Advertisement
 
 
 
 
 
 
 
 

Amakuru | Mu Rwanda

Abirukana abakozi nta mpamvu zifatika bahombeje Leta miliyoni 50   

  Yanditswe na HAKIZIMANA YUSSUF
 May 2016

 
 

Muri iyi myaka itatu ishize leta y’u Rwanda imaze guhomba amafaranga abarirwa muri miliyoni zirenga 50, bitewe n’imanza yashowemo ikazitsindwa.

Izi manza leta yabaga yazirezwemo n’abakozi mu bigo bitandukanye birukanwa mu buryo butemewe n’amategeko, bakiyambaza inkiko ngo zibarenganure.

Ibi ni bimwe mu byagaragaye ubwo abakozi ba komisiyo y’abakozi ba leta baganiraga n’abashinzwe abakozi, abayobozi bungirije mu turere twose ndetse n’abakozi b’Intara y’Uburasirazuba, ibi biganiro bikaba byabereye i Rwamagana.

JPEG - 222 kb
Abayobozi muri Komisiyo y’abakozi ba Leta mu nama bagiranye n’abayobozi mu nzego zitandukanye mu Burasirazuba (Foto Hakizimana Y)

Umunyamabanga Nshingwabikorwa w’Intara y’Uburasirazuba Makombe JMV, yagaragaje ko izi manza leta itsindwamo n’abakozi birukanwe mu buryo budakurikije amategeko ari nyinshi, agasaba abirukana abakozi kubyitondera.

Yagize ati:“Hari miliyoni zisaga 50 abakozi bagiye birukanwa bagiye barega mu nkiko bagatsinda, izo miliyoni ni nyinshi uzibaze wasanga harimo amazu meza yakubakirwa batishoboye 10, yakubakwamo ibyumba by’amashuri birenga 20, aya mafaranga ni menshi noneho iyo agiye kubera ko hari icyemezo cyafashwe bitubahirije amategeko, ntabwo aba ari byo.”

Yakomeje agira ati:“Icyo tugomba gukora ni ukwirinda gushora leta mu manza ndetse hari n’uburyo abantu bashora leta mu manza bahanwa, hari itegeko ryasohotse muri iyi minsi ishize rigena uburyo abantu bateje leta igihombo bahanwa.”

Mu kiganiro Perezida w’abakomiseri muri komisiyo ya leta Habiyakare Francois aherutse kugirana n’abanyamakuru, yibukije zimwe mu mpamvu zituma leta igushwa mu gihombo n’imanza ishorwamo.

Yagize ati:“Twakoze ingenzura mu nkiko tureba imanza leta yatsinzwemo, haba ku byemezo biba byarafatiwe abakozi, hanyuma tubona imibare muri rusange ku ntara no mu turere n’uruhare rwatwo, twaberetse uruhare rwabo muri iki gihombo, tubyita igihombo kuko ni amafaranga yasohotse kandi ataragombaga gusohoka.

Ni amafaranga tuba duhombye kuko hafashwe ibyemezo bidakurikije amategeko, uburyo bwiza bwo kwirinda iki gihombo ni ukubahiriza amategeko.”

Iyi nama yari igamije kurebera hamwe uburyo abakozi ba Leta baba barakurikiranwe muri uyu mwaka w’ingengo y’imari, hakagaragazwa uburyo bashyirwa mu myanya nyuma yo gukora ibizamini, uburyo abafatirwa ibyemezo bikorwa niba byubahiriza amategeko, hagafatwa n’ingamba kugira ngo ahagaragaye intege nke hakosorwe.

Mu butumwa bwatangiwe muri iyi nama, abafata ibyemezo byerekeye abakozi basabwe kubyitondera, birinda gushora mu leta mu manza zidafite ishingiro.

 

Comments

 
 
Rubavu:Umusuwisi n’Umunyekongo bishimiye guhabwa ubwenegihugu bw’u Rwanda
Rubavu:Umusuwisi n’Umunyekongo bishimiye guhabwa ubwenegihugu bw’u Rwanda

Umuturage ukomoka mu gihugu cy’u Buswisi n’undi ukomoka mu gihugu cya Repubulika iharanira Demokarasi ya Congo, bashyikirijwe n’umuyobozi w’akarere ka Rubavu ibyemezo bibemerera kuba abenegihugu b’u (...)

Abapolisi b’u Rwanda 160 bagiye mu butumwa  muri Sudani y’Epfo
Abapolisi b’u Rwanda 160 bagiye mu butumwa muri Sudani y’Epfo

Itsinda ry’Abapolisi (FPU) b’u Rwanda 160 barimo abagore 26 bagiye mu butumwa bwo kubungabunga amahoro bw’Umuryango w’Abibumbye muri Sudani y’Epfo, mu gitondo cyo ku itariki ya 4 Mata. Basanzeyo (...)

RSSB iri kwiga ku kibazo cy’abafite mituweli boherezwa kugura imiti muri farumasi zigenga
RSSB iri kwiga ku kibazo cy’abafite mituweli boherezwa kugura imiti muri farumasi zigenga

Ubuyobozi bw’Ikigo cy’Ubwiteganyirize bw’abakozi (RSSB) ari nabwo bufite mituweli mu nshingano, buratangaza ko bugiye kuganira na Minisiteri y’Ubuzima ku kibazo bamwe mu banyamuryango bashinja (...)

Gasabo: Polisi yataye muri yombi agatsiko k’abajura
Gasabo: Polisi yataye muri yombi agatsiko k’abajura

Abantu bane bafungiye kuri sitasiyo ya Polisi ya Rusororo mu karere ka Gasabo bakurikiranweho ubufatanyacyaha mu bujura ndetse n’ubujura nyir’izina. Abo ni Muhoza Evariste w’imyaka 29 y’amavuko (...)

Imitwe ya politiki yabonye umuvugizi mushya
Imitwe ya politiki yabonye umuvugizi mushya

Abagize Ihuriro ry’igihugu nyunguranabitekerezo ry’imitwe ya politiki yemewe mu Rwanda (NFPO) batoye Mukakarangwa Clotilde uturuka mu Ishyaka Riharanira Demokarasi Ihuza Abanyarwanda (PDC), (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.