2017-05-26 05:18:19 clouds 27o High | Kigali Rwanda

Dukurikire:
 
 

FARG izasana inzu zisaga 3000

Yanditswe na IMVAHO NSHYA

Kuya 2016-04-15 06:38:21

 
Share on:
 
Yasuwe:4
 
Yavuzweho:200
 
10
 
10

Inzu 3036 mu zigera ku 12 655 ni zo FARG izatangira ubufasha bwo gusanwa, izisigaye ba nyirazo bakazashaka ubushobozi bwo kuzisanira.

Umuyobozi mukuru w’Ikigega gitera inkunga abarokotse Jenoside yakorewe Abatutsi (FARG), Ruberangeyo Theophile avuga ko ibarura ry’inzu z’abarokotse Jenoside zikenewe gusanwa ryagaragaje ko ari 12 655, ariko izizatangirwa ubufasha na FARG zikaba ari 3036.

Uyu muyobozi yavuze ko mu nzu 3036 FARG igomba gusana, izigera ku 2225 zamaze gusanwa, izisigaye kuri zo zikazasanwa mu gihe kiri imbere, uko ubushobozi buzagenda buboneka.

Yagize ati “Mu ibarura twakoze ry’amazu y’abarokotse Jenoside akeneye gusanwa twasanze ari 12 655, ariko ayo tugomba gusana nka FARG ni 3036, andi banyirayo bakazashaka uburyo bwo kuyisanira.”

JPEG - 169.8 kb
Zimwe mu nzu zubakiwe abarokotse Jenoside batishoboye zigenda zitahwa uko zigenda zuzura

Ruberangeyo yavuze ko izo nzu 3036 zigomba gusanwa na FARG ari iz’abakecuru b’incike n’abandi bantu bafite ubumuga n’ibikomere badafite ubundi buryo bwo kwisanira.

Abasigaye ngo basabwe kwisanira kuko bigaragara ko bateye intambwe mu mibereho yabo, dore ko bagiye bashyirwa muri gahunda zinyuranye z’iterambere nk’abandi Banyarwanda zirimo gahunda ya Girinka, VUP n’izindi, ndetse hakaba hari n’abafite imirimo bakora ibateza imbere.

Ati “Mu gusana inzu z’abarokotse Jenoside duhera ku bakecuru b’inshike n’abasigiwe ubumuga n’indwara zidakira na Jenoside badafite ubundi buryo bakwisanira, ariko abandi bashoboye gutera intambwe mu buzima, bafite imirimo ibateza imbere, bashyizwe muri gahunda zinyuranye z’iterambere, abo ngabo bagomba kwishakaho ubushobozi bwo kwisanira amazu.”

Ruberangeyo avuga ko kuri ubu harimo gushakwa uburyo bwo gusana inzu zasigaye ku zo FARG yiyemeje gusana, igikorwa cyihutirwa kuko na zo ziri mu byihutirwa.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE