2017-11-23 18:23:19 clouds 27o High | Kigali Rwanda

Dukurikire:
 
 

Abapolisi bo mu bihugu 9 bashimye uko Abanyarwanda bagira uruhare mu bibakorerwa

Yanditswe na IMVAHO NSHYA

Kuya 2017-05-11 14:39:05

 
Share on:
 
Yasuwe:82
 
Yavuzweho:200
 
10
 
10

Abofisiye bakuru biga mu ishuri rikuru rya Polisi i Musanze baturutse mu bihugu 9, basuye intara y’Uburasirazuba basobanurirwa imibereho n’imikorere y’intara y’Uburasirazuba.

Bimwe mu byo aba banyeshuri bamurikiwe harimo ibigendanye n’ubuhinzi n’ubworozi, imiyoborere myiza, umutekano n’uruhare rw’abaturage muri gahunda zibagenerwa.

Umuyobozi w’intara y’Uburasirazuba Kazaire Judith, aganira nabo yagize ati “Kuri ubu twishimira ko igihugu cyacu gifite ubuyobozi bwiza bufite icyerekezo gituma hashyirwaho amategeko n’ibyangombwa byose byafasha mu guhindura igihugu, iri hinduka rikagera ku baturage, twe twirirwana n’abaturage dukorana na bo umunsi k’umunsi turi abahamya b’uburyo izi mpinduka zigera ku baturage.

JPEG - 98.4 kb
Bamwe mu bofisiye bari kwiga mu ishuri rikuru rya Polisi riri iMusanze ubwo bari basuye intara y’Uburasirazuba

Imwe mu nkingi ya mwamba dufite ni ukwegereza ubuyobozi abaturage, wenda aho mwari muri mwabiganiriyeho, ariko icyo nabivugaho ubu ni uburyo bituma buri muturage wese agira uruhare mu bimukorerwa kandi nawe akabifataho umwanzuro.”

Umuyobozi w’intara kandi yasobanuriye aba banyeshuri imiterere y’inzego uko zubatse, kuva ku rwego rw’Umudugudu kugera kuri Perezida wa Repubulika, abasobanurira akamaro k’inzego z’ibanze ndetse n’uruhare rugirwa n’inzego z’ibanze mu gushyira mu bikorwa gahunda za Leta ziba zatekerejwe mu rwego rw’igihugu, bigasaba ko zimanuka zikagezwa ku baturage.

Yanaberetse uko izi gahunda zigera ku muturage ku buryo bworoshye kandi bwihuse, kuko abayobozi babo babibagezaho ari abantu biyiziye kandi biyumvamo.

Umwe mu bofisiye bakuru waturutse mu gihugu cya Kenya yagize amatsiko yo kumenya uburyo umutekano ucungwa ku rwego rwo hasi n’uburyo izi nzego zikora agereranyije na gahunda iwabo bafite nayo bigiye ku gihugu cya Tanzaniya bita Nyumbakumi, iyi gahunda ikaba yarashyizweho mu rwego rwo kurushaho kumenyana hagati y’abaturage ndetse no kurushaho kwicungira umutekano, ndetse bakagira igitabo bandikamo umuntu mushya uraye mu rwego rwo kwirinda ibikorwa by’iterabwoba.

Guverineri Kazaire yasobanuye ko mu Rwanda hari gahunda nyinshi zafashwe mu rwego rwo kwicungira umutekano, harimo ubufatanye bwa Polisi n’abaturage bizwi nka Community Policing, harimo amarondo y’umwuga akorwa ku manywa na nijoro yishyiriweho n’abaturage akaba ayoborwa n’Umukuru w’umudugudu, mu rwego kugenzura abinjira n’abasohoka, mu mudugudu naho hari ikaye y’umudugudu ifasha kumenya abantu bashya baraye muri uwo mudugudu.

Aba bofisiye bakuru biga mu ishuri rikuru rya Polisi bari mu rugendoshuri rwo kumenya uburyo imiyoborere mu Rwanda ikorwa, bakaba bagiye kwigira mu ntara y’Uburasirazuba, aho bashimye cyane uko abaturage bahabwa umwanya wo kugira uruhare mu bibakorerwa.Aya masomo bakorera i Musanze amara umwaka.

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE