Advertisement
 
 
 
 
 
 
 
 

Amakuru | Mu Rwanda

Gasabo: Abafurere 3 barohamye mu kiyaga cya Muhazi, 2 barapfa   

  Yanditswe na TWAGIRA WILSON
 2 months ago

 
 

Abafurere batatu bo mu mu muryago w’ ‘Abambari ba Jambo’ batuye mu murenge wa Gikomero Akarere ka Gasabo barohamye mu kiyaga cya Muhazi hapfa babiri umwe ararokoka, ubwo berekezaga mu murenge wa Bukure hakurya y’Ikiyaga mu karere ka Gicumbi.

Umuvugizi wa Polisi y’u Rwanda ACP Theos Badege, yatangarije Imvaho Nshya ko aba bafurere barohamye bajyanye mu genzi wabo urwaye kwa muganga mu bwato butagira moteri.

ACP Badege yahamije ko bazize umuhengeri wabarushije imbaraga, inkuru y’irohama ryabo ikaba yamenyekanye mu ntangiriro z’iki cyumweru, Polisi ifatanya n’inzego z’ibanze mu gushakisha imibiri yabonetse kuri uyu wa gatatu.

Ba nyakwigendera baburiye ubuzima mu mazi ni Hafashimana Diogène, Nsengimana Abraham, naho uwarokotse ni Uwihanganye Lambert.

ACP Badege yaboneyeho gusaba abaturage baturiye inzuzi, ibiyaga n’imigezi minini kujya bakoresha ubwato bwa moteri kandi bakanibuka kwambara imyenda irinda ubuzima mu mazi yabugenewe “LIFE JACKETS”.

JPEG - 200.2 kb
Aba bafurere babiri baburiye ubuzima mu kiyaga cya Muhazi

Yagize ati “Nkubu ikibazo cyabaye ubwo mugenzi wabo yari abatwaye mu bwato agashya, bose nta n’umwe wari wambaye umwambaro wo kwirinda impanuka. N’uwo umwe warokotse ni uko yamenye koga… Ikindi abakoresha inzira y’amazi mu bucuruzi, bagombye kwibuka gushyira ubwato bwabo mu bwishingizi mu r guteganyiriza ejo hazaza.’’

Ingabire Fidelle uyobora Umurenge wa Gikomero by’agateganyo yavuze ko nubwo aba bafurere bashatse kujya kwivuriza hakurya y’amazi, uyu murenge ufite ivuriro hafi.

Imibiri yajyanywe gusuzumwa mbere y’uko aba bakozi b’imana bajyanwa gushyingurwa.

 

Comments

pre-moderation

Igitekerezo cyanyu kiragaragara kimaze gusumwa n'umwanditsi mukuru wa Imvaho Nshya

Izina Ryanyu
IGITEKEREZO

 
 
Abana icyenda bigiye muri gereza bakoze ibizamini bya Leta batsinda neza
Abana icyenda bigiye muri gereza bakoze ibizamini bya Leta batsinda neza

Urwego rw’igihugu rushinzwe imfungwa n’abagororwa (RCS) rurishimira ko ku nshuro ya mbere abana bafungiye muri gereza y’abana ya Nyagatare bakoze ibizamini bya Leta bisoza amashuri abanza n’icyiciro (...)

Kicukiro: Umunyeshuri yafatanwe kashe 39 z’impimbano
Kicukiro: Umunyeshuri yafatanwe kashe 39 z’impimbano

Polisi y’u Rwanda ikorera mu karere ka Kicukiro yafatanywe kashe 39 zitandukanye umunyeshuri witwa Tuyishime Bernard wiga ibijyanye no gukora amazi mu Ishuri ry’Ubumenyingiro IPRC-Kicukiro. Izi (...)

Bamwe mu babyeyi bagaragaje ibanga ryatuma abana batsinda ibizamini bya Leta
Bamwe mu babyeyi bagaragaje ibanga ryatuma abana batsinda ibizamini bya Leta

Ku wa mbere ushize nibwo ikigo cy’igihugu cy’uburezi REB, cyamuritse amanota y’ibizamini bya Leta by’amashuri abanza ndetse n’icyiciro cya mbere cy’ayisumbuye. Abanyeshuri bakoze ibizami bisoza (...)

Ni igihe cyo gukira ibikomere Abanyarwanda bakiyubakira igihugu – Dr Ndushabandi
Ni igihe cyo gukira ibikomere Abanyarwanda bakiyubakira igihugu – Dr Ndushabandi

Dr Ndushabandi Eric, umuyobozi w’ikigo cy’ubushakashatsi n’ubusabane bigamije amahoro IRDP asanga iki ari cyo gihe nyuma y’amateka ya Jenoside yakorewe Abatutsi 1994 na nyuma y’intambwe Abanyarwanda (...)

Polisi y’u Rwanda n’iy’Ubutaliyani basinyanye amasezerano y’ubufatanye
Polisi y’u Rwanda n’iy’Ubutaliyani basinyanye amasezerano y’ubufatanye

Ku itariki ya 12 Mutarama, i Roma mu murwa mukuru w’igihugu cy’Ubutaliyani, habereye umuhango wo gushyira umukono ku masezerano y’ubufatanye hagati ya Polisi y’u Rwanda n’iy’Ubutaliyani, amasezerano (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.