Advertisement
 
 
 
 
 
 
 
 

Amakuru | Mu Rwanda

Gisagara: Uvugwaho uburwayi bwo mu mutwe yishe babiri abatemaguye   

  Yanditswe na UMUTONI BEATHA
 4 months ago

 
 

Niyibizi Jean Damascene uri mu kigero cy’imyaka 28 y’amavuko utuye mu mudugudu wa Agahehe, Akagari Nyaruteja, mu murenge wa Nyanza mu Karere ka Gisagara yishe abantu babiri abatemaguye ku wa mbere tariki 19 Nzeri 2016.

Nk’uko bitangazwa n’abaturage bo muri uyu mudugudu uretse kwica abantu ngo yishe n’ihene; mu gitondo ngo ni bwo yahuye n’uwitwa Ntezirembo Yohani ajyanye ibishingwe mu murima we yari afite n’umuhoro agiye no gukorera urutoki, arawumwambura aramutemagura ndetse amuca n’umutwe awushyira mu muhanda.

Akigera mu muhanda yahuye n’umwana witwa kwizera Jean De Dieu atema ihene yari agiye kuzirika ndetse nawe aramukurikirana aho yari ahungiye yiruka mu mirima nawe aramutemagura mpaka apfuye.

Mukuru Patirirsiya umwe mu babonye ibyo biba yagize ati “Hari mu masaha ya mugitondo urebye mu mudugudu nta bantu bari bahari bose bari babyukiye mu mirima bagiye guhinga kuko akavura kari kaguye; njye rero navugije induru aranyirukankana mbasha kumusiga.”

JPEG - 128.4 kb
Umuryango w’umwana watemaguwe wamushyinguye

Abaturage batabaye ari benshi Niyibizi arafatwa arazirikwa nyuma yo guhuruza inzego z’umutekano, atwarwa na Polisi.

Aba baturage bemeza ko basanzwe bazi ko afite ikibazo cyo mu mutwe kuko mu mwaka wa 2014 ngo yigeze kugira ikibazo ajyanwa kuvurizwa ku bitaro by’abafite uburwayi bwo mu mutwe i Ndera.

Yaje kugarurwa mu ntangiriro z’uyu mwaka wa 2016 aho abaganga bavugaga ko ngo yaba yarorohewe akaba yafataga imiti ari mu rugo iwabo.

Uwimana Jean Bosco Umunyamabanga nshingwabikorwa w’Umurenge wa Nyanza yemeza aya makuru kandi bazi ko afite uburwayi bwo mu mutwe ariko akaba yari yarorohewe anywera imiti mu rugo.

Yagize ati “Uyu musore yari asanzwe ari umurwayi wo mu mutwe, ni byo yishe abantu babiri, ariko ubu yasubijwe mu bitaro by’abafite uburwayi bwo mu mutwe i Ndera.”

Kwizera Jean De Dieu yishwe atemaguwe mu gihe yari afite imyaka irindwi y’amavuko mu gihe Ntezirembo Yohani yari agejeje ku myaka 50.

 

Comments

pre-moderation

Igitekerezo cyanyu kiragaragara kimaze gusumwa n'umwanditsi mukuru wa Imvaho Nshya

Izina Ryanyu
IGITEKEREZO

 
 
Minisitiri Gen. Kabarebe yakiriye  Ambasaderi w’u Bubiligi mu Rwanda
Minisitiri Gen. Kabarebe yakiriye Ambasaderi w’u Bubiligi mu Rwanda

Ambasaderi w’u Bubiligi mu Rwanda, Arnout Pauwels ari kumwe n’Umujyanama wa Ambasade mu bya gisirikare mu Rwanda, Lt Col Alain Lambert, bakiriwe na Minisitiri w’Ingabo z’u Rwanda, Gen James Kabarebe (...)

Ahabereye ibikorwa by’ubutwari hagiye gushyirwa ibimenyetso
Ahabereye ibikorwa by’ubutwari hagiye gushyirwa ibimenyetso

Minisiteri y’Umuco na Siporo, ivuga ko ahabereye ibikorwa by’ubutwari hagiye gushyirwa ibimenyetso biharanga, kugira ngo amateka y’aho ahabwe agaciro n’Abanyarwanda. Mu kiganiro n’abanyamakuru (...)

Abana icyenda bigiye muri gereza bakoze ibizamini bya Leta batsinda neza
Abana icyenda bigiye muri gereza bakoze ibizamini bya Leta batsinda neza

Urwego rw’igihugu rushinzwe imfungwa n’abagororwa (RCS) rurishimira ko ku nshuro ya mbere abana bafungiye muri gereza y’abana ya Nyagatare bakoze ibizamini bya Leta bisoza amashuri abanza n’icyiciro (...)

Kicukiro: Umunyeshuri yafatanwe kashe 39 z’impimbano
Kicukiro: Umunyeshuri yafatanwe kashe 39 z’impimbano

Polisi y’u Rwanda ikorera mu karere ka Kicukiro yafatanywe kashe 39 zitandukanye umunyeshuri witwa Tuyishime Bernard wiga ibijyanye no gukora amazi mu Ishuri ry’Ubumenyingiro IPRC-Kicukiro. Izi (...)

Bamwe mu babyeyi bagaragaje ibanga ryatuma abana batsinda ibizamini bya Leta
Bamwe mu babyeyi bagaragaje ibanga ryatuma abana batsinda ibizamini bya Leta

Ku wa mbere ushize nibwo ikigo cy’igihugu cy’uburezi REB, cyamuritse amanota y’ibizamini bya Leta by’amashuri abanza ndetse n’icyiciro cya mbere cy’ayisumbuye. Abanyeshuri bakoze ibizami bisoza (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.