2017-08-23 07:41:18 clouds 27o High | Kigali Rwanda

Dukurikire:
 
 

Bralirwa yashimiwe kubera umubyeyi imfubyi z’abishwe muri Jenoside bayikoreraga

Yanditswe na IMVAHO NSHYA

Kuya 2017-04-26 06:35:43

 
Share on:
 
Yasuwe:126
 
Yavuzweho:200
 
10
 
10

Umuryango Uharanira inyungu z’Abarokotse jenoside yakorewe Abatutsi urashimira Uruganda rw’ibinyobwa bisembuye n’ibidasembuye Bralirwa, ku buryo yahindutse umubyeyi w’abana babyawe n’ababyeyi bakoraga muri uru ruganda bishwe muri Jenoside yakorewe Abatutsi.

Mu muhango wo kwibuka abari abakozi ba Bralirwa bagera kuri 80 barimo abishwe muri Jenoside yakorewe Abatutsi n’abishwe n’abacengezi nyuma ya Jenoside bagiye ku kazi, Visi Perezida wa IBUKA, Nkuranga Egide yashimye ubufasha Bralirwa ikomeje guha abarokotse Jenoside, asaba ko bakomereza aho.

Mu buhamya bwahatangiwe Bralirwa yashimiwe uburyo ifasha abana bari bafite ababyeyi bishwe bakoragamo.

Umwe mu bana bari bafite ababyeyi bishwe mu gihe cya Jenoside ariko bakorera Bralirwa, yishimiye uburyo yarangije Kaminuza afashijwe na Bralirwa akaba akora. Ahamya ko uru rugandwa rwamubereye aho ababyeyi batari kandi ngo si we gusa kuko na bagenzi be bakurikiranywe kuva mu mashuri abanza kugeza barangije kaminuza.

Uwari ahagarariye ababyeyi, yashimye uburyo Bralirwa yabereye abana umubyeyi mwiza kugeza na n’ubu aho ababyeyi n’abana bishyize hamwe bashinga ishyirahamwe “Ndaruhutse”. Iri shyirahamwe rikaba ryarakoze umushinga ugiye guterwa inkunga na Bralirwa.

Victor Madiela, uyobora Bralirwa, yavuze ko bazakomeza ubufasha batangaga ku barokotse Jenoside yakorewe Abatutsi. Kandi ashimangira ko ubumwe n’ubwiyunge agira ati “Ni ngombwa kuko Abanyarwanda uko byagenda kose bagomba kubana.”

Ubwo Bralirwa yibukiraga i Rubavu mu bihe byashze yahaye ubwisungane mu kwivuza abantu baturiye uruganda batifashije bagera ku 1000. Ubuyobozi bw’Akarere ka Kicukiro na bwo bwagaragaje uburyo butewe ishema no kuba Bralirwa ikorera muri aka karere, bunagaya abagifite ingengabitekerezo ya Jennoside.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE