Advertisement
 
 
 
 
 
 
 
 

Amakuru | Mu Rwanda

Duharanire kuraga abana bacu igihugu kizira ubwicanyi - Jeannette Kagame   

  Yanditswe na MUGABO LAMBERT
 3 months ago

 
 

Madamu Jeannette Kagame yasabye abayobozi gukora ibishoboka byose ngo ahazaza h’igihugu haziabe hazira ubwicanyi, amacakubiri n’ubuhunzi.

Yabivugiye mu birori by’Umuryango “Unit Club” uhuza abashakanye n’abari muri Guverinoma n’abigeze kuyibamo umaze imyaka 20 ushinzwe.

Mu 1996, Madamu Jeannette Kagame amaze kubona ko abashakanye n’abayobozi nabo bagombaga kugira uruhare rukomeye mu gufasha Guverinoma kugera ku cyerekezo cyayo cy’Ubumwe bw’igihugu, yabahurije hamwe muri Unity Club hagamijwe kwimakaza ubumwe hagati yabo no gukorera hamwe mu gushimangira ubumwe n’amahoro mu Banyarwanda.

JPEG - 175.8 kb
Madamu Jeannette Kagame ageza ijambo ku bitabiriye ihuriro rya 9 no kwizihiza imyaka 20 Unit Club imaze

Gahunda yo kwizihiza imyaka 20 uyu muryango umaze, yahujwe n’ihuriro rya 9 ryawo ryahawe insanganyamatsiko igira iti “Imyaka20! Ubunyarwanda, ikirezi twambaye”.

Madamu Jeannette Kagame yagize ati “Turizihiza imyaka 20, duhigira 20 iri imbere […] Ntwararumuri, batumirwa bacu, mwagize uruhare rukomeye mu byagezweho twizihiza. Mutumiwe mu rugamba rwo gukomeza ibyiza, byubaka Ikirezi twahawe na Rurema.”

Yabwiye abayobozi ko bakwiye kwishimira ibyagezweho mu myaka 20 “UnityClub” imaze ishinzwe.

Ati “Twagize amahirwe, tumurikirwa neza, maze natwe dukurikira urumuri, none dufite aho tugeze kandi hashimishije [...] Twafatanyije n’izindi nzego mu kubaka imirongo mishya y’ibitekerezo bya politiki, ubukungu n’imibereho myiza y’abaturage [....] Dukomeje gufasha imfubyi, abapfakazi n’incike kuko ubukana bwo gusenya bwa Jenoside bufite ingingo nyinshi zitandukanye.”

Bimwe mu byagezweho mu guhuza ibitekerezo byo mu rwego rwa politike byunganira ubumwe n’ubwiyunge, Jeannette Kagame yavuze gahunda ya “Ndi Umunyarwanda”.

Madamu Kagame ati “Ndi Umunyarwanda yasakajwe mu gihugu 2013, tuyiha inkingi n’imfashanyigisho, inzego z’Igihugu zibigiramo uruhare rukomeye”.

Yahamije ko gukomeza gusesengura no kwibutsa ko “Ndi Umunyarwanda” ari inzira ndende, yo kubaka ubumwe, byahereye ku guhagarika Jenoside yakorewe Abatutsi mu 1994, ihame ry’Ubunyarwanda rihabwa agaciro, rishimangira ko “Ndi Umunyarwanda” ari isano ihuza Abanyarwanda.

Madamu Jeannette Kagame yasabye abari aho guharanira kurwanya uwabameneramo ngo abe yabinjizamo ikinyoma cy’uko bamera neza kurushaho bemeye kongera kwicamo ibice.

Ati “Turi bene Gihanga, tunganya ubutoni n’ubwisanzure ku Rwanda, duhuje inshingano n’uburenganzira kuri iyo ngobyi yatubyaye.”

Intego z’ingenzi za “Unity Club” Intwararumuri ni ukugira uruhare rugaragara mu bikorwa bigamije kwimakaza ubumwe n’ubwiyunge mu Banyarwanda n’iby’iterambere ry’imibereho myiza muri rusange; Guhuriza hamwe abanyamuryango ba “Unity Club” Intwararumuri ngo barusheho kuba umusemburo w’ubumwe bw’Abanyarwanda; Gukomeza guharanira ubufatanye no gushyiraho urubuga rw’ibiganiro mu kuri no mu bwisanzure; no Guharanira imibereho myiza y’abatishoboye muri rusange, cyane cyane imfubyi n’abapfakazi.

 

Comments

 
 
  Itangazamakuru ryasabwe gufata iya mbere mu kurinda abangavu gutwara inda zitateguwe
Itangazamakuru ryasabwe gufata iya mbere mu kurinda abangavu gutwara inda zitateguwe

Umuryango nyarwanda ugamije guteza imbere ubuzima, HDI, urasaba ko itangazamakuru gufasha abanyarwanda guhindura imyumvire no gukuraho imbogamizi ababyeyi bahura na zo mu kuganiriza abana babo (...)

Uganda yagaruye abanyarwanda babiri bari barayihungiyemo batorotse gereza
Uganda yagaruye abanyarwanda babiri bari barayihungiyemo batorotse gereza

Polisi y’u Rwanda yashyikirijwe abagabo babiri bari barahungiye muri Uganda nyuma yo gutoroka gereza, ikaba yarabakiriye ku italiki ya 21 Gashyantare ku mupaka wa Gatuna. Abagaruwe ni (...)

Min. Kanimba  yasabye umunyamabanga wa EAC gushyira ingufu mu mavugurura
Min. Kanimba yasabye umunyamabanga wa EAC gushyira ingufu mu mavugurura

Minisitiri w’Ubucuruzi, Inganda n’Ibikorwa by’Umuryango w’Afurika y’Uburasirazuba, François Kanimba, yakiriye mu biro bye Umunyamabanga Mukuru w’Umuryango wa Afurika y’Uburasirazuba, EAC, Amb. Libérat (...)

Abahoze ari abajura muri Nyabugogo bashinze ihuriro
Abahoze ari abajura muri Nyabugogo bashinze ihuriro

Urubyiruko rugera ku 157 rwahoze rukora ibikorwa by’ubujura bitandukanye mu gace ka Nyabugogo mu Mujyi wa Kigali rwiyemeje kubireka, ubu rukaba rwarashyizeho ihuriro ryabo ryitwa” Hinduka uhindure (...)

Polisi y’u Rwanda yafatiye ibiyobyabwenge na magendu mu mikwabu
Polisi y’u Rwanda yafatiye ibiyobyabwenge na magendu mu mikwabu

Imikwabu Polisi y’u Rwanda yakoze mu mpera z’icyumweru gishize mu turere twa Huye, Kirehe, Gicumbi na Nyanza yayifatiyemo ibiyobyabwenge by’ubwoko butandukanye na magendu. Uwitwa Ntirenganya Jean (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.