Advertisement
 
 
 
 
 
 
 
 

Amakuru | Mu Rwanda

Abarwanyi 5 ba FDLR bahungiye Ingabo za Congo mu Rwanda   

  Yanditswe na IYAREMYE YVES
 5 months ago

 
 

Abarwanyi ba FDLR batanu n’imiryango yabo igizwe n’abagera kuri 20 bahungiye mu Rwanda nyuma yo kugabwaho ibitero n’Ingabo za Repubulika Iharanira Demokarasi ya Congo (FARDC) bavuga ko muri Kongo batorohewe.

Aba barwanyi bavuga ko kubera ubukana bw’ibitero bagabweho na FARDC mu mashyamba aho baba babonye kuguma mu buzima bwaho bitaborohewe nta cyizere cyo gukomeza kubaho bari bafite bahitamo gutahana n’imiryango yabo.

Umwe muri aba barwanyi Sgt. Maj. Habamenshi Jean Claude yatangarije Imvaho Nshya ko nyuma yo kubona umuryango we ubayeho nabi mu buzima bw’ubuhunzi yabonye ntaho awuganisha afata umwanzuro wo kubacura mu Rwanda.

JPEG - 115.3 kb
Abari abarwanyi bigobotoye FDLR n’imiryango yabobagera kuri 20

Yagize ati “Tumaze iminsi tugabwaho ibitero n’ingabo za Congo ari nako batwicamo abatari bake n’abakomeretse buri wese akishakira ibisigisigi, mbona nta buzima burimo mfata umwanzuro wo gutahana amagara yanje n’umuryango wanjye.”

Yakomeje avuga ko yabaga mu gace kitwa Nyanzare muri Rutchuru ndetse ngo yasize intambara ari yose ku buryo ngo n’abatarataha ari uko babuze inzira bacamo.

Yakomeje agira ati “Nkurikije uko nakiriwe nkigera mu Rwanda ndabasaba ko nabo ubonye uko atoroka abayobozi yaza kuko ni amahoro; nta buzima bw’intambara mu rugamba utazatsinda.”

Nsanzimfura Ambroise undi wari umurwanyi ukomoka mu karere ka Rutsiro yavuze ko yatorotse agataha kuko nta cyizere cy’ubuzima bari bafite nyuma y’aho bahagurukiwe n’ingabo z’igihugu cya Kongo.

Ati “Twibwiraga ko dushigikiwe n’ingabo za FARDC ariko aho bahagurutse bakadutera byaduteye ubwoba tubona ko abayobozi bacu birirwa batubeshya ngo tuzatera dutsinde bashaka baza ababona uko baza.”

Kugeza ubu umutwe wa FDLR wacitsemo ibice bibiri aho kimwe cyagumye kuba FDLR ikindi kiba CNLD.

 

Comments

 
 
Uganda yagaruye abanyarwanda babiri bari barayihungiyemo batorotse gereza
Uganda yagaruye abanyarwanda babiri bari barayihungiyemo batorotse gereza

Polisi y’u Rwanda yashyikirijwe abagabo babiri bari barahungiye muri Uganda nyuma yo gutoroka gereza, ikaba yarabakiriye ku italiki ya 21 Gashyantare ku mupaka wa Gatuna. Abagaruwe ni (...)

Min. Kanimba  yasabye umunyamabanga wa EAC gushyira ingufu mu mavugurura
Min. Kanimba yasabye umunyamabanga wa EAC gushyira ingufu mu mavugurura

Minisitiri w’Ubucuruzi, Inganda n’Ibikorwa by’Umuryango w’Afurika y’Uburasirazuba, François Kanimba, yakiriye mu biro bye Umunyamabanga Mukuru w’Umuryango wa Afurika y’Uburasirazuba, EAC, Amb. Libérat (...)

Abahoze ari abajura muri Nyabugogo bashinze ihuriro
Abahoze ari abajura muri Nyabugogo bashinze ihuriro

Urubyiruko rugera ku 157 rwahoze rukora ibikorwa by’ubujura bitandukanye mu gace ka Nyabugogo mu Mujyi wa Kigali rwiyemeje kubireka, ubu rukaba rwarashyizeho ihuriro ryabo ryitwa” Hinduka uhindure (...)

Polisi y’u Rwanda yafatiye ibiyobyabwenge na magendu mu mikwabu
Polisi y’u Rwanda yafatiye ibiyobyabwenge na magendu mu mikwabu

Imikwabu Polisi y’u Rwanda yakoze mu mpera z’icyumweru gishize mu turere twa Huye, Kirehe, Gicumbi na Nyanza yayifatiyemo ibiyobyabwenge by’ubwoko butandukanye na magendu. Uwitwa Ntirenganya Jean (...)

Abatwara imodoka zijyana  abana ku ishuri  baravugwaho kubatendeka
Abatwara imodoka zijyana abana ku ishuri baravugwaho kubatendeka

Ishami rya Polisi y’u Rwanda rishinzwe umutekano wo mu muhanda rirasaba abatwara ibinyabiziga bijyana cyangwa bivana abana b’abanyeshuri ku mashuri yabo, kubahiriza amategeko y’umuhanda kuko hari (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.