Advertisement
 
 
 
 
 
 
 
 

Amakuru | Mu Rwanda

Abayobozi b’amashami y’ibigo bya Leta batumwe kwirinda ruswa n’akarengane   

  Yanditswe na NTAWITONDA JEAN CLAUDE
 3 months ago

 
 

Guverinoma y’u Rwanda yibukije ababoyobozi b’amashami mu bigo bya Leta guhora bazirikana ko ari bo bagize inkingi zikomeye ubuyobozi bwose bwa Leta y’u Rwanda bwubakiyeho, bityo bagaharanira kuba indakemwa mu mico no mu myifatire.

Mu butumwa Perezida Paul Kagame yageneye aba bayobozi ubwo basozaga Itorero ry’Abayobozi b’Amashami, mu Nzego zose za Leta mu Karere ka Huye, basabwe kugaragaza itandukaniro aho bari hose kuko ari bo mizero y’imiyoborere myiza.

Minisitiri w’Intebe Anastase Muerekezi witabiriye umuhango wo gusoza iri torero kuri Sitade Mumena mu Karere ka Huye yabwiye aba bayobozi ko Umukuru w’igihugu yamutumye kubashimira ku kazi bakora n’ubwitange bagira mu gushyira mu bikorwa Gahunda za Leta.

Yashimangiye ko nyuma yo gusoza itorero ryari rigamije kubongerera ubumenyi ku buryo bwo kuyobora, Abanyarwanda babitezeho gushyira mu bikorwa, imihigo yose bahize baharanira impinduka nziza.

Minisitiri w’Intebe yagize ati “Muzarangwe no kwirinda ruswa, kugira ubupfura n’ubudakemwa mu mikorere no mu myitwarire yanyu aho muri hose mu kazi. Mujye muhora muzirikana ko ari mwebwe mugize amashami akomeye ubuyobozi bwose bwa Leta y’u Rwanda bwubakiyeho.”

Yakomeje agira ati "Nta Ntore irebera, nta Ntore itekinika, mwitangire umurimo aho muri hose kandi muhe abaturage neza serivisi bakeneye. Mucunge neza umutungo wa Leta, ntimugatume ibidafututse bibanyura imbere ngo bikomeze hejuru.

Insanganyamatsiko yahawe Itorero ry’abayobozi b’amashami muri Leta igira iti “Gutanga Serivisi zishingiye ku Muturage ni Intego Duhuriyeho”

Abayobozi basabwe kandi kuba umusemburo w’igenamigambi rinoze, rigamije impinduka nziza ku Banyarwanda mu Cyerekezo cya 2050, bibutswa kudatatira umuco w’Imihigo, kwihuta mu kazi no Kunoza ibyo bakora, gukunda Igihugu no guharanira ubumwe bw’Abanya Rwanda.

 

Comments

 
 
  Itangazamakuru ryasabwe gufata iya mbere mu kurinda abangavu gutwara inda zitateguwe
Itangazamakuru ryasabwe gufata iya mbere mu kurinda abangavu gutwara inda zitateguwe

Umuryango nyarwanda ugamije guteza imbere ubuzima, HDI, urasaba ko itangazamakuru gufasha abanyarwanda guhindura imyumvire no gukuraho imbogamizi ababyeyi bahura na zo mu kuganiriza abana babo (...)

Uganda yagaruye abanyarwanda babiri bari barayihungiyemo batorotse gereza
Uganda yagaruye abanyarwanda babiri bari barayihungiyemo batorotse gereza

Polisi y’u Rwanda yashyikirijwe abagabo babiri bari barahungiye muri Uganda nyuma yo gutoroka gereza, ikaba yarabakiriye ku italiki ya 21 Gashyantare ku mupaka wa Gatuna. Abagaruwe ni (...)

Min. Kanimba  yasabye umunyamabanga wa EAC gushyira ingufu mu mavugurura
Min. Kanimba yasabye umunyamabanga wa EAC gushyira ingufu mu mavugurura

Minisitiri w’Ubucuruzi, Inganda n’Ibikorwa by’Umuryango w’Afurika y’Uburasirazuba, François Kanimba, yakiriye mu biro bye Umunyamabanga Mukuru w’Umuryango wa Afurika y’Uburasirazuba, EAC, Amb. Libérat (...)

Abahoze ari abajura muri Nyabugogo bashinze ihuriro
Abahoze ari abajura muri Nyabugogo bashinze ihuriro

Urubyiruko rugera ku 157 rwahoze rukora ibikorwa by’ubujura bitandukanye mu gace ka Nyabugogo mu Mujyi wa Kigali rwiyemeje kubireka, ubu rukaba rwarashyizeho ihuriro ryabo ryitwa” Hinduka uhindure (...)

Polisi y’u Rwanda yafatiye ibiyobyabwenge na magendu mu mikwabu
Polisi y’u Rwanda yafatiye ibiyobyabwenge na magendu mu mikwabu

Imikwabu Polisi y’u Rwanda yakoze mu mpera z’icyumweru gishize mu turere twa Huye, Kirehe, Gicumbi na Nyanza yayifatiyemo ibiyobyabwenge by’ubwoko butandukanye na magendu. Uwitwa Ntirenganya Jean (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.