho nyuma y’uku gusaba imbabazi ku mugaragaro."

Mu mujyi wa Kigali : Uwiringiyimana Theogene yagize ati "Njye Jenoside yakorewe abatutsi yabaye ndeba kandi abenshi mu bishwe biciwe muri za kiliziya aho bari bizeye amakiriro.Bateye intambwe ibohora abanyarwanda.»

 

Comments

pre-moderation

Igitekerezo cyanyu kiragaragara kimaze gusumwa n'umwanditsi mukuru wa Imvaho Nshya

Izina Ryanyu
IGITEKEREZO

 
 
Minisitiri Gen. Kabarebe yakiriye  Ambasaderi w’u Bubiligi mu Rwanda
Minisitiri Gen. Kabarebe yakiriye Ambasaderi w’u Bubiligi mu Rwanda

Ambasaderi w’u Bubiligi mu Rwanda, Arnout Pauwels ari kumwe n’Umujyanama wa Ambasade mu bya gisirikare mu Rwanda, Lt Col Alain Lambert, bakiriwe na Minisitiri w’Ingabo z’u Rwanda, Gen James Kabarebe (...)

Ahabereye ibikorwa by’ubutwari hagiye gushyirwa ibimenyetso
Ahabereye ibikorwa by’ubutwari hagiye gushyirwa ibimenyetso

Minisiteri y’Umuco na Siporo, ivuga ko ahabereye ibikorwa by’ubutwari hagiye gushyirwa ibimenyetso biharanga, kugira ngo amateka y’aho ahabwe agaciro n’Abanyarwanda. Mu kiganiro n’abanyamakuru (...)

Abana icyenda bigiye muri gereza bakoze ibizamini bya Leta batsinda neza
Abana icyenda bigiye muri gereza bakoze ibizamini bya Leta batsinda neza

Urwego rw’igihugu rushinzwe imfungwa n’abagororwa (RCS) rurishimira ko ku nshuro ya mbere abana bafungiye muri gereza y’abana ya Nyagatare bakoze ibizamini bya Leta bisoza amashuri abanza n’icyiciro (...)

Kicukiro: Umunyeshuri yafatanwe kashe 39 z’impimbano
Kicukiro: Umunyeshuri yafatanwe kashe 39 z’impimbano

Polisi y’u Rwanda ikorera mu karere ka Kicukiro yafatanywe kashe 39 zitandukanye umunyeshuri witwa Tuyishime Bernard wiga ibijyanye no gukora amazi mu Ishuri ry’Ubumenyingiro IPRC-Kicukiro. Izi (...)

Bamwe mu babyeyi bagaragaje ibanga ryatuma abana batsinda ibizamini bya Leta
Bamwe mu babyeyi bagaragaje ibanga ryatuma abana batsinda ibizamini bya Leta

Ku wa mbere ushize nibwo ikigo cy’igihugu cy’uburezi REB, cyamuritse amanota y’ibizamini bya Leta by’amashuri abanza ndetse n’icyiciro cya mbere cy’ayisumbuye. Abanyeshuri bakoze ibizami bisoza (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.