Advertisement
 
 
 
 
 
 
 
 

Amakuru | Mu Rwanda

Ishuri rya Camp Kigali umutwaro kuri Meya wa Nyarugenge   

  Yanditswe na GATETE JEAN BOSCO
 4 months ago

 
 

Camp Kigali ni ishuri ribarizwa mu karere ka Nyarugenge ariko bamwe mu bayobozi bo muri ako Karere bakaba barikoroga ku buryo buzwi mu nzego zo hejuru, umupira ukaba usigaye mu kibuga cya Meya.

Iri nshuri rya Camp Kigali ryashinzwe mu 1974 ritangira ryakira abana b’inshuke, nyuma riza gukomereza mu cyiciro cy’amashuri abanza.

Tudatinze mu mateka iri shuri ni rimwe mu mashuri yatangiye vuba na bwangu nyuma ya Jenoside yakorewe Abatutsi riba ishuri ry’intangarugero hafi y’abana bahigaga bose bagatsinda icyo gihe ryari riyobowe na Mundende Casmil, mu mwaka wa 2000 abanyeshuri bigaga muri kaminuza y’u Rwanda bari baravuye muri Camp Kigali na Kigali Parents bisanze ari benshi ku buryo butangaje.

JPEG - 367.3 kb
Ishuri rya Camp Kigali iyo rigira ubuyobozi bwiza riba riri mu mashuri akomeye

Iri shuri ryaje guhura n’ibibazo kuva mu mwaka wa 2012 ritangiye kuyoborwa na Sibomana Theogene kugeza uyu munsi ntawe uzi uko ngo yahaje. Ishuri kuva ubwo ritangira kuyoborwa mu bwiru bityo uretse no gucunga umutungo waryo nabi n’uburezi bufite ireme ntibwakomereje ku gipimo bwariho.

Nk’uko byerekanwa n’ibimenyetso Imvaho Nshya ifite, iri shuri ryageze naho rigira abacungamutungo babiri ku mwanya umwe ibi bikaniyongeraho kuba Umuyobozi waryo Sibomana Theogene afatanyije na Perezida wa Komite y’ababyeyi Nkurunziza Idrissa barakoze Sitati y’ishuri barigira ONG bajya kuyisinyishiriza mu karere ka Ruhango bikaba byaratumye benshi babyibazaho kuko Idrissa Nkurunziza yari Umunyamabanga Nshingwabikorwa w’Umurenge wa Gitega icyo gihe yashoboraga no guha iyo sitati noteri uwo ari we wese mu ifasi y’Umujyi wa Kigali akabasinyira aho kujya mu Ruhango, umuyobozi w’ishuri nawe yari yaravuye mu karere ka Nyarugenge azwi cyane, amayobera akaba impamvu bagiye gusinyisha kwa Noteri wo mu Ruhango, bisa naho ari abantu barishinze ku giti cyabo kuko Nkurunziza Idrissa yabaye Umuvugizi wayo nk’uko iyo Sitati ibyerekana.

Ibyo babikoraga batayobewe ko Camp Kigali ari ishuri ricungwa n’ababyeyi ariko rikaba riri mu rwego rw’amashuri afatanya na Leta ku bw’amasezerano (Code 100803), ibi byerekanwa neza n’icyemezo cy’iri shuri ryahawe n’Umujyi wa Kigali mu mwaka wa 2005 ubwo Mutsindashyaka Theoneste yawuyoboraga, iki cyemezo cyashyizweho umukono icyo gihe n’uwari umuyobozi w’umujyi wa Kigali wungirije ushinzwe imibereho myiza Rusiha Gastone.

Kuba abo bayobozi Sibomana Theogene na Nkurunziza Idrissa bararenze kuri ibyo bakajya gusinyishiriza sitati mu Karere ka Ruhango byerekana neza ko bari bafite inyungu zabo bwite.

Abaganiriye n’Imvaho Nshya bavuga ko bari bafite ibyo batinya kuko bari bazi neza ko Camp Kigali n’ubwo icungwa n’ababyeyi ariko Leta iyifiteho uruhare ibi akaba ari nabyo byatumye kugeza ubu badashobora kujya muri RGB kwandikisha uwo muryango ikindi ntibanashobora kubona inguzanyo ya Banki nk’umuryango kuko mu byangombwa basabwa badashobora kubona icyangombwa cy’umutungo cya Camp Kigali nk’umutungo wabo bwite bitewe na za mpamvu zasobanuwe zikubiye mu cyemezo cyatanzwe n’Umujyi wa Kigali.

