Advertisement
 
 
 
 
 
 
 
 

Amakuru | Mu Rwanda

Bugesera: Abamusaniye bakamukiza abajura bamutunguje kumuvuza biramurenga   

  Yanditswe na IMVAHO NSHYA
 June 2016

 
 

Barakagwira Edith, umwe mu bapfakazi ba Jenoside yakorewe Abatutsi utuye mu mudugudu wa Rwangara, Umurenge wa Ntarama mu karere ka Bugesera yatunguwe n’abakozi b’Isosiyete y’ubwishingizi Britam bamwemereye kumuvuza nyuma yo gusanga abayeho mu mutekano mu nzu bamusaniye ariko agifite ikibazo cy’ikiganza yivuje kikanga gukira.

Ubwo abakozi b’iyi sosiyete basuraga imiryango itanu y’abapfakazi ba Jenoside yakorewe Abatutsi yashyizeho inzugi z’ibyuma muri uyu mudugudu, basanze uyu mukecuru ashimishijwe n’uko bamurinze abajura ariko agifite ikibazo cy’ubuzima, Umuyobozi w’iyi sosiyete ahita avuga ko bagiye kumuvuza kugeza akize.

Ku bw’ibyishimo, uyu mukecuru ubana n’abakobwa be babiri bamubyariye n’abuzukuru ngo ntiyari agishobora kugira icyo yikorera nubwo atari agikangwa n’abari kumwiba kuko na we ari mu miryango itanu yasaniwe n’iyi sosoyete y’ubwishingizi ikorera mu bihugu bya Afurika.

Barakagwira Edith wemerewe kuvuzwa n'abamusaniye inzu bakamurinda guhora ahangayitse

Kuri we yatunguwe n’uko abakozi ba Britam bamusaniye inzugi n’amadirishya y’inzu yamugwagaho, no mu gihe cyo kumusura mu mpera z’iki cyumweru bakemera ko bazamuvuza ahisumbuye aho yajyaga kwivuriza kuri Mituweli.

Yagize ati “Byarizanye byaje ari akantu gato mu kiganza icyo gihe narimo gusekura isombe. Nagiye kwa muganga bampa utunini ngo tugabanye ububabare n’ibiti nsigaho ngo byoroshye. Maze kubona nkinze nta kintu na kimwe nzabura. Mbere yo gukingirwa ntawo nakingaga nasunikaga kikagwa imbere,umuyaga waza ukabihirika byose bigashwanyuka, naba ntarabutse gato ngasanga batwaye akantu. Uburwayi ni ikibazo cy’umubiri ariko umutima wanjye urakeye.”

Abapfakazi basaniwe inzugi n’amadirishywa byatumaga badatarabuka ngo batibwa bashimye byimazeyo kuba Isosiyete Britam yemeye kuvuza mugenzi wabo, bongeraho ko batazibagirwa ko bakijijwe guhora bahangayitse.

JPEG - 286.3 kb
Umuyobozi wa Britam na barakagwira Edith imbere y’inzu yasaniwe

Yuliyana Nyirababeruka yagize ati “Najyaga kuryama ngakingisha ibiti, ku rugi ngashyiraho intebe, nakweza utwaka nkatubitsa cyangwa nkatugurisha, agatenge nkajya kukabitsa mu gasozi kubera ko ntakingaga.”

Umudugudu wa Rwangara utuwe n’imiryango 122, hakabamo imiryango 76 y’abapfakazi ba Jenoside. Umuyobozi wa Britam, Reuben Kibiru yavuze ko batarekeye aho kuko gagiye kwigenzura nk’abakozi ba Britam bakareba uburyo bafasha gusanira n’indi miryango itanu isigaye mu batishoboye batuye muri uyu mudugudu bakeneye ubufasha kurusha abandi.

Yagize ati “Twishimiye ko abo twasaniye bafite umurekano. Ibi ni bimwe mu byo dukora kuko tuba dukeneye kubaka icyizere mu batugana no mu muryango nyarwanda muri rusange.

Ubuyobozi bw’Umurenge wa Ntarama bwashimye aba bakozi bibutse ko hari abaturage bo mu cyaro bakeneye ubufasha bwabo, bunashishikariza n’ibindi bigo bihaharanira inyungu guhindukiza amaso bikareba ba baturage bo hasi kuko nab o bashobora kuba abakiriya babo uko iminsi igenda ihinduka.

 

Comments

 
 
Rubavu:Umusuwisi n’Umunyekongo bishimiye guhabwa ubwenegihugu bw’u Rwanda
Rubavu:Umusuwisi n’Umunyekongo bishimiye guhabwa ubwenegihugu bw’u Rwanda

Umuturage ukomoka mu gihugu cy’u Buswisi n’undi ukomoka mu gihugu cya Repubulika iharanira Demokarasi ya Congo, bashyikirijwe n’umuyobozi w’akarere ka Rubavu ibyemezo bibemerera kuba abenegihugu b’u (...)

Abapolisi b’u Rwanda 160 bagiye mu butumwa  muri Sudani y’Epfo
Abapolisi b’u Rwanda 160 bagiye mu butumwa muri Sudani y’Epfo

Itsinda ry’Abapolisi (FPU) b’u Rwanda 160 barimo abagore 26 bagiye mu butumwa bwo kubungabunga amahoro bw’Umuryango w’Abibumbye muri Sudani y’Epfo, mu gitondo cyo ku itariki ya 4 Mata. Basanzeyo (...)

RSSB iri kwiga ku kibazo cy’abafite mituweli boherezwa kugura imiti muri farumasi zigenga
RSSB iri kwiga ku kibazo cy’abafite mituweli boherezwa kugura imiti muri farumasi zigenga

Ubuyobozi bw’Ikigo cy’Ubwiteganyirize bw’abakozi (RSSB) ari nabwo bufite mituweli mu nshingano, buratangaza ko bugiye kuganira na Minisiteri y’Ubuzima ku kibazo bamwe mu banyamuryango bashinja (...)

Gasabo: Polisi yataye muri yombi agatsiko k’abajura
Gasabo: Polisi yataye muri yombi agatsiko k’abajura

Abantu bane bafungiye kuri sitasiyo ya Polisi ya Rusororo mu karere ka Gasabo bakurikiranweho ubufatanyacyaha mu bujura ndetse n’ubujura nyir’izina. Abo ni Muhoza Evariste w’imyaka 29 y’amavuko (...)

Imitwe ya politiki yabonye umuvugizi mushya
Imitwe ya politiki yabonye umuvugizi mushya

Abagize Ihuriro ry’igihugu nyunguranabitekerezo ry’imitwe ya politiki yemewe mu Rwanda (NFPO) batoye Mukakarangwa Clotilde uturuka mu Ishyaka Riharanira Demokarasi Ihuza Abanyarwanda (PDC), (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.