Advertisement
 
 
 
 
 
 
 
 

Amakuru | Mu Rwanda

Amahanga yaje kungukira ku iterambere ry’umujyi wa Kigali   

  Yanditswe na UWIMANA DONATA
 May 2016

 
 

U Rwanda rwakiriye ihuriwemo n’ibihugu bitandukanye byo ku Isi yiga ku iterambere ry’imijyi, MetroLab, aho rwiteguye kwigira no gusangiza impuguke zaturutse hirya no hino ibyagezweho mu guteza imbere Umujyi wa Kigali.

Iyo nama yatangiye ku wa 25 Gicurasi 2016, izamara iminsi ine, yateguwe ku bufatanye bw’Umujyi wa Kigali ndetse na Banki y’Isi ibereye ku mugabane wa Afurika ku nshuro ya kabiri nyuma ya Dar Es Salaam.

Umuyobozi w’Umujyi wa Kigali, Mukaruriza Monique yavuze ko abitabiriye iyo nama bishimiye kwiga ku byo igihugu cyagezeho harimo isuku nyinshi cyane igaragaza isura nziza y’Umujyi wa Kigali n’iy’igihugu muri rusange.

JPEG - 199.8 kb
Impuguke zaturutse mu bihugu bitandukanye bateraniye mu nama i Kigali (Foto James R)

Ibindi bakuyeho amasomo ni igishushanyo mbonera kigaragaza ibiteganywa gukorwa mu mpande zose z’Umujyi wa Kigali, iterambere mu ikoranabuhanga, ibyangombwa byo kubaka bitangwa hifashishijwe interineti, ibijyanye no gutwara abantu aho umuntu yishyura yifashishije ikarita n’ibindi.

Mukaruriza yagize ati “Mu mujyi wa Kigali ibizaganirwamo bizadufasha kunoza gahunda twari dufite zijyanye n’iterambere ry’Umujyi. Ikintu kiwubangamiye tuzigira kuri izi mpuguke ni ikijyanye no kubona inzu ziciriritse.”

Mukaruriza avuga ko hari abaturage bakeneye gutuzwa neza bagituye mu manegeka ariko kubona inzu ziciriritse biracyari ingorabahizi.

Ati “ Turatekereza ko twazareba uko abandi babigenje, dufite ikibazo ko n’ahabonetse ibibanza usanga ubutaka buhenze bigatuma igiciro cy’inzu kizamuka. Ubu rero tuzigira ku bandi kugira ngo tugere kuri izo nzu ziciriritse.”

Victory Vergara umwe mu mpuguke za Banki y’Isi yabwiye itangazamakuru ko muri iyi nama bazungukiramo byinshi kuko bamwe bazungukira ku bandi.

Ati “Njye uko mbibona imijyi yo ku mugabane wa Afurika kugira ngo itere imbere byihuse, harimo kuba yagira ibikorwaremezo yigengaho n’imikoreshereze y’ubutaka inoze .”

Umuyobozi Mukuru wa Banki y’isi, ushinzwe imibereho myiza, imijyi, ibyaro no kubaka ubushobozi, Ede Ijjasz Vasquez yagize ati “Mu guhuriza hamwe imijyi ni ingirakamaro, abitabiriye iyi nama ntabwo bazasangira ubunararibonye ku iterambere ry’imijyi kandi rirambye gusa ahubwo baziga n’uburyo harwanywa ubukene.”

Iyi nama yagombaga guhuza impuguke zo mu bihugu birenga10 izamara iminsi ine iba kabiri mu mwaka, mu mezi atandatu ashize ikaba yari yabereye mu cy’u Bufaransa i Paris.

 

Comments

 
 
Minisitiri Busingye yasabye Polisi y’u Rwanda kugendana n’ibigezweho
Minisitiri Busingye yasabye Polisi y’u Rwanda kugendana n’ibigezweho

Minisitiri w’Ubutabera, akaba n’Intumwa Nkuru ya Leta, Johnston Busingye ku cyumweru tariki 26 z’uku Kwezi yabwiye abagize Inama Nkuru ya Polisi y’u Rwanda ko ibikorwa by’uru rwego rw’umutekano (...)

Abanyarwanda barasabwa guteza imbere ururimi kavukire
Abanyarwanda barasabwa guteza imbere ururimi kavukire

Abanyarwanda barasabwa kurebera hamwe uburyo hashyirwa ingufu mu guteza imbere Ikinyarwanda mu burezi, ni mu gihe hizihizwa umunsi mpuzamahanga w’ururimi kavukire tariki 24 Werurwe 2017. (...)

Antoine Hey yasabwe guhesha Amavubi itike ya CAN 2019
Antoine Hey yasabwe guhesha Amavubi itike ya CAN 2019

Umudage Antoine Hey yasinye amasezerano yo gutoza ikipe y’igihugu y’u Rwanda ejo hashize tariki 21 Werurwe 2017 ; yahawe amasezerano y’umwaka umwe ushobora kongerwa igihe yitwaye neza. Perezida (...)

Ingabo z’u Rwanda zirahugurwa ku kurinda ikoreshwa ry’abana mu gisirikare
Ingabo z’u Rwanda zirahugurwa ku kurinda ikoreshwa ry’abana mu gisirikare

Abasirikare 30 batangiye amahugurwa azamara ibyumweru bibiri, aho bazahabwa ubumenyi buzabafasha kugira uruhare mu gukumira iyinjizwa n’ikoreshwa ry’abana mu gisirikare. Ni amahugurwa (...)

 Arkiepiskopi wo muri Pologne yagizwe intumwa ya Papa mu Rwanda
Arkiepiskopi wo muri Pologne yagizwe intumwa ya Papa mu Rwanda

Arkiepiskopi wa diyosezi ya Lauriaco muri Pologne , Musenyeri Andrzej Jowzowicz, yagizwe intumwa y’umushumba wa Kiliziya Gatolika, Papa Francis mu Rwanda kuri uyu wa 18 Werurwe 2017. Jozwowicz (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.