Ku bijyanye n’imicungire mibi y’umutungo w’iryo shuri inkuru Imvaho Nshya ikesha urubuga igihe yasohotse ku ya 26 Nzeri 2014 ifite umutwe ugira uti Abacungamutungo 2 ku mwanya umwe mu ishuri rya Camp Kigali bateje urujijo iyo usesenguye neza iyo nkuru usanga Sibomana Theogene na Nkurunziza Idrissa bararengereye mu gucunga nabi umutungo w’iryo shuri aho Nkurunziza Idrissa ubwe yemereye igihe ko uwo mucungamutungo wa 2 Harerimana Jean de Dieu washyizweho bivugwa ko “yashyizweho n’umuyobozi w’ikigo ngo bimworohere gukoresha amafaranga uko yishakiye, atari umucungamutungo ahubwo ko ari umwarimu uzajya ufasha uwo mucungamutungo usanzwe kubera ko hari ibyo atakoraga neza”.

Mu bindi Imvaho Nshya isanga byarabaye icyuho cyo kuba ubuyobozi bw’iryo shuri bwaracyuririragaho bugacunga umutungo waryo nabi, hashingiwe ku nyandiko mvugo y’inama itaguye ya komite y’iri shuri yateranye ku wa 14/08/2012, ku murongo w’ibyigwaga hariho ingingo 2 arizo uburyo hatangwa inkunga mu gufasha gahunda y’uburezi bw’ibanze bw’imyaka 12 (12ybe) n’ingingo ya 2 yari ijyanye n’uburyo hashyirwa mu bikorwa ibiri mu mabwiriza ya Minisitiri agenga igikorwa cya 12YBE.

Aha Umutekenisiye Ngiruwonsanga Eric yagejeje ku bari muri iyo nama imiterere y’umushinga wo kubaka ibyumba 8 byasabaga miliyoni 103.351.948 handitse hati” Aha MINEDUC ikazatanga 40% naho 60% ikazava mu karere ka Nyarugenge akaba ari naho tubarizwa muri icyo cyiciro”.

Iyo usesenguye iryo jambo “tubarizwa” usanga mu by’ukuri utamenya neza ingano y’inkunga yagombaga kuva mu babyeyi kimwe n’iyari gutangwa n’Akarere ka Nyarugenge ibi akaba ariho duhera tuvuga ko byaba byaratanze icyuho mu micungire mibi y’umutungo dore ko icyo gihe buri mubyeyi yasabwaga ibihumbi 30.000 by’umusanzu wo kubaka iryo shuri.

Mu bindi bigaragaramo inyereza ni amafaranga agera kuri miliyoni 3.900.000 yakuwe kuri konti y’ishuri na Sibomana ubwe nk’umuyobozi waryo, ibi bikaba byerekana neza imicungire mibi kuko konti y’ishuri ifite uburyo ikurwaho amafaranga mu buryo bwubahiriza amabwiriza y’icungamutungo.

Uko ibintu bihagaze kugeza ubu ni uko hahamagajwe inama ku ya 28 Kanama ngo yo gutora komite y’ababyeyi nshya ariko ababyeyi baba ibamba bavuga ko badashobora gutora batarerekwa uko ubuzima bw’ishuri buhagaze n’aho umuyobozi w’ishuri aherereye dore ko kuva aho umucamanza avugiye ko aburana afunze ntawe uzi aho ari.

Abo babyeyi bagaragaraga nk’abazi ikibazo mu mizi basabye ko mu nama izakurikiraho bazagaragarizwa umutungo uko wakoreshejwe ariko uko bivugwa nuko bizaba ingorabahizi cyane ko abagenzuzi bakabaye bifashishwa bajyaga bimwa ngo ibyo basabaga byerekeranye n’umutungo ku buryo bageze aho bagahagarikwa bityo bikaba bitazwi uzerekana uko umutungo wakoreshejwe. Abakurikiranira hafi bavuga ko umwe muri abo bagenzuzi yikorera akaba yarakarabye uwo mugoko.

