Advertisement
 
 
 
 
 
 
 
 

Amakuru | Mu Rwanda

Abayoboke ba ADEPR barayishyuza amamiliyoni   

  Yanditswe na Twagira Wilson
 3 months ago

 
 

Abayoboke b’itorero rya pantekoti mu Rwanda, ADEPR, bacuruza ibikoresho by’ubwubatsi barinubira ko ubuyobozi bw’itorero bwabahaye akazi ko kugemura ibyo kubakisha hoteli yaryo ariko bakabambura amafaranga babitanzeho.

Abo ba rwiyemezamirimo batanu, bavuga ko bagemuye amakaro, sima, amabuye, n’ibindi ku buryo bose hamwe bambuwe miliyoni zisaga 50 z’amafaranga y’u Rwanda.

Umwe muri bo uhagarariye ikigo kitwa Marivanze Business Company, gikorera mu murenge wa Gisozi, yavuze ko kuva bahabwa akazi mu mwaka wa 2015, itorero ryari rimubereyemo miliyoni zisaga 40 z’amafaranga y’u Rwanda.

Asobanura ko amasezerano yo kubagemurira amakaro n’ibindi bikoresho byo kunogereza hoteli (finissage) yarangiye amaze kwishyurwa miliyoni 32 gusa; bivuga ko umwaka ugiye kurangira yishyuza miliyoni umunani zasigaye.

PNG - 816.7 kb
Dove Hotel yatwaye ADEPR akayabo

Avuga ko nta gisubizo na gito ubuyobozi bw’itorero bumuha kandi afite ibirarane bya banki bishobora gutuma imitungo y’umuryango we itezwa cyamunara.

Ati” Mfite ibirarane by’ubukererwe bwa banki yampaye inguzanyo, maze kuraranya gatatu ntarabishyura. Mfite impungenge z’uko imitungo yanjye igiye gutezwa cyamunara.

“ Dufite imiryango ikeneye kubaho, dukodesha inzu dukoreramo, twakoze akazi ntitwishyurwa ababishinzwe mu itorero ADEPR turabasaba kuturenganura.”

Umuvugizi wa ADEPR, Bishop Sibomana Jean, yabwiye Imvaho Nshya ko icyo kibazo bakimenyeshejwe ariko ngo mu gihe raporo yerekeranye n’ayo madosiye y’abakoze akazi ntibishyurwe itaramugeraho ntacyo yabikoraho.

Yakomeje ati “Dosiye zabo ntabwo zirangeraho kandi ku Gisozi siho nkorera, ubwo rero nizitugeraho, tuzagira icyo tuzikoraho tuzi ibyo ari byo.”

JPEG - 40.5 kb
Umuvugizi wa ADEPR, Bishop Sibomana

Ushinzwe inyubako ya hoteli ya ADEPR, Pasiteri Sindayigaya Theophile nawe yemera ko hari ba rwiyemezamirimo batarishyurwa ariko akavuga ko byatewe na dosiye batujuje zijyanye n’ibisabwa kugira ngo uwagemuye ibikoresho yishyurwe.

Ati “Nta wamenya, haramutse hari abantu bavuga ko batishyuwe amafaranga yabo, baza aho dukorera ku Gisozi, bakabitwereka, byasobanuka bakishyurwa ibibazo bikava mu nzira.’

Sindayigaya avuga ko bohereje dosiye zirimo amakosa nko guteranya nabi, gutegura fagitire yishyuza idashyitse n’uzundi nyandiko zo mu bitabo by’ibaruramari zirimo ibibura kugira ngo sheik yo kwishyura ikorwe.

Hoteli ya ADEPR “Dove Hotel” yuzuye itwaye amafaranga miliyari 3 y’inguzanyo.

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Gasabo: Yapfuye agwiriwe n’ikirombe yibagamo gasegereti
Gasabo: Yapfuye agwiriwe n’ikirombe yibagamo gasegereti

Minani Selvirien yapfuye ubwo yacukuraga gasegereti mu buryo butemewe n’amategeko mu murenge wa Nduba, mu karere ka Gasabo. Uyu mugabo yagwiriwe n’ikirombe ubwo yibaga ariya mabuye ahasanzwe (...)

Minisitiri Murekezi yakiriye indahiro z’abashinjacyaha bane
Minisitiri Murekezi yakiriye indahiro z’abashinjacyaha bane

Minisitiri w’Intebe Anastase Murekezi yakiriye indahiro z’Abashinjacyaha bane, ku wa Kabiri ku ya 7 Ukuboza 2016. Batatu barahiriye gukora mu bushinjacyaha ku rwego rwisumbuye ni Murigirwa (...)

Kigali: Abana batatu bamaze gupfa barohamye mu minsi 10 gusa
Kigali: Abana batatu bamaze gupfa barohamye mu minsi 10 gusa

Abana batatu barohamye mu bidendezi by’amazi n’imigezi aho baba bidumbaguza mu Mujyi wa Kigali honyine mu minsi icumi ishize. Umuvugizi wa polisi mu mujyi wa Kigali, SP Emmanuel Hitayezu, (...)

Kigali: Polisi yafashe ibyuma by’imodoka bya miliyoni  24
Kigali: Polisi yafashe ibyuma by’imodoka bya miliyoni 24

Polisi y’u Rwanda mu karere ka Nyarugenge yafashe ibyuma by’imodoka bifite agaciro ka Miliyoni 24 z’amafaranga y’u Rwanda byibwe Kompanyi ikora imirimo y’Ubwubatsi yitwa NPD- COTRACO. Umuvugizi wa (...)

Jeannette Kagame arishimana n’abana mu birori bisoza umwaka
Jeannette Kagame arishimana n’abana mu birori bisoza umwaka

Kuri iki cyumweru tariki 4 Ukuboza 2016, Madamu Jeannette Kagame arakira abana baturutse muturere 30 tw’igihugu mu birori byo gusoza umwaka wa 2016 anabifuriza Umwaka Mushya Muhire wa 2017. (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.