Advertisement
 
 
 
 
 
 
 
 

Amakuru | Mu Rwanda

Abanyamahoteli mu Rwanda babangamiwe no kwibana abakozi   

  Yanditswe na NIYONSENGA SCHADRACK
 April 2016

 
 

Ubwo Ikigo cy’igihugu gishinzwe iterambere (RDB) cyaganiraga n’abanyiri amahoteli yo mu Rwanda biga ku bikenewe gukosorwa kugira ngo ubwo hitegurwa Inama y’isi yiga ku bukungu (World Economic Forum) abazitabira iyi nama bazakirwe neza, abanyamahoteli bagaragaje ko babangamiwe n’abatangiza ishoramari rya hoteli bagahita babatwarira abakozi.

Nta tegeko ririho mu Rwanda ribuza umukozi kujya aho abona hamunogeye hamufasha kwibeshaho neza ariko abafite hoteli mu Rwanda bemeza ko iyo umukozi wabo agiye ahandi baba barenganyijwe kuko ngo baba baramuhaye amahugurwa ahenze kugira ngo azabakorere neza nk’uko Consolate Ruboneka nyiri Hotel des Mille Collines abitangaza.

Yagize ati “Nta bunyangamugayo buba burimo kugira ngo mfate umukozi w’abandi, kereka wenda baramuretse, yaragiye ariko kuza gushakira abakozi ku yindi hoteli ubashukisha ibindi bintu ni ikibazo kidukomereye twagira ngo nka RDB mudufashe kuko tuba twaratanze byinshi tubahugura.”

Kimwe n’abandi bayobozi b’amahoteli atandukanye abarizwa mu Rwanda, ntabwo ibyo RDB yitaga ibibazo bishobora kuzatuma abazitabira inama ya WEF bahabwa serivise zidahwitse babibonye nk’ibikomeye cyane ko byinshi mu byo RDB yaberetse bavuga ko ari ibintu bishobora gukemuka no mu munsi umwe, igihangayikishije akaba ari ubujura bw’abakozi bushingiye ku bushobozi.

Icyakora n’ubwo abanyamahoteli bashakira igisubizo kuri RDB n’urwego rw’amahoteli nk’ababahagarariye, igisubizo bahawe na Belise Kariza ushinzwe ubukerarugendo muri RDB kigaragaza ko ba nyiri amahoteli ari bo bakwishakira igisubizo binyuze mu kongera ubushobozi n’ireme ry’ibyo bakora.

Ati “Mwakwibaza impamvu uwo mukozi agiye! Ni amafaranga! Ni isi ya kompetisiyo nyine. Rero niba ari amafaranga cyangwa ubundi bwishingizi ahawe navuga ko ntacyo twabihinduraho, ni ibintu bidashobora gukorwa ako kanya ahubwo aho kugira ngo duhore tubyinubira reka tubyirinde tubahe ibyo bashaka.”

Ibyo RDB yifuza ko amahoteli cyane cyane ayazakira abazitabira WEF yakosora ni isuku mu mahoteli ikeneye kwitabwaho hamwe na hamwe, kwakira neza abakiliya bahabwa serivise bakeneye kandi vuba, ndetse n’ibiribwa bikazateguranwa ubuhanga hirindwa kuvanga ibibisi n’ibihiye.

RDB ivuga ko hazakorwa ibishoboka byose ngo icyizere u Rwanda rwagiriwe cyo kwakira iyi nama yo ku rwego rw’isi kizagumeho.

Umuyobozi wa RDB Gatete Francis yagize ati “Ni ishema ku gihugu cyacu kuba kizakira inama ikomeye nk’iriya kandi no ku bukungu nta washidikanya ko tuzungukiramo byinshi kandi inama nk’iyi iyo igenze neza iba ishobora kuzana n’izindi ejo cyangwa ejobundi.”

Inama y’isi yiga ku bukungu izabera i Kigali guhera tariki ya 11 kugeza ku ya 13 Gicurasi 2016, biteganyijwe ko izitabirwa n’abantu barenga 1500 harimo n’abakuru b’ibihugu 11.

 

Comments

 
 
 Arkiepiskopi wo muri Pologne yagizwe intumwa ya Papa mu Rwanda
Arkiepiskopi wo muri Pologne yagizwe intumwa ya Papa mu Rwanda

Arkiepiskopi wa diyosezi ya Lauriaco muri Pologne , Musenyeri Andrzej Jowzowicz, yagizwe intumwa y’umushumba wa Kiliziya Gatolika, Papa Francis mu Rwanda kuri uyu wa 18 Werurwe 2017. Jozwowicz (...)

U Buyapani bwahaye UNICEF Rwanda amadolari 636 000  yo kwita ku bana b’Abarundi
U Buyapani bwahaye UNICEF Rwanda amadolari 636 000 yo kwita ku bana b’Abarundi

Guverinoma y’u Buyapani yahaye UNICEF Rwanda amadolari ya Amerika 636 000 yo gufasha abana b’impunzi z’Abarundi bari mu Rwanda mu nkambi ya Mahama kugira ngo bafashwe mu myigire n’ubuzima rusange. (...)

REB ikomeje kuvumbura amakosa mu micungire y’abarimu hirya no hino mu gihugu
REB ikomeje kuvumbura amakosa mu micungire y’abarimu hirya no hino mu gihugu

Ubuyobozi bw’Ikigo cy’Igihugu gishinzwe Uburezi, buratangaza ko bukomeje kubona amakosa mu micungire y’abarimu mu turere dutandukanye tw’u Rwanda. Ni nyuma y’uko mu karere ka Nyagatare hagaragaye (...)

Polisi yafashe batandatu bacuruza ibiyobyabwenge mu turere dutandukanye
Polisi yafashe batandatu bacuruza ibiyobyabwenge mu turere dutandukanye

Mu gihe Polisi y’u Rwanda ikomeje imikwabu yo gufata no guhana abacuruza n’abinjiza ibiyobyabwenge mu Rwanda, kuri uyu wa mbere tariki ya 13 Werurwe yafashe abantu 6, ibafatira mu turere twa (...)

 Abaturage barasabwa kugana inzu zitanga ubufasha mu by’amategeko
Abaturage barasabwa kugana inzu zitanga ubufasha mu by’amategeko

Yankurije Odette, Umuyobozi mukuru muri Minisiteri y’Ubutabera ushinzwe kwegereza abaturage ubutabera, asaba abaturage kujya bagana ibiro bitanga ubufasha mu by’amategeko haba mu gihe gisanzwe no (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.