Advertisement
 
 
 
 
 
 
 
 

Amakuru | Mu Rwanda

Abubatse agakiriro ntibahembwe bateye iperu ku karere ka Ngoma bishyuza   

  Yanditswe na MANISHIMWE NOËL
 5 months ago

 
 

Abakozi basaga 100 bakoze mu mirimo yo kubaka inyubako z’agakiriro k’akarere ka Ngoma, barasaba kwishyurwa, nyuma yuko bamaze amezi atatu badahembwa n’umukoresha wabo watsindiye isoko ryo kubaka agakiriro.

Aba bakozi biganjemo abaturuka mu turere dutandukanye tw’igihugu baje gukora akazi, bagaragaza ko imibereho yabo ubu imeze nabi, kuko bagiye bakora bizeye guhembwa, ukwezi kugashira ukundi kugataha ariko ntibahebwe ku buryo ubu amezi abaye 3 nta faranga na rimwe bahawe, hakaniyongeraho n’abafitiwe ibirarane byo guturuka mu kwezi kw’Ukuboza mu mwaka wa 2015.

Kuwa 30 Kamena 2016, aba bakozi bahuriye ku kibazo cyo kwamburwa n’umukoresha wabo, baje ku karere ka Ngoma ngo bagaragarize ubuyobozi iki kibazo.

JPEG - 324.4 kb
Baje kugeza ikibazo cyabo ku buyobozi bw’akarere ngo kabafashe kwishyuza rwiyemezamirimo(Foto Manishimwe N)

Batangarije Imvaho Nshya ko bafashe iki cyemezo nyuma yuko umukoresha wabo abasezeranyije kuzaza uwo munsi akabishyura, bakamutegereza, bikarangira ataje.

Manirakarama Alexis, yagize ati:“Inshuro nyinshi uyu mugabo aduhemba ari uko twaje hano, iyi ni inshuro ya 3, njyewe ndishyuza ibihumbi 86 by’amezi 3, kandi urebye nk’igihe cy’amezi 3 umuntu aba yarakoze ariko amezi agashyira adahabwe ni ikibazo.Ubuyobozi bukwiye kujya bugirana amasezerano na rwiyemezamirimo mbere yo kumuha isoko.”

Undi mukozi wakoze ari umufundi, na we yagize ati“Ni ikibazo gukora n’ibyo ukoreye ntubibone, ugasonza kandi warakoze.Ndacumbitse, ubu mu mezi atatu tumaze ino ntidutaha, navuye mu majyaruguru, nza gushaka amafaranga, bamfitiye ibihumbi 130, twese dukora nyakabyizi.”

Mukanzabarushimana Délphine, ni umubyeyi ufitiwe umwenda w’agera ku bihumbi 56, we avuga ko ubu mu baturanyi afite ikinegu kuko bamufata nk’umwambuzi kuko yagiye yikopesha yizeye guhembwa, none amezi akaba amaze kuba 3 adahebwa ngo yishyure imyenda.

Yagize ati“Maze amezi atatu ntahembwa, ubu ndabazwa mituweli y’umuryango, mu maduka nabaye umuhemu bamereye nabi banyishyuza, nabaye umwambuzi kubera kudahembwa. Turasaba rwose ubuyobozi ko bwa kongera kuturenganura kuko si ubwa mbere.”

Ubwo bagezaga iki kibazo ku buyobozi bw’akarere ka Ngoma, abayobozi bagerageje kuvugana na rwiyemezamirimo kuri telefoni ntiyayifata, bituma bafata umwanzuro w’uko aba bakozi bubatse ntibahebwe bataha, ubuyobozi bugakomeza kugerageza kuvugana na rwiyemezamirimo kugeza umwanzuro ubonetse.

Gusa bijejwe ko nibigera kuwa Gatatu tariki ya 6 Nyakanga atarabishyura bazagaruka ku karere kakabishyura maze bakazayakata kuri miliyoni 30 akarere kamufitiye.

Kanayoge Alex, Umunyamabanga Nshingwabikorwa w’akarere yijeje aba bakozi ko bazishyurwa bitarenze tariki ya 06 Nyakanga.

Yagize ati:“Ikibazo cyanyu tugiye kugikurikirana ariko amafaranga ntimurara muyabonye, banki zizongera gukora kuwa gatatu tariki ya 06/07/2016.Nibigera atarabahemba mwe muzaze tuyabahe tuzayamukata. Nabibabwiye kandi mubyizere.”

Aba bakozi bakoze mu bikorwa byo kubaka agakiriro k’akarere ka Ngoma bavuga batazi amazina yombi y’umukoresha wabo, ngo bazi izina rye rimwe gusa rya ‘Aimable’.Imbumbe y’amafaranga bishyuza ntitwabashije kuyamenya.

Mu karere ka Ngoma humvikana kenshi abaturage basaba kurenganurwa, aho baba barakoreshejwe na ba rwiyemezamirimo ibikorwa byagera ku musozo bakagenda batishyuye, abaturage bagahera mu gihirahiro cyo kubura aho babariza cyane ko abenshi baba bakora nta n’amasezerano bagiranye n’umukoresha mbere yo gutangira.

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Gasabo: Yapfuye agwiriwe n’ikirombe yibagamo gasegereti
Gasabo: Yapfuye agwiriwe n’ikirombe yibagamo gasegereti

Minani Selvirien yapfuye ubwo yacukuraga gasegereti mu buryo butemewe n’amategeko mu murenge wa Nduba, mu karere ka Gasabo. Uyu mugabo yagwiriwe n’ikirombe ubwo yibaga ariya mabuye ahasanzwe (...)

Minisitiri Murekezi yakiriye indahiro z’abashinjacyaha bane
Minisitiri Murekezi yakiriye indahiro z’abashinjacyaha bane

Minisitiri w’Intebe Anastase Murekezi yakiriye indahiro z’Abashinjacyaha bane, ku wa Kabiri ku ya 7 Ukuboza 2016. Batatu barahiriye gukora mu bushinjacyaha ku rwego rwisumbuye ni Murigirwa (...)

Kigali: Abana batatu bamaze gupfa barohamye mu minsi 10 gusa
Kigali: Abana batatu bamaze gupfa barohamye mu minsi 10 gusa

Abana batatu barohamye mu bidendezi by’amazi n’imigezi aho baba bidumbaguza mu Mujyi wa Kigali honyine mu minsi icumi ishize. Umuvugizi wa polisi mu mujyi wa Kigali, SP Emmanuel Hitayezu, (...)

Kigali: Polisi yafashe ibyuma by’imodoka bya miliyoni  24
Kigali: Polisi yafashe ibyuma by’imodoka bya miliyoni 24

Polisi y’u Rwanda mu karere ka Nyarugenge yafashe ibyuma by’imodoka bifite agaciro ka Miliyoni 24 z’amafaranga y’u Rwanda byibwe Kompanyi ikora imirimo y’Ubwubatsi yitwa NPD- COTRACO. Umuvugizi wa (...)

Jeannette Kagame arishimana n’abana mu birori bisoza umwaka
Jeannette Kagame arishimana n’abana mu birori bisoza umwaka

Kuri iki cyumweru tariki 4 Ukuboza 2016, Madamu Jeannette Kagame arakira abana baturutse muturere 30 tw’igihugu mu birori byo gusoza umwaka wa 2016 anabifuriza Umwaka Mushya Muhire wa 2017. (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.