Advertisement
 
 
 
 
 
 
 
 

Amakuru | Mu Rwanda

Abaturage basabwe gukemanga ababaka ruswa ngo babahe amashanyarazi   

  Yanditswe na NIYONSENGA SCHADRACK
 June 2016

 
 

Ikigo cy’igihugu gishinzwe ingufu z’amashanyarazi (REG) kirahamya ko hari bamwe mu bakozi bacyo baka abafatabuguzi amafaranga adafitiwe ubusobanuro ndetse ko hari n’abandi bantu biyitirira iki kigo bakabeshya abakiriya bikacyangiriza isura.

Ubuyobozi bw’Ishami rya REG rishinzwe guteza imbere ingufu (EDCL) buvuga ko aba bakozi bari mu bakibangamiye gahunda yo gukwiza amashanyarazi mu gihugu hose mu gihe bitarenze mu mwaka wa 2018 Guverinoma y’u Rwanda iteganya ko abaturage 70% bazaba bacacana.

Umuyobozi w’iri shami Kamanzi Emmanuel, yagize ati “Twe ntakibazo na kimwe dufite mu gutanga umuriro ku bawukeneye, ahubwo ubu turavuga ngo ‘abawukeneye ni bande kandi bari hehe?’ Hari abahura n’abakozi bacu cyangwa abandi batwiyitirira bakakubwira bati ‘urampa transport (ay’urugendo).”

Yakomeje asaba abaturage gushishoza, ati “Aho bazajye babanza babyibazeho kuko ntakuntu umuntu yagusaba itike ngo naza, aze mu modoka iriho icyapa cya EDCL. Twe nta na rimwe twishyuza itike iyo umuntu aje kugukorera ibyangiritse. ”

Ikibazo cya ruswa muri REG byagaragaye cyane cyane mu mirenge y’ibyaro aho nko mu murenge wa Gahengeri mu Karere ka Rwamagana hari abaturage bavuga ko bamaze amezi arenga icumi barishyuye amafaranga yabo nyamara ubuyobozi bwa REG bukababwira ko ku cyicaro nta mubazi z’amashanyarazi (Cash Power) zihari mu gihe bamwe na bamwe bo bigirayo bakagaruka bazizanye.

Kamanzi yemera ko ibi by’abaturage bajya kwisabira (Cash Power) bidasanzwe, ati “Ubundi uko dukora nta muturage uza kwisabira Cash Power, hagize aho biba umuntu yagenzura niba hatarimo akantu (ruswa) kuko ubundi umuturage yerekana inyemezabwishyu tukamuha umutekinisiye. Icyakora n’ikibazo cya Cash Power cyo kirahari cyatewe n’ibiza byaje bituma inyinshi zishya bidusaba kuzisimbuza.”

REG iravuga ko ntampungenge itewe no kuba ishobora kutazagera ku ntego yahawe na Leta y’u Rwanda yo kuzaba itanga MW 563 mu gihugu hose mu mwaka wa 2018 nubwo hari bamwe mu bakozi n’abandi biyitirira iki kigo bakagihesha isura mbi.

Ubuyobozi bw’Iki kigo buhamya ko bazakora ibishoboka byose bakagera ku ntego nubwo kuri ubu Abanyarwanda 24% ari bob amaze guhabwa umuriro; gusa ibi ngo ntabwo bibaraje ishinga kuko n’umuriro bafite kuri ubu basanga uhagije kandi ahagaragaye ko hakwiye amashanyarazi arahagezwa.

Mu myaka ibiri ishize MW 89.5 zongerewe ku zari zisanzwe mu gihugu; iki kigo kivuga ko hari gahunda yo gukomeza kongera izi ngufu banifashishije ibindi bihugu nka Kenya, Ethiopia n’ahandi ariko ngo icyihutirwa cyane ngo ni ukubungabunga bimwe mu bikoresho by’ingufu nk’amapoto n’insinga kugira ngo ibimaze kugerwaho bitangirika.

 

Comments

 
 
Minisitiri Busingye yasabye Polisi y’u Rwanda kugendana n’ibigezweho
Minisitiri Busingye yasabye Polisi y’u Rwanda kugendana n’ibigezweho

Minisitiri w’Ubutabera, akaba n’Intumwa Nkuru ya Leta, Johnston Busingye ku cyumweru tariki 26 z’uku Kwezi yabwiye abagize Inama Nkuru ya Polisi y’u Rwanda ko ibikorwa by’uru rwego rw’umutekano (...)

Abanyarwanda barasabwa guteza imbere ururimi kavukire
Abanyarwanda barasabwa guteza imbere ururimi kavukire

Abanyarwanda barasabwa kurebera hamwe uburyo hashyirwa ingufu mu guteza imbere Ikinyarwanda mu burezi, ni mu gihe hizihizwa umunsi mpuzamahanga w’ururimi kavukire tariki 24 Werurwe 2017. (...)

Antoine Hey yasabwe guhesha Amavubi itike ya CAN 2019
Antoine Hey yasabwe guhesha Amavubi itike ya CAN 2019

Umudage Antoine Hey yasinye amasezerano yo gutoza ikipe y’igihugu y’u Rwanda ejo hashize tariki 21 Werurwe 2017 ; yahawe amasezerano y’umwaka umwe ushobora kongerwa igihe yitwaye neza. Perezida (...)

Ingabo z’u Rwanda zirahugurwa ku kurinda ikoreshwa ry’abana mu gisirikare
Ingabo z’u Rwanda zirahugurwa ku kurinda ikoreshwa ry’abana mu gisirikare

Abasirikare 30 batangiye amahugurwa azamara ibyumweru bibiri, aho bazahabwa ubumenyi buzabafasha kugira uruhare mu gukumira iyinjizwa n’ikoreshwa ry’abana mu gisirikare. Ni amahugurwa (...)

 Arkiepiskopi wo muri Pologne yagizwe intumwa ya Papa mu Rwanda
Arkiepiskopi wo muri Pologne yagizwe intumwa ya Papa mu Rwanda

Arkiepiskopi wa diyosezi ya Lauriaco muri Pologne , Musenyeri Andrzej Jowzowicz, yagizwe intumwa y’umushumba wa Kiliziya Gatolika, Papa Francis mu Rwanda kuri uyu wa 18 Werurwe 2017. Jozwowicz (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.