2017-12-11 14:03:29 clouds 27o High | Kigali Rwanda

Dukurikire:
 
 

Abanyarwanda bigire ubumwe ku ntwari z’Imena- Dr Habumuremyi

Yanditswe na IMVAHO NSHYA

Kuya 2017-03-20 05:15:02

 
Share on:
 
Yasuwe:420
 
Yavuzweho:200
 
10
 
10

Umuyobozi mukuru w’Urwego rw’igihugu rushinzwe intwari z’igihugu, imidali n’impeta by’ishimwe (CHENO), Dr Pierre Damien Habumuremyi yasabye buri munyarwanda gufatira urugero ku ntwari z’igihugu by’umwihariko ku butwari bw’abana b’i Nyange mu guharanira ubumwe.

Ibi Dr. Habumuremyi yabisabye Abanyarwanda ku ya 19 Werurwe 2017, ubwo hibukwaga ku nshuro ya 20 ubutwari bw’abana b’i Nyange bari mu cyiciro cy’intwari z’Imena.

Yagize ati “Ndakangurira mwe mwitabiriye uyu muhango n’Abanyarwanda muri rusange gufatira urugero ku ntwari z’igihugu, by’umwihariko abanyeshuri b’i Nyange mu bikorwa byose mukora bitandukanye.”

JPEG - 306.7 kb
Dr. Pierre Damien Habumuremyi ashyira indabo ku gicumbi cy’intwari z’imena zishyinguye mu rwibutso ruri mu ishuri ryisumbuye rya Nyange

Dr Habumuremyi yavuze ko bahisemo kwibuka ubutwari n’ubumwe bw’abana b’i Nyange kuri uwo munsi kuko ibyo bakoze byo kwanga kwitandukanya hakurikijwe amoko babisabwe n’abacengezi bakanabarasamo bakica bamwe ngo batere abandi ubwoba babikore, babikoze bakiri bato bikaba bigomba guhererekanywa.

Ati “Ni byiza ko igikorwa cyakozwe n’urubyiruko tugomba kugiha agaciro gakomeye, nk’uko twabihaye agaciro ni uburyo bwo kwigisha urundi rubyiruko kugira ngo rutere ikirenge mu gikorwa urundi rubyiruko rwakoze.

Nubwo ari kimwe n’izindi ntwari, bafite umwihariko, cyane ko dufite intwari zikiriho n’abandi batakiriho ariko kuba bakiriho na byo biraduha indi ntambwe ikomeye ngo batange n’ubuhamya kuko usanga bifite agaciro gakomeye mu kubaka umuryango nyarwanda, ubumwe n’ubwiyunge urubyiruko rwacu rukomeze kwigiraho.”

Perezida w’Ihuriro ry’Intwari z’Imena zikiriho n’abo mu miryango yabo “Asosiyasiyo Komeza Ubutwari”, Sindayiheba Fanuel yavuze ko bari 47. Muri bo 7 bazize ibitero byagabwe n’abacengezi ku banyeshuri bigaga mu ishuri ryisumbuye rya Nyange mu mwaka wa Gatanu n’uwa Gatandatu ku mugoroba wo ku itariki ya 18 Werurwe 1997 hasigaye 40 babashije kwiyubaka babifashijwemo n’ubufasha bwa Leta.

Yavuze ko ubutwari bwabaranze butavuye ku busa kuko bari bazi neza ko bashobora no kubizira nk’uko hari bamwe muri bo bibuka bahasize ubuzima.

Ati “Ubutwari ni igikorwa cyo kwitangira abandi, udashobora no kwishyuza ngo uvuge ngo uyu munsi nabaye intwari nakoze igikorwa iki n’iki none nimubimpembere.”

Intwari Nduwera Angelique wakomerekeye muri icyo gitero kigeze mu bigaga mu wa 6, yavuze ko ubutwari babukuye ahanini ku mateka ya Jenoside yakorewe Abatutsi mu 1994 bari bamaze imyaka 3 babonye, kandi amagambo yo kwitandukanya abacengezi bakoreshaga ntawari kuyubakiraho akora ibyo babategekaga.

Intwari z’Imena zasigaye zivuga ko nta makuru ku bagabye ibyo bitero, bakaba bifuza ko ababikoze nubwo ntawe uramenyekana batera intambwe bakagana inzira ya “Ndi Umunyarwanda” bakabasha kwiyunga.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE