Advertisement
 
 
 
 
 
 
 
 

Amakuru | Mu Rwanda

Amafoto: Polisi y’u Rwanda yizihije isabukuru y’imyaka 16   

  Yanditswe na RNP
 June 2016

 
 

Abashyitsi batandukanye bo mu nzego za Leta, imiryango itegamiye kuri leta, abanyeshuri n’abandi bo mu nzego zinyuranye bifatanyije na Polisi y’u Rwanda tariki ya 16 Kamena kwizihiza isabukuru y’imyaka 16 imaze ishinzwe. }

Ibirori byo kwizihiza iyi sabukuru byahuriranye no gusoza icyumweru cyari cyarahariwe ibikorwa Polisi y’u Rwanda, aho hatanzwe ubukangurambaga n’ibiganiro mu gihugu hose ku nsanganyamatsiko zitandukanye zihuriza ku bufatanye mu gukumira no kurwanya ibyaha no kurengera umwana by’umwihariko.



Ubwo yagezaga ijambo rye ku bitabiriye iyi sabukuru, Minisitiri w’Umutekano mu gihugu Sheikh Musa Fazil Harelimana, wari umushyitsi mukuru muri uyu muhango,yashimiye Polisi y’u Rwanda ibyo ikora byose mu kubungabunga umutekano w’abaturage n’ibyabo.

Yagaragaje akamaro kanini umutekano ufite mu iterambere ry’igihugu, aho yavuze ko ibyo u Rwanda rumaze kugeraho mu iterambere rinyuranye rubikesha abaturage barwo bakora uko bashoboye kugira ngo igihugu kigire umutekano usesuye.

Yagize ati:” Muri iki gihe dufite umutekano usesuye, kandi no mu bihe biri imbere niko bizaba bimeze kuko abaturage nabwo bazaba bafite umutekano uhagije”.

Kugera kuri ibi byose, ni ukubera ubufatanye bwa buri wese ndetse no guharanira uburenganzira bw’umwana. Muri iki gihe, turamagana uwo ariwe wese ubangamira uburenganzira bw’umwana ubwo aribwo bwose”.



Minisitiri w’Umutekano mu gihugu yihanangirije uwo ariwe wese ubona uburenganzira bw’umwana butubahirizwa akicecekera ntabigeze ku nzego z’umutekano, avuga ko icyo ari icyaha gihanwa n’amategeko.

Yagize ati “Ubwo Nyakubahwa Perezida wa Repubulika yasinyaga ku itegeko rishyiraho Polisi y’Igihugu hari muri ya minsi 100 n’ubundi twibuka Jenoside yakorewe Abatutsi 1994 aho abana bakoreshejwe muri Jenoside abandi bakicwa.

Yakomeje avuga ko ishyirwaho ry’uru rwego ndetse runahabwa inshingano zisobanutse mu kureba ko amategeko yubahirizwa, byerekana ko hashyizwemo ingufu kugira ngo habeho kurwanya Jenoside ntizongere kubaho ukundi.

Kwizihiza isabukuru ya Polisi y’u Rwanda byahuriranye no kwizihiza umunsi mukuru w’umwana w’umunyafurika, hibukwa uko abana b’abirabura i Soweto muri Afurika y’Epfo bishwe mu mwaka w’1976 kubera politiki y’ivanguramoko yari iriho muri icyo gihugu.



Yavuze Polisi itapfuye guhitamo iyi nsanganyamatsiko yo kurinda no kurengera umwana gusa ko ahubwo bihuje nayo mateka yose.

Minisitiri w’Umutekano mu gihugu yavuze ko mbere yo kwizihiza isabukuru y’imyaka 16 ya Polisi y’u Rwanda, habanje kubaho icyumweru cyahariwe ibikorwa bya Polisi y’u Rwanda, insanganyamatsiko ikaba yari “Kurengera umwana”.

Yagize ati:” Mu bikorwa bigiye bitandukanye abana barahohoterwa. Tugomba gukora ibishoboka byose bigahagarara. Abana nibo bayobozi b’ejo hazaza”.



Umuyobozi mukuru wa Polisi y’u Rwanda IGP Emmanuel K. Gasana we yagarutse ku cyerekezo cy’aho igihugu cyacu kigana ndetse agaruka ku gukumira ibyaha ku buryo bujyanye n’igihe tugezemo, bikaba aribyo byatumye hatoranywa insanganyamatsiko y’uwo munsi mukuru. Insanganyamatsiko ikaba igira iti:” imyaka 16 y’ubufatanye mu gukumira ibyaha”.

IGP Gasana yagize ati:” ibyo tumaze kugeraho ni umusaruro w’ubufatanye no kudushyigikira byaturutse ku bafatanyabikorwa n’inzego zinyuranye harimo leta, inzego zigenga ndetse n’abaturage”. Yakomeje avuga ko muri iyi myaka 16 Polisi y’u Rwanda imaze gutera intambwe ishimishije mu kubaka ubushobozi bw’abakozi no kugira ibikoresho bigezweho ndetse n’ibikorwa remezo.

Yakomeje agira ati:” Uku gutera imbere no kwiyubaka ku buryo bugaragara bituma dutanga n’umusanzu mu butumwa bw’amahoro mu bihugu bitandukanye nka; Haiti, Sudani, Sudani y’Epfo, Liberia, Centrafrika na Cote d’Ivoire”.



Ati:” ibyo tumaze kugeraho ni umusaruro w’ubufatanye no kudushyigikira byaturutse ku bafatanyabikorwa n’inzego zinyuranye harimo leta, inzego zigenga ndetse n’abaturage”. Yakomeje avuga ko muri iyi myaka 16 Polisi y’u Rwanda imaze gutera intambwe ishimishije mu kubaka ubushobozi bw’abakozi no kugira ibikoresho bigezweho ndetse n’ibikorwa remezo.

Yakomeje agira ati:” Uku gutera imbere no kwiyubaka ku buryo bugaragara bituma dutanga n’umusanzu mu butumwa bw’amahoro mu bihugu bitandukanye nka; Haiti, Sudani, Sudani y’Epfo, Liberia, Centrafrika na Cote d’Ivoire”.

Muri iki gihe uburyo bukoreshwa mu gukumira no kurwanya ibyaha butandukanye cyane n’uko byari bimeze mu myaka 22 ishize kuko icyo gihe inzego z’umutekano zateraga ubwoba abaturage.

Gasamagera yakomeje avuga ko kuba Polisi y’u Rwanda yarahisemo abaturage nk’abafatanyabikorwa bayo bituma uburyo bwo guhanahana amakuru ku gukumira ibyaha bworoha kandi bukihuta ibi bigatanga umusanzu mu gukumira no kurwanya ibyaha.



Mu kwizihiza imyaka 16 Polisi y’u Rwanda imaze ishinzwe, hari habanje kubaho icyumweru cyahariwe ibikorwa bya Polisi y’u Rwanda, aho hatanzwe ubukangurambaga mu gihugu hose ku kurengera umwana, kwirinda ibiyobyabwenge, kurwanya ihohoterwa rishingiye ku gitsina, kurwanya icuruzwa ry’abantu no kubahiriza amategeko y’umuhanda.



 

Comments

pre-moderation

Igitekerezo cyanyu kiragaragara kimaze gusumwa n'umwanditsi mukuru wa Imvaho Nshya

Izina Ryanyu
IGITEKEREZO

 
 
Abana icyenda bigiye muri gereza bakoze ibizamini bya Leta batsinda neza
Abana icyenda bigiye muri gereza bakoze ibizamini bya Leta batsinda neza

Urwego rw’igihugu rushinzwe imfungwa n’abagororwa (RCS) rurishimira ko ku nshuro ya mbere abana bafungiye muri gereza y’abana ya Nyagatare bakoze ibizamini bya Leta bisoza amashuri abanza n’icyiciro (...)

Kicukiro: Umunyeshuri yafatanwe kashe 39 z’impimbano
Kicukiro: Umunyeshuri yafatanwe kashe 39 z’impimbano

Polisi y’u Rwanda ikorera mu karere ka Kicukiro yafatanywe kashe 39 zitandukanye umunyeshuri witwa Tuyishime Bernard wiga ibijyanye no gukora amazi mu Ishuri ry’Ubumenyingiro IPRC-Kicukiro. Izi (...)

Bamwe mu babyeyi bagaragaje ibanga ryatuma abana batsinda ibizamini bya Leta
Bamwe mu babyeyi bagaragaje ibanga ryatuma abana batsinda ibizamini bya Leta

Ku wa mbere ushize nibwo ikigo cy’igihugu cy’uburezi REB, cyamuritse amanota y’ibizamini bya Leta by’amashuri abanza ndetse n’icyiciro cya mbere cy’ayisumbuye. Abanyeshuri bakoze ibizami bisoza (...)

Ni igihe cyo gukira ibikomere Abanyarwanda bakiyubakira igihugu – Dr Ndushabandi
Ni igihe cyo gukira ibikomere Abanyarwanda bakiyubakira igihugu – Dr Ndushabandi

Dr Ndushabandi Eric, umuyobozi w’ikigo cy’ubushakashatsi n’ubusabane bigamije amahoro IRDP asanga iki ari cyo gihe nyuma y’amateka ya Jenoside yakorewe Abatutsi 1994 na nyuma y’intambwe Abanyarwanda (...)

Polisi y’u Rwanda n’iy’Ubutaliyani basinyanye amasezerano y’ubufatanye
Polisi y’u Rwanda n’iy’Ubutaliyani basinyanye amasezerano y’ubufatanye

Ku itariki ya 12 Mutarama, i Roma mu murwa mukuru w’igihugu cy’Ubutaliyani, habereye umuhango wo gushyira umukono ku masezerano y’ubufatanye hagati ya Polisi y’u Rwanda n’iy’Ubutaliyani, amasezerano (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.