Advertisement
 
 
 
 
 
 
 
 

Amakuru | Mu Rwanda

Abashinjacyaha basabwe guhangana n’ibyaha byazahaje abaturage   

  Yanditswe na MUTUNGIREHE SAMUEL
 April 2016

 
 

Minisitiri w’intebe Anastse Murekezi kuri uyu wa Kane yakiriye indahiro z’abashinjacyaha 5 ku rwego rw’ibanze abasaba kunoza akazi kabo bibanda ku byaha bisigaye bizengereza igihugu n’abaturage.

Abarahiye ni Mwizerwa Flora, Uwineza Margaret, Mukeshimana Jacqueline, Ingabire Liliane na Uwamahoro Chantal.

Minisitiri w’intebe yasabye abarahiye gukorana neza n’inzego zose, yibutsa urwego rw’ubutabera rubashinzwe ko hari amadosiye akomeye rugomba kwitaho nk’uko byasabwe mu mwiherero wa 13 uheruka w’abayobozi bakuru b’igihugu.

Yagarutse ku byaha bikwiye gushyirwamo ingufu bigashakirwa amategeko n’ibihano bikarishye birimo ibihungabanya umutekano w’igihugu n’ibibuza amahwemo abaturage muri rusange birimo ubujura no gufata ku ngufu; ibyaha byo kunyereza imitungo y’igihugu, ibyaha bya ruswa, ubujura bwazengereje abaturage hirya no hino, ibyaha bikorerwa ku ikoranabuhanga, n’ibindi .

JPEG - 293.5 kb
Mwizerwa Flora yavuze ko amategeko ari kuvugururwa azatuma bahashya ibyo byaha bisigaye bikabije (Foto James R)

Murekezo yavuze ko hari n’ibyaha bitarasobanuka kugeza ubu bitewe n’amategeko.

Ati “Abana b’insoresore bigira indakoreka, bagafata ku ngufu abana n’ abakecuru, ugasanga bariba bakajyanwa kuri polisi wawundi wibwe ngo nagemure; hashira iminsi 2 cya gisambobakakirekura kigasubira muri bya byaha. Bene abo bakajyiye mu buroko bajakora imirimo nsimburagifungo ibyo bakoze bikavamo agaciro kishyura wa wundi wibwe.”

Murekezi yavuze kandi ko bitumvikana uburyo mu Rwanda hari abigize indakoreka.

Ati“Ntitwakomeza kwihanganira ababangamira abanyamurava. Ibyo bituma abantu bararaa n’amatungo, hakava n’indwara zikomoka ku mwanda.”

Abashinjacyaha basabwe kwegera abaturage bakajya aho abantu bahuriye haba mu nsengero, mu nama, n’ahandi bakumva ibibazo n’ibyaha bibabangamiye bagakorana n’urwego rw’ubugenzacyaha bagashinja abanyabyaha abafite ibyaha bakabihanirwa .

 

Comments

 
 
Rubavu:Umusuwisi n’Umunyekongo bishimiye guhabwa ubwenegihugu bw’u Rwanda
Rubavu:Umusuwisi n’Umunyekongo bishimiye guhabwa ubwenegihugu bw’u Rwanda

Umuturage ukomoka mu gihugu cy’u Buswisi n’undi ukomoka mu gihugu cya Repubulika iharanira Demokarasi ya Congo, bashyikirijwe n’umuyobozi w’akarere ka Rubavu ibyemezo bibemerera kuba abenegihugu b’u (...)

Abapolisi b’u Rwanda 160 bagiye mu butumwa  muri Sudani y’Epfo
Abapolisi b’u Rwanda 160 bagiye mu butumwa muri Sudani y’Epfo

Itsinda ry’Abapolisi (FPU) b’u Rwanda 160 barimo abagore 26 bagiye mu butumwa bwo kubungabunga amahoro bw’Umuryango w’Abibumbye muri Sudani y’Epfo, mu gitondo cyo ku itariki ya 4 Mata. Basanzeyo (...)

RSSB iri kwiga ku kibazo cy’abafite mituweli boherezwa kugura imiti muri farumasi zigenga
RSSB iri kwiga ku kibazo cy’abafite mituweli boherezwa kugura imiti muri farumasi zigenga

Ubuyobozi bw’Ikigo cy’Ubwiteganyirize bw’abakozi (RSSB) ari nabwo bufite mituweli mu nshingano, buratangaza ko bugiye kuganira na Minisiteri y’Ubuzima ku kibazo bamwe mu banyamuryango bashinja (...)

Gasabo: Polisi yataye muri yombi agatsiko k’abajura
Gasabo: Polisi yataye muri yombi agatsiko k’abajura

Abantu bane bafungiye kuri sitasiyo ya Polisi ya Rusororo mu karere ka Gasabo bakurikiranweho ubufatanyacyaha mu bujura ndetse n’ubujura nyir’izina. Abo ni Muhoza Evariste w’imyaka 29 y’amavuko (...)

Imitwe ya politiki yabonye umuvugizi mushya
Imitwe ya politiki yabonye umuvugizi mushya

Abagize Ihuriro ry’igihugu nyunguranabitekerezo ry’imitwe ya politiki yemewe mu Rwanda (NFPO) batoye Mukakarangwa Clotilde uturuka mu Ishyaka Riharanira Demokarasi Ihuza Abanyarwanda (PDC), (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.