Advertisement
 
 
 
 
 
 
 
 

Amakuru | Mu Rwanda

Abanyarwanda bashimiwe uko bitwaye mu gihe cy’Inama ya AU   

  Yanditswe na IMVAHO NSHYA
 July 2016

 
 

Polisi y’u Rwanda irashimira abafatanyabikorwa bose bagize uruhare mu kubungabunga umutekano mu gihugu hose cyane cyane uw’inama ya 27 y’Umuryango w’Ubumwe bwa Afurika (AU Summit) yabaye guhera tariki 10 kugeza ku ya 18 Nyakanga 2016 igasoza nta nkimyi kandi no mu gihugu hose umutekano ukaba wari umeze neza.

Mu itangazo Polisi yashyize ahagaragagara yagaragaje ko kugira ngo iyi nama yahuzaga abahagarariye ibihugu bigize Umuryango w’Ubumwe bwa Afurika n’abandi bari batumuwe nk’indorerezi, byasabaga ingufu z’abafatanyabikorwa n’inzego z’umutekano zose mu gihugu.

Na none kandi uruhare rw’abaturage rwari rukenewe mu guhanahana amakuru ngo muri iki gihe hagaragare umutekano.

Umuvugizi wa Polisi y’u Rwanda, ACP Twahirwa Celestin yatangaje ko ubwo inama yabaga, abatuye mu Mujyi wa Kigali, abafatanyabikorwa mu bijyanye n’umutekano n’ubuyobozi bw’inzego z’ibanze bagize uruhare rugaragara mu kugira ngo iyo nama ibe mu mutekano usesuye.

Yakomeje agira ati “Abakoresha umuhanda, cyane cyane abatwara ibinyabiziga bakurikije inama bagiriwe ku mikoreshereze yawo, kandi uwakeneraga kumenya amakuru arambuye ku ikoreshwa ry’imihanda yahabwaga ibisobanuro, ibyo bikaba byaratumye ikoreshwa neza. Uyu muco ukomeje kuranga umuryango nyarwanda utanga icyizere ko n’izindi nama mpuzamahanga zizakorwa mu mutekano usesuye.”

Polisi y’u Rwanda itangaje ibi mu gihe na Perezida wa Komisiyo ya AU, Dr. Dlamini Zuma ashimye bikomeye Guverinoma y’u Rwanda n’Abanyarwanda muri rusange kuba barateguye neza iyi nama.

Yagize ati “Iyi nama ni iya mbere igenze neza mu zabaye zose, tugomba gukomeza muri uwo murongo, duharanira kugera ku byiza byinshi.”

Abakuru b’ibihugu ndetse n’abandi banyacubahiro bitabiriye iyi mama bagiye birahira imitegurire yayo ndetse n’uburyo u Rwanda rugaragaza iterambere mu nzego zitandukanye harimo n’iry’umujyi wa Kigali.

Iyi nama yitabiriwe n’abakuru b’ibihugu bagera kuri 31 n’abandi bahagarariye guverinoma zabo yibanze cyane ku burenganzira bwa muntu cyane cyane ubw’umugore. Yanagarutse kandi ku bibazo by’umutekano muke wabaye karande muri bimwe mu bihugu bya Afurika.

 

Comments

 
 
  Itangazamakuru ryasabwe gufata iya mbere mu kurinda abangavu gutwara inda zitateguwe
Itangazamakuru ryasabwe gufata iya mbere mu kurinda abangavu gutwara inda zitateguwe

Umuryango nyarwanda ugamije guteza imbere ubuzima, HDI, urasaba ko itangazamakuru gufasha abanyarwanda guhindura imyumvire no gukuraho imbogamizi ababyeyi bahura na zo mu kuganiriza abana babo (...)

Uganda yagaruye abanyarwanda babiri bari barayihungiyemo batorotse gereza
Uganda yagaruye abanyarwanda babiri bari barayihungiyemo batorotse gereza

Polisi y’u Rwanda yashyikirijwe abagabo babiri bari barahungiye muri Uganda nyuma yo gutoroka gereza, ikaba yarabakiriye ku italiki ya 21 Gashyantare ku mupaka wa Gatuna. Abagaruwe ni (...)

Min. Kanimba  yasabye umunyamabanga wa EAC gushyira ingufu mu mavugurura
Min. Kanimba yasabye umunyamabanga wa EAC gushyira ingufu mu mavugurura

Minisitiri w’Ubucuruzi, Inganda n’Ibikorwa by’Umuryango w’Afurika y’Uburasirazuba, François Kanimba, yakiriye mu biro bye Umunyamabanga Mukuru w’Umuryango wa Afurika y’Uburasirazuba, EAC, Amb. Libérat (...)

Abahoze ari abajura muri Nyabugogo bashinze ihuriro
Abahoze ari abajura muri Nyabugogo bashinze ihuriro

Urubyiruko rugera ku 157 rwahoze rukora ibikorwa by’ubujura bitandukanye mu gace ka Nyabugogo mu Mujyi wa Kigali rwiyemeje kubireka, ubu rukaba rwarashyizeho ihuriro ryabo ryitwa” Hinduka uhindure (...)

Polisi y’u Rwanda yafatiye ibiyobyabwenge na magendu mu mikwabu
Polisi y’u Rwanda yafatiye ibiyobyabwenge na magendu mu mikwabu

Imikwabu Polisi y’u Rwanda yakoze mu mpera z’icyumweru gishize mu turere twa Huye, Kirehe, Gicumbi na Nyanza yayifatiyemo ibiyobyabwenge by’ubwoko butandukanye na magendu. Uwitwa Ntirenganya Jean (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.