 

Comments

  • Claude September 2016

    Mana y’iRwanda Theogene ngo yacyuriraga abarimu ko mu karere ka Nyarugenge ahafite camera naho yabaga asobanura ko ari iwe kuko nubundi ariho yari yarabanje gukora?Nonese Idrissa aho guhagararira inyungu z’ababyeyi nka prezida wa komite,ahagararira inyungu z’akakarere ka Nyarugenge mugukingira ikibaba abasahura ishuri ryacu bakana hohotera abarimu ?ikigaragara rero uRwanda ruracyafite ibibazo niba bizajya bisaba ko perezida w’igihugu azagukemura ikibazo nkiki!!!.Ndisabira umuyobozi ukunda uRwanda knd usoma ibivugwa muri iri shuri rya camp kigali gukemura iki kibazo azaba yubatse igihugu.murakoze.

  • Yvette September 2016

    Urwego rwa minisiteri y’intebe rukwiye kumanuka rugafasha aba barimu n’abanyeshuri kuko abarimu nibarengana batya ,abanyeshuri baratakaza knd igihungu kirahadindirira.murakoze

  • Muhongerwa September 2016

    Birababaje rwose kuba abana bacu bigira ahantu hari umwuka nkuriya knd hejuru yikibazo cy’akarengane ngo noneho batangiye kwikiza abarimu buhoro buhoro.nyamuneka umuntu iyo avuze ko atahawe icyo yagombaga kubona aba aciye inka amabere?ubwo RSSB bavuga cg prime ntibayikoreye ?Primature nize irenganure aba bantu naho ubundi tuzajya twubaka abandi basenya bitwaje ubudahangarwa bafite.mayor yunva nkibi agaceceka koko?


pre-moderation

Igitekerezo cyanyu kiragaragara kimaze gusumwa n'umwanditsi mukuru wa Imvaho Nshya

Izina Ryanyu
IGITEKEREZO

 
 
Kicukiro: Umunyeshuri yafatanwe kashe 39 z’impimbano
Kicukiro: Umunyeshuri yafatanwe kashe 39 z’impimbano

Polisi y’u Rwanda ikorera mu karere ka Kicukiro yafatanywe kashe 39 zitandukanye umunyeshuri witwa Tuyishime Bernard wiga ibijyanye no gukora amazi mu Ishuri ry’Ubumenyingiro IPRC-Kicukiro. Izi (...)

Bamwe mu babyeyi bagaragaje ibanga ryatuma abana batsinda ibizamini bya Leta
Bamwe mu babyeyi bagaragaje ibanga ryatuma abana batsinda ibizamini bya Leta

Ku wa mbere ushize nibwo ikigo cy’igihugu cy’uburezi REB, cyamuritse amanota y’ibizamini bya Leta by’amashuri abanza ndetse n’icyiciro cya mbere cy’ayisumbuye. Abanyeshuri bakoze ibizami bisoza (...)

Ni igihe cyo gukira ibikomere Abanyarwanda bakiyubakira igihugu – Dr Ndushabandi
Ni igihe cyo gukira ibikomere Abanyarwanda bakiyubakira igihugu – Dr Ndushabandi

Dr Ndushabandi Eric, umuyobozi w’ikigo cy’ubushakashatsi n’ubusabane bigamije amahoro IRDP asanga iki ari cyo gihe nyuma y’amateka ya Jenoside yakorewe Abatutsi 1994 na nyuma y’intambwe Abanyarwanda (...)

Polisi y’u Rwanda n’iy’Ubutaliyani basinyanye amasezerano y’ubufatanye
Polisi y’u Rwanda n’iy’Ubutaliyani basinyanye amasezerano y’ubufatanye

Ku itariki ya 12 Mutarama, i Roma mu murwa mukuru w’igihugu cy’Ubutaliyani, habereye umuhango wo gushyira umukono ku masezerano y’ubufatanye hagati ya Polisi y’u Rwanda n’iy’Ubutaliyani, amasezerano (...)

Babiri bafunzwe bakekwaho guha ruswa abayobozi b’inzego z’ibanze
Babiri bafunzwe bakekwaho guha ruswa abayobozi b’inzego z’ibanze

Polisi y’u Rwanda mu turere twa Nyarugenge na Nyamasheke ifunze abagabo babibi bakekwaho kugerageza guha ruswa abayobozi b’inzego z’ibanze kugira ngo babakorere ibinyuranije n’amategeko. (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.