2017-08-21 15:16:56 clouds 27o High | Kigali Rwanda

Dukurikire:
 
 

Gasasira wahoze ayoboye ikinyamakuru Imvaho Nshya yapfuye

Yanditswe na IMVAHO NSHYA

Kuya 2016-09-07 08:06:02

 
Share on:
 
Yasuwe:14
 
Yavuzweho:200
 
10
 
10

Gasasira Gaspard wabaye umwanditsi mukuru w’ikinyamakuru Imvaho Nshya mu 1998 yapfuye mu gitondo cyo kuri uyu wa Gatatu azize uburwayi.

Bamwe mu bagize umuryango we bavuga ko uyu mugabo wakoraga muri Komisiyo y’Igihugu Ishinzwe kurwanya Jenoside, yari muzima dore ko no mu mpera z’icyumweru gishize yari yatashye ubukwe.

Ngo mu gitondo yabyutse abwira umukozi koza imodoka, yicara ku kabaraza ari naho yaguye.

JPEG - 33.7 kb
Gasasira Gaspard yapfuye bitunguranye

Gasasira yigeze kuba Sous-Prefet mu cyahoze ari Butare, nyuma yaho yinjiye mu itangazamakuru muri ORINFOR mu kinyamakuru Imvaho Nshya, icyo gihe cyari kiyobowe na Tom Ndahiro ariko Gasasira aza kumusimbura.

Nyuma yaje Gasasira nawe gusimburwa na Ndamage Frank, ajya gukora mu nzego za Leta zitandukanye zirimo Minisiteri y’Ubutabera na CNLG aho yari ashinzwe gushyira inzibutso za Jenoside yakorewe Abatutsi mu murage w’isi (patrimoine de l’UNESCO.

Uwamusimbuye ku Bwanditsi Bukuru bw’ Imvaho Nshya, Ndamage, avuga ko amuzi nk’umutu witonda itaragiranaga ikibazo n’abo bakorana ndetse n’abo ayboye.

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE