Advertisement
 
 
 
 
 
 
 
 

Amakuru | Mu Rwanda

Gahanga: Abarezi n’abanyeshuri biyemeje kurwanya ingengabitekerezo ya Jenoside   

  Yanditswe na IMVAHO NSHYA
 5 months ago

 
 

Abanyeshuri n’abarimu b’ibigo by’amashuri byo mu murenge wa Gahanga mu karere ka Kicukiro ku wa 30 Kamena 2016 bibutse bagenzi babo bazize Jenoside yakorewe Abatutsi mu 1994 biyemeza kurwanya bivuye inyuma ingengabitekerezo ya Jenoside.

Nyuma y’urugendo rwo Kwibuka no gushyira indabo ku rwibutso rwa Nunga n’ahashyinguye inzirakarengane za Jenoside zaguye muri Kiliziya ya Gahanga, ushinzwe uburezi mu murenge wa Gahanga, Usabyimana Jean Damascene yasabye abanyeshuri guha agaciro bagenzi babo bazize akarengane, baharanira ko Jenoside itongera kubaho.

JPEG - 147.6 kb
Abanyeshuri biga mu rwunge rw’amashuri rwa Gahanga ya I mu rugendo rwo Kwibuka

Yasobanuye ko mu rwego rwo guhangana n’ingengabitekerezo ya Jenoside abanyeshuri bahabwa izindi nyigisho n’ibiganiro ku mateka ya Jenoside byiyongera ku masomo bahabwa mu ishuri.

Ati” Dufite gahunda ihoraho yo kuganiriza abana n’amatorero yo mu mashuri, tukabigisha indangagaciro, bakaganirizwa umuco na ghunda ya Ndi Umunyarwanda ari ryo shingiro ry’ubumwe n’ubwiyunge, bagakangurirwa kubahana no gukundana batagendeye ku moko.”

Umuyobozi w’urwunge rw’amashuri rwa Gahanga ya I, Nyamugema Rutijanwa Eugene, yavuze ko badahwema gukangurira abanyeshuri n’abarezi kwirinda amacakubiri n’ingengabitekerezo ya Jenoside.

Ati” Duhora tubaganiriza, tukabasobanurira amateka mabi u Rwanda rwanyuzemo ndetse buri mwaka dufata abanyeshuri bahagarariye abandi bakagira urugendoshuri ku rwibutso rwa Kigali ruherereye ku Gisozi bakagaruka basobanurira bagenzi babo, babasaba kwirinda icyo ari cyo cyose cyabashora mu macakubiri.”

JPEG - 2 Mb
Umuyobozi wa Gahanga I yasabye abanyeshuri kwirinda amacakubiri

Mu murenge wa Gahanga haguye abanyeshuri n’abarimu basaga ijana ariko ngo haracyakorwa gukorwa ubushakashatsi ngo n’abandi bataraboneka bashyingurwe mu cyubahiro.

Helene Mukabaruta, uhagarariye Ibuka muri uwo Murenge, avuga ko muri Jenoside yakorewe Abatutsi mu 1994 haguye ababarirwa mu bihumbi 20.

Ati” Mu kagari ka Nunga hashyinguye imibiri 7564, mu kagari ka Kagasa 6711, naho mu kagari ka Karembure haeri urwibutso rushyinguyemo ababarirwa mu 3000.”

JPEG - 169.6 kb
Ushinzwe uburezi n’uhagarariye Ibuka mu murenge wa Gahanga bashyira ingabo ku rwibutso rwa Nunga

Abanyeshuri bo mu murenge wa Gahanga bavuga ko bamaze gusobanukirwa n’amateka mabi u Rwanda rwanyuzemo ndetse bakaba biyemeje kurwanya ingengabitekerezo yayo aho bagiye yose.

Benimana Olivier wo mu rwunge rw’amashuri rwa Gahanga I yemeza ko bageze kure bubaka ubumwe n’ubwiyunge muri bo ubwabo no mu bakuru ari nabo bakunze kurangwa n’ingengabitekerezo.

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Gasabo: Yapfuye agwiriwe n’ikirombe yibagamo gasegereti
Gasabo: Yapfuye agwiriwe n’ikirombe yibagamo gasegereti

Minani Selvirien yapfuye ubwo yacukuraga gasegereti mu buryo butemewe n’amategeko mu murenge wa Nduba, mu karere ka Gasabo. Uyu mugabo yagwiriwe n’ikirombe ubwo yibaga ariya mabuye ahasanzwe (...)

Minisitiri Murekezi yakiriye indahiro z’abashinjacyaha bane
Minisitiri Murekezi yakiriye indahiro z’abashinjacyaha bane

Minisitiri w’Intebe Anastase Murekezi yakiriye indahiro z’Abashinjacyaha bane, ku wa Kabiri ku ya 7 Ukuboza 2016. Batatu barahiriye gukora mu bushinjacyaha ku rwego rwisumbuye ni Murigirwa (...)

Kigali: Abana batatu bamaze gupfa barohamye mu minsi 10 gusa
Kigali: Abana batatu bamaze gupfa barohamye mu minsi 10 gusa

Abana batatu barohamye mu bidendezi by’amazi n’imigezi aho baba bidumbaguza mu Mujyi wa Kigali honyine mu minsi icumi ishize. Umuvugizi wa polisi mu mujyi wa Kigali, SP Emmanuel Hitayezu, (...)

Kigali: Polisi yafashe ibyuma by’imodoka bya miliyoni  24
Kigali: Polisi yafashe ibyuma by’imodoka bya miliyoni 24

Polisi y’u Rwanda mu karere ka Nyarugenge yafashe ibyuma by’imodoka bifite agaciro ka Miliyoni 24 z’amafaranga y’u Rwanda byibwe Kompanyi ikora imirimo y’Ubwubatsi yitwa NPD- COTRACO. Umuvugizi wa (...)

Jeannette Kagame arishimana n’abana mu birori bisoza umwaka
Jeannette Kagame arishimana n’abana mu birori bisoza umwaka

Kuri iki cyumweru tariki 4 Ukuboza 2016, Madamu Jeannette Kagame arakira abana baturutse muturere 30 tw’igihugu mu birori byo gusoza umwaka wa 2016 anabifuriza Umwaka Mushya Muhire wa 2017. (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.