Advertisement
 
 
 
 
 
 
 
 

Amakuru | Mu Rwanda

Gabiro: Abayobozi bari mu itorero biyemeje guca umuco wo gutekinika   

  Yanditswe na HAKIZIMANA YUSSUF
 March 2016

 
 

Abayobozi bari mu itorero ry’abajyanama b’uturere n’umujyi wa Kigali, mu kigo cya Gabiro mu karere ka Gatsibo, biyemeje ko bazakora ibishoboka byose bakarwanya umuco mubi wo gutekinika raporo, waranze bamwe mu bayobozi muri manda ishize.

Ni kenshi byavuzwe ko bamwe mu bayobozi bahimba za raporo, bagamije kubeshya imibare y’ibintu runaka, kandi na bamwe mu bayobozi bacyuye igihe biyemerera ko gutekinika bikorwa.

Mbabazi Francois Xavier, umuyobozi w’akarere ka Ruhango, wanayoboye muri manda ishize, yagize ati:“Icyo kibazo ntabwo twagihakana kuko cyagiye kigaragara, kugikemura si ukundi icya mbere ni ugukebura abayobozi no kubumvisha ko igihe hari ikibazo nta muntu ukwiye kugihishira, niba udashoboye kugikemura ku giti cyawe izindi mbaraga zagufasha.

JPEG - 388.4 kb
Bamwe mu bayobozi bari mu itorero i Gabiro (Foto Hakizimana Y)

Umuyobozi ntabwo akwiye kumva ko ariwe ushinzwe abaturage wenyine kuko dukora mu buryo bwuzuzanya nk’inzego.”

Umwe mu bajyanama mu karere ka Nyagatare, nawe yagize ati:“Nka twe abajyanama batowe ku rwego rw’akarere dufite imirenge duturukamo, hari uruhare rwacu ruzava muri iyi mirenge kuko buri gihe tugomba guhura na ba baturage badutoye, ubwo kandi tuzafasha akarere gukurikirana imishinga n’ibikorwa biri hirya no hino mu mirenge twatorewemo.

..harimo no gukurikirana uko abakozi mu tugari no mu mirenge bitwara, uko bakora, uko bakemura ibibazo by’abaturage, uko babigaragaza ibi bizadufasha gutanga raporo nzima kandi twese duhuriyeho yizewe.”

Minisitiri ushinzwe imirimo y’inama y’abaminisitiri Stella Ford Mugabo, ubwo yaganirizaga aba bajyanama, nawe yagarutse kuri iki kibazo.

Yagize ati:“Kimwe mu bintu bidindiza gahunda za leta ni umuco mubi uri mu bayobozi, ni ibintu byo gutekinika iyo muduhaye ibyo mwakoze mutwereka ko ari byiza ariko natwe dutoranya hamwe muri aho kugira ngo twemeze ko ibyo mwatubwiye ari byo, akenshi dusanga ibyo muvuga ko byakozwe bitarakozwe.”

Minisitiri Mugabo yakomeje abasaba kugabanya intera iri hagati yabo n’abaturage, mu gukemura ibibazo.

 

Comments

Izina Ryanyu
IGITEKEREZO

 
 
Kicukiro: Umunyeshuri yafatanwe kashe 39 z’impimbano
Kicukiro: Umunyeshuri yafatanwe kashe 39 z’impimbano

Polisi y’u Rwanda ikorera mu karere ka Kicukiro yafatanywe kashe 39 zitandukanye umunyeshuri witwa Tuyishime Bernard wiga ibijyanye no gukora amazi mu Ishuri ry’Ubumenyingiro IPRC-Kicukiro. Izi (...)

Bamwe mu babyeyi bagaragaje ibanga ryatuma abana batsinda ibizamini bya Leta
Bamwe mu babyeyi bagaragaje ibanga ryatuma abana batsinda ibizamini bya Leta

Ku wa mbere ushize nibwo ikigo cy’igihugu cy’uburezi REB, cyamuritse amanota y’ibizamini bya Leta by’amashuri abanza ndetse n’icyiciro cya mbere cy’ayisumbuye. Abanyeshuri bakoze ibizami bisoza (...)

Ni igihe cyo gukira ibikomere Abanyarwanda bakiyubakira igihugu – Dr Ndushabandi
Ni igihe cyo gukira ibikomere Abanyarwanda bakiyubakira igihugu – Dr Ndushabandi

Dr Ndushabandi Eric, umuyobozi w’ikigo cy’ubushakashatsi n’ubusabane bigamije amahoro IRDP asanga iki ari cyo gihe nyuma y’amateka ya Jenoside yakorewe Abatutsi 1994 na nyuma y’intambwe Abanyarwanda (...)

Polisi y’u Rwanda n’iy’Ubutaliyani basinyanye amasezerano y’ubufatanye
Polisi y’u Rwanda n’iy’Ubutaliyani basinyanye amasezerano y’ubufatanye

Ku itariki ya 12 Mutarama, i Roma mu murwa mukuru w’igihugu cy’Ubutaliyani, habereye umuhango wo gushyira umukono ku masezerano y’ubufatanye hagati ya Polisi y’u Rwanda n’iy’Ubutaliyani, amasezerano (...)

Babiri bafunzwe bakekwaho guha ruswa abayobozi b’inzego z’ibanze
Babiri bafunzwe bakekwaho guha ruswa abayobozi b’inzego z’ibanze

Polisi y’u Rwanda mu turere twa Nyarugenge na Nyamasheke ifunze abagabo babibi bakekwaho kugerageza guha ruswa abayobozi b’inzego z’ibanze kugira ngo babakorere ibinyuranije n’amategeko. (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.