Advertisement
 
 
 
 
 
 
 
 

Amakuru | Mu Rwanda

Amakimbirane mu butaka bw’u Rwanda agiye gukemurwa n’ibiro bisanga abaturage   

  Yanditswe na NTAWITONDA JEAN CLAUDE
 May 2016

 
 

Ikigo gishinzwe Umutungo Kamere mu Rwanda (RNRA) kigiye gutangira kuzenguruka mu turere dutandukanye mu bukangurambaga bujyanye n’imikoreshereze y’ubutaka no gukemura ibibazo biboneka mu kwandikisha no guhererekanya ubutaka mu buryo bwa burundu.

Iyi gahunda izamara amezi arenga abiri guhera kuri uyu wa Mbere tariki 23 Gicurasi kugeza ku wa 28 Nyakanga 2016 ikubiye mu bukangurambaga bugamije gufasha Abanyarwanda gutunga ubutaka mu buryo bwemewe kugira ngo butange umusaruro ufatika mu iterambere ryigihugu.

Muri iki gihe abaturage bazegerezwa ibiro byimukanwa bitanga serivisi zirimo gusangira amakuru ajyanye n’ingaruka zakomotse ku kwandikisha ubutaka na gahunda yo guhererekanya ubutaka igikomeje ndetse n’imbogamizi zirimo, abafite ibibazo bafashwe kwandikwaho imitungo yabo mu buryo bwa burundu.

Nk’uko bigaragara mu itangazo ryatanzwe na RNRA, ubukangurambaga bwashyiriweho kuzuza inshingano zo gufasha rubanda gukoresha neza ubutaka cyane ko bugize ubukungu bw’ibanze bw’Abanyarwanda benshi.

Ubukangurambaga buratangizwa mu turere dutandukanye; kuri uyu 23 kugeza ku wa 27 Gicurasi mu Murenge wa Ruhuha Akarere ka Bugesera, ku wa 30 Gicurasi kugeza ku wa 03 Kamena mu murenge wa Rukomo Akarere ka Nyagatare, ku wa 06 -10 Kamena mu murenge wa ngoma mu Karere ka Huye, ku wa 13 - 17 Kamena mu murenge wa Runda mu Karere ka Kamonyi no mu murenge wa Cyuve i Musanze.

Mu murenge wa Cyanika mu karere ka Burera no mu murenge wa Kanama mu Karere ka Rubavu iyi gahunda iteganyijwe tariki 20 kugeza ku ya 24 Kamena, mu murenge wa Bugarama Akarere ka Rusizi ku wa 11 - 15 Kamena na ho mu murenge wa Remera Akarere ka Gasabo ni ku wa 18 kugeza ku wa 22 Nyakanga.

Ubuyobozi bwa RNRA burahamya ko izi serivisi n’ubukangurambaga bizakomeza gutangwa mu tundi turere tw’igihugu mu gufasha rubanda gukoresha neza ubutaka, kumenya uburyo bwiza bwo kubuhererekanya no kubuhuza n’igishushanyombonera cy’imikoresherezwe yabwo.

Bivugwa ko ubukangurambaga buheruka gukorwa mu mirenge 300 mu mwaka wa 2014 n’uwa 2015 hagamijwe kwimakaza imikoreshereze myiza y’ubutaka mu kwihutisha iterambere nka kimwe mu byihutirwa mur cyiciro cya kabiri cya gahunda y’Imbaturabukungu EDPRSII).

Nubwo hakiri Abanyarwanda batarasobanukirwa n’akamaro ko kwandikisha ubutaka, RNRA ivuga ko ari uguhamya no kwemeza uburenganzira bafite ku butaka bwabo n’uburyo bukoreshwa hagamijwe kwemeza no kurinda uburenganzira babufiteho.

 

Comments

 
 
Sen. Tito yahumurije abarokotse Jenoside muri UNILAK
Sen. Tito yahumurije abarokotse Jenoside muri UNILAK

Ku mugoroba wo ku wa kane itariki 27 Mata 2017, abanyeshuri n’abakozi ba Kaminuza y’Abalayiki b’Abadiventiste (INILAK) bifatanyije n’Abanyarwanda kwibuka Abatutsi bazize Jenoside. Senateri Dr. Tito (...)

Bralirwa yashimiwe kubera umubyeyi imfubyi z’abishwe muri Jenoside bayikoreraga
Bralirwa yashimiwe kubera umubyeyi imfubyi z’abishwe muri Jenoside bayikoreraga

Umuryango Uharanira inyungu z’Abarokotse jenoside yakorewe Abatutsi urashimira Uruganda rw’ibinyobwa bisembuye n’ibidasembuye Bralirwa, ku buryo yahindutse umubyeyi w’abana babyawe n’ababyeyi (...)

Rubavu:Umusuwisi n’Umunyekongo bishimiye guhabwa ubwenegihugu bw’u Rwanda
Rubavu:Umusuwisi n’Umunyekongo bishimiye guhabwa ubwenegihugu bw’u Rwanda

Umuturage ukomoka mu gihugu cy’u Buswisi n’undi ukomoka mu gihugu cya Repubulika iharanira Demokarasi ya Congo, bashyikirijwe n’umuyobozi w’akarere ka Rubavu ibyemezo bibemerera kuba abenegihugu b’u (...)

Abapolisi b’u Rwanda 160 bagiye mu butumwa  muri Sudani y’Epfo
Abapolisi b’u Rwanda 160 bagiye mu butumwa muri Sudani y’Epfo

Itsinda ry’Abapolisi (FPU) b’u Rwanda 160 barimo abagore 26 bagiye mu butumwa bwo kubungabunga amahoro bw’Umuryango w’Abibumbye muri Sudani y’Epfo, mu gitondo cyo ku itariki ya 4 Mata. Basanzeyo (...)

RSSB iri kwiga ku kibazo cy’abafite mituweli boherezwa kugura imiti muri farumasi zigenga
RSSB iri kwiga ku kibazo cy’abafite mituweli boherezwa kugura imiti muri farumasi zigenga

Ubuyobozi bw’Ikigo cy’Ubwiteganyirize bw’abakozi (RSSB) ari nabwo bufite mituweli mu nshingano, buratangaza ko bugiye kuganira na Minisiteri y’Ubuzima ku kibazo bamwe mu banyamuryango bashinja (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.