Advertisement
 
 
 
 
 
 
 
 

Amakuru | Mu Rwanda

Abateye Bugeshi ni FDLR - Lt Col Ngendahimana   

  Yanditswe na TWAGIRA WILSON
 17 April

 
 

Nyuma y’amakuru yakomeje gutangazwa mu bitangazamakuru ko igitero cy’abantu bitwaje intwaro bataramenyekana, mu ijoro ryo ku ya 16 Mata 2016, bateye sitasiyo ya polisi yo mu Karere ka Rubavu ndetse abo bagabye igitero umwe muri bo akahasiga ubuzima.

Umuvugizi wungirije wa Minisiteri y’Ingabo z’u Rwanda LT COL Rene Ngendahimana mu itangazo amaze gushyira ahagaragara yatangaje ko ari byo koko abagabye igitero ari abakekwa kuba ari abo mu mutwe wa FDLR binjiye ku butaka bw’u Rwanda bavuye muri Kongo bakagaba igitero kuri sitasiyo ya Polisi mu murenge wa Bugeshi mu mudugudu wa Kabumba mu karere ka Rubavu, icyakora ngo abashinzwe umutekano barimo Ingabo z’u Rwanda babasubije inyuma babasubiza muri Kongo, ubu umutekano w’ahari habereye ikibazo ukaba umeze neza zikaba zirimo kugenzura ako gace.

Itangazo rikomeza rigira riti “Ibindi kuri ayo makuru Minisiteri y’Ingabo iraza kubishyira ahagaragara’’.

JPEG - 145.8 kb
Igihe bamaze mu mashyamba ya Kongo zatumye batera bavuga i Lingala n’Igiswahile

Icyo gitero cyagabwe mu ijoro ryo ku wa 15 bishyira ku wa 16 Mata 2016 kuri Sitasiyo ya Polisi iri mu Karere ka Rubavu mu Murenge wa Bugeshi mu Kagari ka Kabumba.

Amakuru atangazwa n’abaturage bo mu Murenge wa Bugeshi, avuga ko bumvise urusaku rw’amasasu imirwano yamaze hafi isaha. Bivugwa kandi ko abateye baba bari hagati ya 20 na 30 bavugaga ururimi rw’i Lingala n’Igiswahili. Bivugwa ko Abateye ngo bashobora kuba bashakaga kwiba Umurenge SACCO wa Bugeshi, kuko bawurasheho.

Ku itariki ya 23 Werurwe mu Karere ka Rubavu, muri uyu Murenge wa Bugeshi, ingabo z’u Rwanda zaharasiye umusirikare wambaye imyambaro y’ingabo za Congo. Icyo gihe amakuru yatangajwe ni uko abasirikare binjiye ku butaka bw’u Rwanda ahagana saa sita z’ijoro bashotora ingabo z’u Rwanda bazirasa nazo zibarasaho zicamo umwe abandi batabashije kumenyekana umubare barakomereka.

Icyo gihe Umuyobozi w’Ingabo z’u Rwanda zikorera muri ako gace, Capt. Kalisa Edouard, yatangaje ko icyo gitero cyaturutse muri Repubulika Iharanira Demokarasi ya Congo hashingiwe ku iperereza ry’ibanze.

 

Comments

Who are you?
Your post
  • To create paragraphs, just leave blank lines.

 
 
Ubwiza bw’indege ya mbere nini yaraye itashye mu Rwanda (mu mafoto)
Ubwiza bw’indege ya mbere nini yaraye itashye mu Rwanda (mu mafoto)

Indege nshya yiswe ‘Umurage’ yaraye itashye mu Rwanda ku wa 1 Ukuboza 2016 igaragaza umwihariko mu miterere n’ubwiza bibereye amaso. Ikigo RwandAir cyakiriye iyi ndege ‘Airbus 330-300’ ifite (...)

Abapolisi 60 barangije bahuguwe ku buyobozi bwa sitasiyo za Polisi
Abapolisi 60 barangije bahuguwe ku buyobozi bwa sitasiyo za Polisi

Mu rwego rwo gukomeza kongerera ubumenyi abapolisi, ejo icyiciro cya kabiri cy’amahugurwa y’ubuyobozi bwa sitasiyo za Polisi cyarangijemo abapolisi 60 ku Ishuri rikuru rya Polisi (NPC) riri mu (...)

Kibeho: Ikibazo cy’amaresitora n’amacumbi kiracyari ingorabahizi
Kibeho: Ikibazo cy’amaresitora n’amacumbi kiracyari ingorabahizi

Mu gihe tariki 28 Ugushyingo buri mwaka hizihizwa umunsi w’ibonekerwa i Kibeho mu karere ka Nyaruguru, abaturuka hirya no hino baba bitabiriye uyu munsi mukuru, batangaza ko umutekano basanga mu (...)

U Rwanda rwasabye guhata ibibazo abasirikare 20 b’Abafaransa
U Rwanda rwasabye guhata ibibazo abasirikare 20 b’Abafaransa

Ubushinjacyaha bw’u Rwanda bwasabye Urukiko Rukuru rw’u Bufaransa ubufatanye mu gukurikirana abasirikare b’Abafaransa bakurikiranyweho uruhare bagize muri Jenoside yakorewe Abatutsi muri Mata 1994. (...)

Leta yishimira kuba ibiribwa byinshi mu bitunze Abanyarwanda babyihingira
Leta yishimira kuba ibiribwa byinshi mu bitunze Abanyarwanda babyihingira

Leta y’u Rwanda yagaragaje ko iterwa ishema no kuba ibiribwa byinshi bitunze abaturage biva muri bo, ibindi bikeya akaba ari byo biva mu mahanga. Mu nama mu nama nyungurabitekerezo ku isano iri (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.