Advertisement
 
 
 
 
 
 
 
 

Amakuru | Mu Rwanda

Abaturage ba Gasabo bagiye kumurikirwa ibibakorerwa   

  Yanditswe na IMVAHO NSHYA
 June 2016

 
 

Akarere ka Gasabo n’abafatanyabikorwa bako bagiye guhurira n’abagenerwabikorwa babo mu imurikabikorwa rikomatanyije, rizabera kuri sitade Amahoro kuva tariki ya 27 Kamena 2016 kugeza kuwa 30 Kamena 2016.

Iri murikabikorwa ridasanzwe rizitabirwa n’ubuyobozi bw’akarere n’abafatanyabikorwa mu iterambere, barimo abikorera ku giti cyabo, imiryango itegamiye kuri Leta, abahanzi, abanyabugeni, n’amakoperative atandukanye.

Iri murikabikorwa ryiswe ‘JADF Gasabo Open Day’, rikaba rigamije guhuriza hamwe abafatanyabikorwa b’akarere n’abagenerwabikorwa b’akarere ka Gasabo, muri gahunda yo kumurika ibikorwa bitandukanye na serivisi bitangirwa muri aka karere.

JPEG - 206.4 kb
Abanyabugeni nabo bazahabwa umwanya wo kumurika ibikorwa byabo

Iki gikorwa kandi ni umwanya mwiza abikorera bazamurikiramo ibikorwa byabo, mu gihe cy’iminsi ine kizamara.

Mutsindashyaka André, uyobora ihuriro ry’abafatanyabikorwa mu iterambere mu karere ka Gasabo, avuga ko bateguye iki gikorwa mu rwego rwo gukomeza gufatanya guteza imbere serivisi zitangirwa mu karere, no guhuza abafite ibikorwa hagamijwe koroshya uburyo bwo kubimenyekanisha.

Yakomeje asobanura ko iki gikorwa kandi gisanzwe ari gahunda ngarukamwaka ya Guverinoma, kikaba kibera mu turere twose.

Ati “Open Day ni gahunda ya Guverinoma isanzwe ibera mu turere twose tw’igihugu uko umwaka utashye.”



Iri murikabikorwa rizajya risusurutswa n’abanyarwenya, abacuranzi batandukanye, abahanzi b’imivugo, amatorero gakondo, ndetse n’abahanzi mu bindi byiciro bitandukanye.

Biteganyijwe ko imiryango ya parikingi ya sitade (ahazabera imurikabikorwa)izajya ifungurwa saa yine za mu gitondo, igafungwa saa tatu z’ijoro, kandi kwinjira bizaba ari ubuntu.

 

Comments

pre-moderation

Igitekerezo cyanyu kiragaragara kimaze gusumwa n'umwanditsi mukuru wa Imvaho Nshya

Izina Ryanyu
IGITEKEREZO

 
 
Polisi y’u Rwanda n’iy’Ubutaliyani basinyanye amasezerano y’ubufatanye
Polisi y’u Rwanda n’iy’Ubutaliyani basinyanye amasezerano y’ubufatanye

Ku itariki ya 12 Mutarama, i Roma mu murwa mukuru w’igihugu cy’Ubutaliyani, habereye umuhango wo gushyira umukono ku masezerano y’ubufatanye hagati ya Polisi y’u Rwanda n’iy’Ubutaliyani, amasezerano (...)

Babiri bafunzwe bakekwaho guha ruswa abayobozi b’inzego z’ibanze
Babiri bafunzwe bakekwaho guha ruswa abayobozi b’inzego z’ibanze

Polisi y’u Rwanda mu turere twa Nyarugenge na Nyamasheke ifunze abagabo babibi bakekwaho kugerageza guha ruswa abayobozi b’inzego z’ibanze kugira ngo babakorere ibinyuranije n’amategeko. (...)

Nyarugenge: Polisi yafashe agatsiko k’abajura bibye mudasobwa muri GS Nzove
Nyarugenge: Polisi yafashe agatsiko k’abajura bibye mudasobwa muri GS Nzove

Abagabo 5 bafunzwe na Polisi y’u Rwanda ikorera mu karere ka Nyarugenge, nyuma yo gufatanwa ibikoresho by’ikoranabuhanga birimo za mudasobwa bari bibye mu ishuri ryisumbuye (GS) rya Nzove (...)

Polisi ya Uganda yashyikirije iy’u Rwanda uwashakishwaga akekwaho ubujura
Polisi ya Uganda yashyikirije iy’u Rwanda uwashakishwaga akekwaho ubujura

Polisi ya Uganda yashyikirije iy’u Rwanda Hategekimana Isaie w’imyaka 42 ukomoka mu murenge wa Nkanka mu karere ka Rusizi, washakishwaga na Polisi y’u Rwanda akekwaho ubujura yakoreye mu karere ka (...)

Polisi y’u Rwanda irishimira ubufatanye bwayo n’abaturage mu minsi mikuru
Polisi y’u Rwanda irishimira ubufatanye bwayo n’abaturage mu minsi mikuru

Polisi y’u Rwanda iravuga ko uretse impanuka nke zabaye, ubundi umutekano wari ntamakemwa mu minsi mikuru itambutse, uyu mutekano ukaba warabonetse kubera ubufatanye bwayo n’abaturage. Aganira (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.