2017-11-17 14:59:33 clouds 27o High | Kigali Rwanda

Dukurikire:
 
 

France: Abasaga 144 000 basabye perezida Macron guhagurukira banki ishinjwa uruhare muri Jenoside

Yanditswe na IMVAHO NSHYA

Kuya 2017-07-05 11:40:02

 
Share on:
 
Yasuwe:386
 
Yavuzweho:200
 
10
 
10

Abantu 144 698 nibo bamaze gushyira umukono ku rwandiko rusaba Perezida w’u Bufaransa, Emmanuel Macron gukurikirana imwe muri banki zikomeye ku Isi BNP Paribas ishinjwa gutanga amafaranga yaguzwe intwaro zakoreshejwe muri Jenoside yakorewe Abatutsi mu 1994.

Urwo rwandiko rwatanzwe n’umuryango SumOfUs, rusaba Macron gushyiraho itsinda rigaragaza ukuri ku birego bivuga ko BNP Paribas yemeye ubusabe bwa Banki Nkuru y’u Rwanda muri Jenoside, igatanga amafaranga yatumye hagurwa intwaro zicishijwe Abatutsi basaga miliyoni.

Runasaba Kandi ko Perezida w’u Bufaransa ashyiraho amabwiriza akarishye kugira ngo ibigo by’imari bitera inkunga abahonyora uburenganzira bwa muntu bibiryozwe.

JPEG - 41.8 kb
Nabil Berbour, watangije urwandiko rwo gusaba Perezida Macron gukuriirana BNP Paribas

Ni nyuma y’uko imiryango itegamiye kuri Leta, Sherpa, Collectif des Parties Civile pour le Rwanda na Ibuka France nayo isabye ko BNP Paribas ikurikiranwa.

Iyo miryango ivuga ko iyi banki yirengagije ko amafaranga yatanze yaguze intwaro zicishijwe imbaga, bityo ikayishinja uruhare muri Jenoside, ibyaha by’intambara n’ibyibasiye inyokomuntu.

Umuyobozi w’umuryango SumOfUs mu Bufaransa ushinzwe ubukangurambaga, Nabil Berbour, yabwiye Imvaho Nshya ati “Uruhare rwa BNP Paribas muri Jenoside yakorewe Abatutsi ruragaragara, iyo idatanga amafaranga intwaro nyinshi ntizari koherezwa mu Rwanda ngo zikoreshwe Jenoside, ababarirwa muri miliyoni barimo abagore n’abana ntibaba barishwe. BNP ni imwe muri banki zikomeye ku Isi, dufite ibimenyetso, igomba kuryozwa amaraso yamennye.

Intwaro BNP Paribas ishinjwa kugura zatanzwe muri Kamena 1994 zivanwe mu gihugu cya Seychelles, zinyuzwa muri Repubulika Iharanira Demokarasi ya Congo, yitwaga Zaire icyo gihe.

Bivugwa ko zanyujijwe i Goma zikinjizwa mu Rwanda aho zahawe ingabo za FAR
zikazikoresha Jenoside.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE