2017-06-23 06:25:07 clouds 27o High | Kigali Rwanda

Dukurikire:
 
 

Amafoto: Ingagi y’u Rwanda iherutse kubyara impanga irazibyiruye

Yanditswe na IMVAHO NSHYA

Kuya 2016-04-18 12:52:17

 
Share on:
 
Yasuwe:25
 
Yavuzweho:200
 
10
 
10

Imwe mu ngagi yo mu muryango wa Isabukuru muri Parike y’Ibirunga yabyaye impanga muri Mutarama 2016. Kuri ubu abo bana b’ingagi bari gukura vuba mu Birunga aho nyina “Isaro” yirirwa abacigatiye cyangwa bakina.

Abakurikiranira hafi ingagi bo mu kigo cyitiriwe Dian Fossey bavuga ko batari bamenya igitsina cy’izo mpanga zikura zidasiganwa, kuko batari bazegera.

JPEG - 334.7 kb
Abo bana bataramenyekana igitsina, bakunda gukina na nyina

Banavuga ko izo ngagi zameze ubwoya zikiri nto cyane. Umushakashatsi wungirije mu kigo cya Fossey Fund, Didier Abavandimwe avuga ko izo mpanga ari umutungo utagira uko usa.

Ati”Sinashoboye guhita mbyiyumvisha; kuva natangira gukorana na Fossey Fund mu 2009 nibwo nari mbonye ingagi yo miryango tugenzura ibyaye impanga. Impanga za Isaro ni umugisha ku bantu bose bakorana umuhate ngo ingagi zo mu misozi zororoke. Ni nk’igihembo kuri twe."

JPEG - 287.9 kb
Isaro ikunze guhora icigatiye abana bayo

Mu miryango y’ingagi ya Karisoke mu myaka 50 ishize havutse ingagi 270. Muri zo inshuro eshatu nibwo havutse impanga.

Bivugwa ko izavutse mu 1986 zamaze iminsi icyenda naho izavutse mu 2008 zo zapfuye ku munsi zavutseho.

JPEG - 527.4 kb
Bazitwa izina muri Nzeli 2016

Izo ngagi zizitirirwa izina hamwe n’izindi mu muhango wo Kwita Izina uzaba muri Nzeli 2016.

JPEG - 318.4 kb
Usanga abo bana b’ingagi bakunze nyina cyane


Amafoto: Dian Fossey Gorilla Fund Int’l

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE