Advertisement
 
 
 
 
 
 
 
 

Amakuru | Mu Rwanda

Abanyarwanda 64% babona hari ibibura mu mategeko bagenderaho   

  Yanditswe na NIYONSENGA SCHADRACK
 August 2016

 
 

Ubushakashatsi bwakozwe na Komisiyo y’Igihugu ishinzwe ivugururwa ry’amategeko (RLRC) bugamije kureba uko Abanyarwanda babona amategeko abagenga bwagaragaje ko abagera kuri 64% basanga ibyo amategeko yo mu Rwanda abura bingana n’ibyo afite, mu gihe 36% bo babona amategeko ari ntamakemwa.

Bikesha Denis umunyamategeko wayoboye ubushakashatsi avuga ko babajije abaturage uko babona amategeko y’u Rwanda, ndetse banababaza niba bazi ayo mategeko, icyakora ngo abenshi bavuze ko amategeko baba batayazi bitewe n’uko no kuyabona bikiri imbogamizi kuko bisaba kujya kuyagura kwa Minisitiri w’Intebe.

Bikesha yagize ati “Uko bumva amategeko y’u Rwanda mu bice bitandukanye batubwira ko iyo urebye uburyo amategeko akozwe, uburyo agezwa ku baturage, ndetse n’uburyo asubiza ibibazo byabo maze 64% batangaza ko ari ku kigero kiringaniye, ni ukuvuga ko ari kuri 50%; twabajije abantu bagera kuri 236 ariko ni abantu bafite aho bahurira n’abaturage mu by’amategeko.”

Nubwo aba bashakashatsi bavuga ko amategeko yose afite inzitizi nyinshi zikwiye gukosorwa kugira ngo abo areba bayubahirize ndetse banayamenye, Me Uwizeyimana Evode Umuyobozi wungirije muri RLRC avuga ko kumenya uko abaturage babona amategeko bidakwiye guhabwa agaciro cyane kuko abica mategeko badashobora kuyabona neza.

JPEG - 193 kb
Maitre Uwizeyimana Evode, Umuyobozi wungirije wa Komisiyo y’igihugu ishinzwe ivugururwa ry’amategeko (Foto Niyonsenga S)

Me Uwizeyimana Evode yagize ati “N’abajura bashobora kuvuga bati twe tubona amategeko ahana ibyaha yavaho, icyari kigamijwe ni ukumenya ngo abaturage bayabona gute amategeko abakorerwa, abagenga cyangwa se bagomba kubahiriza. Ariko uko abaturage babona amategeko bitandukanye n’ukuri (realities), kuko mwabonye ko abaturage bafite ibyiza n’ibibi babona cyane nko ku mategeko agenga imisoro kandi twese tuzi ko umusoro ari ngombwa, igisambo nacyo gishobora kuvuga ko kibona mategeko ahana atari ngombwa kuko kizi ko kigomba kwiba.”

Me Uwizeyimana avuga ko umumaro w’ubu bushakashatsi ari ugufasha komisiyo ayoboye kumenya niba amategeko ashyirwaho akenewe cyangwa hari ivugururwa akeneye . Ubu bushakashatsi ngo bwari bugamije kubereka aho abaturage babona ikibazo kugira ngo Komisiyo ibone kucyigaho.

Me asanga hakenewe ivugurura mu myumvire bikanajyana no kwerekana abarebwa n’itegeko cyane cyane abanyamahanga bakamenya amategeko abagenga iyo bari mu Rwanda; ati “Umuturage arakubaza ati ese iryo tegeko riri hehe? Ayo mategeko umuntu ayabona hehe? Njyewe ntabwo naba ntaguze urwagwa cyangwa umunyu ngo njye kugura ibyo bitabo (Igazeti), biterwa n’icyo umuntu akunda.”

Ubu bushakashatsi bwakozwe na RLRC ibinyujije mu kigo cyitwa ADEC gisanzwe gikora ubushakashatsi bwakorewe mu turere 10 two mu ntara zitandukanye zigize u Rwanda hamwe n’ibigo byigenga bifite aho bihurira n’amategeko.

 

Comments

 
 
Rubavu:Umusuwisi n’Umunyekongo bishimiye guhabwa ubwenegihugu bw’u Rwanda
Rubavu:Umusuwisi n’Umunyekongo bishimiye guhabwa ubwenegihugu bw’u Rwanda

Umuturage ukomoka mu gihugu cy’u Buswisi n’undi ukomoka mu gihugu cya Repubulika iharanira Demokarasi ya Congo, bashyikirijwe n’umuyobozi w’akarere ka Rubavu ibyemezo bibemerera kuba abenegihugu b’u (...)

Abapolisi b’u Rwanda 160 bagiye mu butumwa  muri Sudani y’Epfo
Abapolisi b’u Rwanda 160 bagiye mu butumwa muri Sudani y’Epfo

Itsinda ry’Abapolisi (FPU) b’u Rwanda 160 barimo abagore 26 bagiye mu butumwa bwo kubungabunga amahoro bw’Umuryango w’Abibumbye muri Sudani y’Epfo, mu gitondo cyo ku itariki ya 4 Mata. Basanzeyo (...)

RSSB iri kwiga ku kibazo cy’abafite mituweli boherezwa kugura imiti muri farumasi zigenga
RSSB iri kwiga ku kibazo cy’abafite mituweli boherezwa kugura imiti muri farumasi zigenga

Ubuyobozi bw’Ikigo cy’Ubwiteganyirize bw’abakozi (RSSB) ari nabwo bufite mituweli mu nshingano, buratangaza ko bugiye kuganira na Minisiteri y’Ubuzima ku kibazo bamwe mu banyamuryango bashinja (...)

Gasabo: Polisi yataye muri yombi agatsiko k’abajura
Gasabo: Polisi yataye muri yombi agatsiko k’abajura

Abantu bane bafungiye kuri sitasiyo ya Polisi ya Rusororo mu karere ka Gasabo bakurikiranweho ubufatanyacyaha mu bujura ndetse n’ubujura nyir’izina. Abo ni Muhoza Evariste w’imyaka 29 y’amavuko (...)

Imitwe ya politiki yabonye umuvugizi mushya
Imitwe ya politiki yabonye umuvugizi mushya

Abagize Ihuriro ry’igihugu nyunguranabitekerezo ry’imitwe ya politiki yemewe mu Rwanda (NFPO) batoye Mukakarangwa Clotilde uturuka mu Ishyaka Riharanira Demokarasi Ihuza Abanyarwanda (PDC), (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.