Advertisement
 
 
 
 
 
 
 
 

Amakuru | Mu Rwanda

Mu Rwanda bakunda kuganira ku ihohoterwa, ryabakorerwa bakaruma gihwa   

  Yanditswe na NTAWITONDA JEAN CLAUDE
 August 2016

 
 

Handicap International iratangaza ko mu gihe Abanyarwanda benshi baba bafite ibyo bavuga ku ihohoterwa ry’uburyo bwose usanga abahohotewe bananirwa kurivuga ari na byo bituma bikigorana ko ricika.

Inyigo yakozwe n’uyu muryango mu ntara y’Uburengerazuba yagaragaje ko kubera imyumvire ishingiye ku buryo bamwe mu bantu bafatwa mu miryango ndetse n’ishingiye ku muco hari aho ihohoterwa rikorwa ariko abantu bagatinya kurigaragaza atari uko bariyobewe.

Umukozi wa Handicap International, ushinzwe ibikorwa by’ubuvugizi n’ubukangurambaga mu mushinga wo kurwanya ihohoterwa rishingiye ku gitsina Nyirabageni Nicole, yashimangiye ko mu byo babonye ari uko nta munyarwanda utazi ko ihohoterwa rishingiye ku gitsina, iriterwa n’amakimbirane mu miryango ndetse n’irikorerwa abafite intege nke, ariko boroherwa no kuriganiraho kurusha kurivuga barikorewe.

Yagize ati “Kuvugira mu ruhame biroroshye ariko iyo ikibazo kiriho biragorana kwifungura. Abanyarwanda bakunda guhisha ibanga, ariko tugerageza kubumvisha ko iyo ari ribi rigomba gusohoka.”

JPEG - 79.2 kb
Karangwa Charles arasaba Abanyarwanda guhindura imyumvire bakumva ko ihohoterwa rigomba guhanwa n’amategeko

Karangwa Charles ukuriye uyu mushinga yongeyeho ko icyo abanyarwanda bakeneye ari ihinduramyumvire ku ihohoterwa bimwe byo guhisha ibanga byafatwaga nka kirazira bigakosoka.

Yatanze urugero rw’inyigo yakozwe mu baturage ku bijyanye n’ihohoterwa rishingiye ku gitsina aho abaturage babazwaga icyakorerwa umugabo wafashe umukobwa uri mu myaka y’ubukure hagati yo kumumushyingira no kugukurikiranwa n’amategeko, aho abaturage benshi bagiye bahitamo kumumushyingira bikaba bigaragaza imyumvire ikiri hari.

Yakomeje avuga ko umushinga wabo umaze gufasha Abanyarwanda benshi mu turere dutatu Rubavu, Gasabo na Rutsiro bari mu byiciro byibasirwa n’ihohoterwa kubasha kwiyakira no kumenyera kuvuga.

Abo barimo abakobwa babyariye iwabo, imiryango ihora mu makimbirane, abakora uburaya, abafite ubumuga ndetse n’abana muri rusange.

 

Comments

 
 
 Arkiepiskopi wo muri Pologne yagizwe intumwa ya Papa mu Rwanda
Arkiepiskopi wo muri Pologne yagizwe intumwa ya Papa mu Rwanda

Arkiepiskopi wa diyosezi ya Lauriaco muri Pologne , Musenyeri Andrzej Jowzowicz, yagizwe intumwa y’umushumba wa Kiliziya Gatolika, Papa Francis mu Rwanda kuri uyu wa 18 Werurwe 2017. Jozwowicz (...)

U Buyapani bwahaye UNICEF Rwanda amadolari 636 000  yo kwita ku bana b’Abarundi
U Buyapani bwahaye UNICEF Rwanda amadolari 636 000 yo kwita ku bana b’Abarundi

Guverinoma y’u Buyapani yahaye UNICEF Rwanda amadolari ya Amerika 636 000 yo gufasha abana b’impunzi z’Abarundi bari mu Rwanda mu nkambi ya Mahama kugira ngo bafashwe mu myigire n’ubuzima rusange. (...)

REB ikomeje kuvumbura amakosa mu micungire y’abarimu hirya no hino mu gihugu
REB ikomeje kuvumbura amakosa mu micungire y’abarimu hirya no hino mu gihugu

Ubuyobozi bw’Ikigo cy’Igihugu gishinzwe Uburezi, buratangaza ko bukomeje kubona amakosa mu micungire y’abarimu mu turere dutandukanye tw’u Rwanda. Ni nyuma y’uko mu karere ka Nyagatare hagaragaye (...)

Polisi yafashe batandatu bacuruza ibiyobyabwenge mu turere dutandukanye
Polisi yafashe batandatu bacuruza ibiyobyabwenge mu turere dutandukanye

Mu gihe Polisi y’u Rwanda ikomeje imikwabu yo gufata no guhana abacuruza n’abinjiza ibiyobyabwenge mu Rwanda, kuri uyu wa mbere tariki ya 13 Werurwe yafashe abantu 6, ibafatira mu turere twa (...)

 Abaturage barasabwa kugana inzu zitanga ubufasha mu by’amategeko
Abaturage barasabwa kugana inzu zitanga ubufasha mu by’amategeko

Yankurije Odette, Umuyobozi mukuru muri Minisiteri y’Ubutabera ushinzwe kwegereza abaturage ubutabera, asaba abaturage kujya bagana ibiro bitanga ubufasha mu by’amategeko haba mu gihe gisanzwe no (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.