Advertisement
 
 
 
 
 
 
 
 

Amakuru | Mu Rwanda

Abanyarwanda 60 bahawe buruse yo kwiga mu Bushinwa   

  Yanditswe na IMVAHO NSHYA
 4 months ago

 
 

Abanyarwanda 60 batangiye kwerekeza mu Bushinwa nyuma y’uko bahawe buruse zo kwiga muri kaminuza zitandukanye zo muri icyo gihugu.

Abo banyeshuri bagiye gukurikirana amasomo y’icyiciro cya kabiri n’icya gatatu cya kaminuza mu bijyanye n’ubwenjeniyeri, imari, ikoranabahanga mu isakazamakuru no gutumanaho, ubuvuzi, itumanaho, ububanyi n’amahanga, ubucuruzi mpuzamahanga n’Imenyekanishabikorwa n’ibindi.

Leta y’u Bushinwa izabishyurira amafaranga y’ishuri n’ibindi byose bazakenera mu gihe cyose bari ku ntebe y’ishuri.

Ubusanzwe iki gihugu cyatangaga buruse ku Banyarwanda babarirwa mu 40 buri mwaka, ariko muri uyu wa 2016 umubare wabo wariyongeye.

Mu birori byo gusezera ku babonye buruse ku wa Kane, Umuyobozi muri ambasade y’u Bushinwa mu Rwanda, Cao Zhimin yababwiye ko babonye amahirwe akomeye yo kwiga ahantu hizewe.

Yabasabye kuziyungura ubumenyi mu rurimi, umuco, ikoranabuhanga n’imibereho y’Abashinwa.

Ati” Ndabizi ko mukeneye kumara igihe kinini mwiga. Ariko ku rundi ruhande ndabasaba kuzaganira n’abatuye hanze ya kaminuza mukiga imibereho y’Abashinwa.”

Cao yasobanuye ko izo buruse zerekana ko u Bushinwa bwiyemeje guteza imbere uburezi mu Rwanda cyane ko ari ishyiga ry’inyuma ry’iterambere.

Ati “Gufatanya mu burezi ni ngombwa mu kuzamura ubufatanye n’ubwumvikane hagati y’abaturage bacu. Niyo mpamvu guverinoma y’u Bushinwa ikomeza gutanga buruse ku banyarwanda nfgo bajye kwiga mu Bushinwa buri mwaka.”

Umunyamabanga Uhoraho muri Minisiteri y’Uburezi, Celestin Ntivuguruzwa nawe yasabye abo banyeshuri kwiga umuco w’Abashinwa, bakiga bashyizeho umwete bagamije kuzagarukana ubumenyi bukenewe mu iterambere ry’igihugu.

 

Comments

pre-moderation

Igitekerezo cyanyu kiragaragara kimaze gusumwa n'umwanditsi mukuru wa Imvaho Nshya

Izina Ryanyu
IGITEKEREZO

 
 
Minisitiri Gen. Kabarebe yakiriye  Ambasaderi w’u Bubiligi mu Rwanda
Minisitiri Gen. Kabarebe yakiriye Ambasaderi w’u Bubiligi mu Rwanda

Ambasaderi w’u Bubiligi mu Rwanda, Arnout Pauwels ari kumwe n’Umujyanama wa Ambasade mu bya gisirikare mu Rwanda, Lt Col Alain Lambert, bakiriwe na Minisitiri w’Ingabo z’u Rwanda, Gen James Kabarebe (...)

Ahabereye ibikorwa by’ubutwari hagiye gushyirwa ibimenyetso
Ahabereye ibikorwa by’ubutwari hagiye gushyirwa ibimenyetso

Minisiteri y’Umuco na Siporo, ivuga ko ahabereye ibikorwa by’ubutwari hagiye gushyirwa ibimenyetso biharanga, kugira ngo amateka y’aho ahabwe agaciro n’Abanyarwanda. Mu kiganiro n’abanyamakuru (...)

Abana icyenda bigiye muri gereza bakoze ibizamini bya Leta batsinda neza
Abana icyenda bigiye muri gereza bakoze ibizamini bya Leta batsinda neza

Urwego rw’igihugu rushinzwe imfungwa n’abagororwa (RCS) rurishimira ko ku nshuro ya mbere abana bafungiye muri gereza y’abana ya Nyagatare bakoze ibizamini bya Leta bisoza amashuri abanza n’icyiciro (...)

Kicukiro: Umunyeshuri yafatanwe kashe 39 z’impimbano
Kicukiro: Umunyeshuri yafatanwe kashe 39 z’impimbano

Polisi y’u Rwanda ikorera mu karere ka Kicukiro yafatanywe kashe 39 zitandukanye umunyeshuri witwa Tuyishime Bernard wiga ibijyanye no gukora amazi mu Ishuri ry’Ubumenyingiro IPRC-Kicukiro. Izi (...)

Bamwe mu babyeyi bagaragaje ibanga ryatuma abana batsinda ibizamini bya Leta
Bamwe mu babyeyi bagaragaje ibanga ryatuma abana batsinda ibizamini bya Leta

Ku wa mbere ushize nibwo ikigo cy’igihugu cy’uburezi REB, cyamuritse amanota y’ibizamini bya Leta by’amashuri abanza ndetse n’icyiciro cya mbere cy’ayisumbuye. Abanyeshuri bakoze ibizami bisoza (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.