Advertisement
 
 
 
 
 
 
 
 

Amakuru | Mu Rwanda

Abanyarwandakazi batanzweho urugero rw’ubushobozi bw’umugore w’Afurika   

  Yanditswe na RUBIBI OLIVIER
 July 2016

 
 

Abanyarwandakazi 64% bagize Inteko ishinga amategeko, Umuyobozi w’Umujyi wa Kigali n’abandi bagore bari mu nzego z’ubuyobozi mu Rwanda batanzweho urugero rw’uko umugore wa Afurika ashoboye nk’umugabo.

Mu kiganiro n’abanyamakuru Mahawa Kaba Wheeler ushinzwe uburinganire bw’Umugore n’iterambere mu muryango w’Ubumwe bwa Afurika (AU) yavuze ko umugore w’Afurika ashoboye ku kigero kimwe n’Umugabo.

Ubwo yari abajijwe icyo Umuryango w’Ubumwe bwa Afurika (AU) ukora mu rwego rwo kuzamura umugore wasigajwe inyuma, Mahawa Kaba Wheeler yavuze ko Umuryango w’Afurika yunze Ubumwe ukora ibishoboka byose ngo umugore w’Afurika akomeze kugira uburenganzira bungana n’ubw’umugabo ariko avuga ko batakoze igikwiye ngo amakuru n’ibikorwa bijyanye no guteza imbere umugore bimenyekane.

Mahawa Kaba Wheeler yagize ati “ Ntabwo nakwihandagaza ngo mvuge ko uburinganire bw’umwari n’umutegarugori bwagezweho 100% muri Afurika ariko turakora ibishoboka byose ngo umugore muri Afurika agire ijambo nk’uko Abanyarwanda bagenzi bacu bamaze kubigeraho.”

JPEG - 326.2 kb
Mahawa Kaba Wheeler ushinzwe uburinganire bw’Umugore n’iterambere muri AU

Mahawa Kaba Wheeler yakomeje avuga ko hari urwego umugore muri Afurika yavuyeho hari naho ageze. Yagize ati “ Urugero nko mu Rwanda abagore bagize 64% bagize Inteko ishinga amategeko y’u Rwanda, Perezidante w’Inteko ishinga amategeko umutwe w’abadepite mu Rwanda ni umugore, Minisitiri w’Ububanyi n’amahanga, Umuyobozi w’Umujyi wa Kigali ni umugore kandi ukiri muto ibi byose n’ingero zigaragaza ko umugore w’Afurika ashoboye ku kigero nk’icy’umugabo.”

Imigani igaragaza umugore nkaho adashoboye ikwiye kurwanywa...

Mahawa Kaba Wheeler ushinzwe uburinganire bw’Umugore n’iterambere mu muryango w’bumwe bwa Afurika (AU) yavuze ko iyi migani yakoreshwaga abantu batarajijuka ngo bamenye ko umugore ashoboye ndetse byose ngo biterwa n’imyumvire ya bamwe ikiri hasi. Kugira ngo ibi bishire ngo birasaba kwigisha buhoro buhoro ngo abantu bazagenda babona ko abagore bashoboye nk’abagabo.

Mahawa Kaba Wheeler yagarutse ku ijambo rya Dr. Nkosazana Dlamini-Zuma yavuze ubwo Perezida Kagame yahabwaga igihembo kubera kuba indashyikirwa mu guharanira uburinganire aho yavuze ko ahagaragaye umugabo ushoboye hashobora no kuboneka umugore ushoboye.

U Rwanda ni cyo gihugu cya mbere ku isi gifite abagore benshi bari mu nzego z’ubuyobozi zifata ibyemezo ndetse itegeko nshinga ry’u Rwanda riteganya ko mu nzego z’ubuyobozi zifata ibyemezo nibura 30% bagomba kuba ari abagore.

 

Comments

pre-moderation

Igitekerezo cyanyu kiragaragara kimaze gusumwa n'umwanditsi mukuru wa Imvaho Nshya

Izina Ryanyu
IGITEKEREZO

 
 
Minisitiri Gen. Kabarebe yakiriye  Ambasaderi w’u Bubiligi mu Rwanda
Minisitiri Gen. Kabarebe yakiriye Ambasaderi w’u Bubiligi mu Rwanda

Ambasaderi w’u Bubiligi mu Rwanda, Arnout Pauwels ari kumwe n’Umujyanama wa Ambasade mu bya gisirikare mu Rwanda, Lt Col Alain Lambert, bakiriwe na Minisitiri w’Ingabo z’u Rwanda, Gen James Kabarebe (...)

Ahabereye ibikorwa by’ubutwari hagiye gushyirwa ibimenyetso
Ahabereye ibikorwa by’ubutwari hagiye gushyirwa ibimenyetso

Minisiteri y’Umuco na Siporo, ivuga ko ahabereye ibikorwa by’ubutwari hagiye gushyirwa ibimenyetso biharanga, kugira ngo amateka y’aho ahabwe agaciro n’Abanyarwanda. Mu kiganiro n’abanyamakuru (...)

Abana icyenda bigiye muri gereza bakoze ibizamini bya Leta batsinda neza
Abana icyenda bigiye muri gereza bakoze ibizamini bya Leta batsinda neza

Urwego rw’igihugu rushinzwe imfungwa n’abagororwa (RCS) rurishimira ko ku nshuro ya mbere abana bafungiye muri gereza y’abana ya Nyagatare bakoze ibizamini bya Leta bisoza amashuri abanza n’icyiciro (...)

Kicukiro: Umunyeshuri yafatanwe kashe 39 z’impimbano
Kicukiro: Umunyeshuri yafatanwe kashe 39 z’impimbano

Polisi y’u Rwanda ikorera mu karere ka Kicukiro yafatanywe kashe 39 zitandukanye umunyeshuri witwa Tuyishime Bernard wiga ibijyanye no gukora amazi mu Ishuri ry’Ubumenyingiro IPRC-Kicukiro. Izi (...)

Bamwe mu babyeyi bagaragaje ibanga ryatuma abana batsinda ibizamini bya Leta
Bamwe mu babyeyi bagaragaje ibanga ryatuma abana batsinda ibizamini bya Leta

Ku wa mbere ushize nibwo ikigo cy’igihugu cy’uburezi REB, cyamuritse amanota y’ibizamini bya Leta by’amashuri abanza ndetse n’icyiciro cya mbere cy’ayisumbuye. Abanyeshuri bakoze ibizami bisoza (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.