2017-09-21 09:07:12 clouds 27o High | Kigali Rwanda

Dukurikire:
 
 

Abanyeshuri b’Abanyamerika bashimye uko Perezida Kagame ayoboye

Yanditswe na IMVAHO NSHYA

Kuya 2017-06-24 04:49:45

 
Share on:
 
Yasuwe:147
 
Yavuzweho:200
 
10
 
10

Abanyeshuri baturutse mu ishuri rya Sidwell Friends muri Leta Zunze Ubumwe z’Amerika (USA), basuye u Rwanda batangaza ko bashimye uko Perezida Kagame ruyoboye, ndetse n’icyizere afitiwe haba mu gihugu no muri Afurika.

Aba banyeshuri uko ari 16 baturutse muri Leta ya Washington DC, bari mu Rwanda mu rugendoshuri rw’umwaka rwo kwiga isomo ryerekeranye n’umugabane w’Afurika.

Bavuga ko baje kwirebera ibitangaza Perezida Paul Kagame n’Abanyarwanda bagezeho nyuma y’ibihe bitoroshye bya Jenoside yakorewe Abatutsi mu 1994.

Bashimye imiyoborere y’u Rwanda, cyane umwihariko wo kugira gahunda zo kwishakamo ibisubizo n’uruhare rw’imiyoborere mu nzira y’iterambere.

JPEG - 156.7 kb
Prof Shyaka Anastase ari kumwe n’abanyeshuri baturutse muri Amerika baje kwigira k’u Rwanda na Perezida Paul Kagame (Foto RGB)

Nyuma yo kwakirwa n’Umuyobozi Mukuru w’Urwego rw’Igihugu rw’Imiyoborere Prof. Shyaka Anastase, mwarimu w’aba banyeshuri Shields Sundberg yavuze ko bishimiye cyane uburyo imiyoborere y’u Rwanda yubakanye ubupfura mu guha ijambo umuturage akagira uruhare mu bimukorerwa.

Ati “Turi hano kwigira ku Rwanda, ku rwego RGB no kuri Perezida Kagame n’uburyo bwiza bw’imiyoborere yubatse muri iki gihugu, kuko aha ni ho nakwita umubyeyi w’ibihugu by’Afurika kandi tubikuye ku mutima no mu mutwe twishimiye gutembera mu Rwanda no kuhigira. Isomo ryiza ni uko umuntu wese uko ari, afite agaciro, yaba muto, akuze, umugore cyangwa umugabo; uwo mu cyaro cyangwa uwo mu mujyi, ndumva ari cyo kintu cya mbere nabonye hano u Rwanda. Ikindi ni uko nabonye ibintu byose bishoboka.”

Rama Samborac, umwe muri abo banyeshuri, yavuze ko yize uburyo u Rwanda rwihariye n’uburyo umuntu uri mu muryango nyarwanda agira amahirwe angana na mugenzi we mu gutera imbere.

Ati “Nishimiye umwihariko w’uburyo ihame ry’uburinganire ryubatse, rifasha buri wese hatarebewe ku bukungu afite cyangwa ku myaka.”

Mugenzi we Chiara d’Andrea yavuze ko yishimiye uburyo ibyo u Rwanda rwagezeho biha icyizere abaturage barwo n’ubuyobozi bwabo.

Bishimye kandi uburyo Perezida Paul Kagame afitiwe icyizere n’amahanga kimwe n’ibihugu byo ku mugabane w’Afurika bigatuma bimusaba ubufasha mu kugaragaza uburyo ubumwe bw’Afurika bwagerwaho nk’uko yabashije kunga Abanyarwanda nyuma ya Jenoside yakorewe Abatutsi mu 1994.

Prof. Shyaka Anastase, Umuyobozi Mukuru wa RGB, yabasobanuriye imiyoborere y’u Rwanda na gahunda zo kwishakamo ibisubizo biturutse mu banyarwanda n’ubuyobozi bwiza bwabo nyuma y’amateka ya Jenoside yakorewe Abatutsi mu 1994, yasenye byinshi birimo n’inzego z’igihugu.

Yaberetse uburyo urwego ayoboye, RGB, rufasha Leta kubaka ubuyobozi buha umuturage ijambo ryo kugira uruhare mu buryo ayobowe, abasobanurira n’uburyo rugira uruhare mu kubaka gahunda yo kwishakamo ibisubizo hamwe no gufatanya n’imiryango itegamiye kuri Leta, amadini, abaterankunga na sosiyete sivile mu iterambere ry’umuturage.

MUTUNGIREHE SAMUEL

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE