2017-08-22 09:34:31 clouds 27o High | Kigali Rwanda

Dukurikire:
 
 

Abamotari b’i Musanze bashinja umuyobozi wabo kubagusha mu gihombo cya miliyoni 42

Yanditswe na IMVAHO NSHYA

Kuya 2016-05-30 09:40:37

 
Share on:
 
Yasuwe:8
 
Yavuzweho:200
 
10
 
10

Abamotari bagera kuri 500 bibumbiye muri koperative COOTRAMO baravuga ko batereranwe n’ubuyobozi mu bibazo bahuye na byo mu mezi 4, bigatuma uwari abayoboye abateza igihombo cya miliyoni 42.

Iyi Koperative ibarirwa muri koperative zikomeye mu ntara y’Amajyaruguru hashingiye ku mutungo ifite mu mujyi wa Musanze.

Abanyamuryango bayo ubu baravuga ko igeze aharindimuka bitewe n’imikorere mibi ya Komite yayo.

Nduwayesu Ivan yagize ati “Ubuyobozi bushinzwe kurengera amakoperative uhereye mu murenge kugera ku ntara, bwaranzwe no kudaha agaciro ikibazo twabagejejeho mu gihe cy’amezi 3, twarabandikiye, twarabatelefonnye, tubabwira ko Perezida wa Cootramo ucyuye igihe Ntaganda Augustin, yikoreshereza umutungo wa Koperative uko yiboneye, afata icyemezo uko ashatse kugeza ubwo ubu adusize mu mwenda wa miliyoni 42”.

JPEG - 841.7 kb
Abamotari bahamya ko iyi nyubako izabahombera( Ngaboyabahizi P)

Shishiri Gabriel yagize ati “Tubabajwe n’uko twiyambaje inzego zose zose ntizinjire mu kibazo cyacu, kugeza ubwo Ntaganda arangije manda, bakaduhatira amatora, njye numvaga kugira ngo iriya komite iveho bari kubanza bagakorerwa igenzura, nyuma bakabona gukora ihererekanyabubasha”.

Abanyamuryango ba Cootramo Musanze, bakomeza bavuga ko Ntaganda yabashyize mu mwenda bazishyura ubuzima bwabo bwose.

Bamushinja kwiha uburenganzira bwo kwaka inguzanyo batari bumvikanye nawe, kuko ngo yasabye Miliyoni 42, mu gihe bari bumvikanye Miliyoni 20.

Bongeraho kuba Ntaganda yaratanze amasoko uko abonye agasesagura umutungo,kugez ku buryo ikibanza n’inzu yubatse bitazashobora kwishyura umwenda bitewe n’aho iri kure y’umujyi wa Musanze.

Aganira n’Imvaho Nshya Ntaganda ushinjwa kurigisa umutungo wa koperative, yavuze ko ibyo yakoze byose yabikoze mu nyungu z’abo ayoboye.

Yagize ati “Ideni natse muri banki, naryatse mu izina rya koperative kandi mfite uburenganzira, bityo rero nkaba narumvikanye na rwiyemezamirimo ko inzu izatwara miliyoni 42, kandi ubu ayigeze kure. Ni uburenganzira bw’abanyamuryango kuba bayigurisha aho igeze cyangwa bagakomereza aho nari ngejeje, ariko umwenda ni uwa koperative”.
Umukozi ushinzwe amakoperative mu ntara y’Amajyaruguru Hamsi Jean Damascene ahakana ko batereraye iyo koperative.

Ati “Ntabwo habayeho kurangarana iyi koperative, twarabegereye ngo tubafashe kubona umuti w’ikibazo bafite, twabasabye gushyiraho komite nshya izareba ibibazo bikiri kuri iriya nyubako, bakayifatira icyemezo haba kuyikomeza cyangwa bakayigurisha bakagura ahandi.

Hamsi avuga ko muri uku kwezi hazakorwa igenzura maze aho bizagaragara ko bateje igihombo koperative bagakurikiranwa.

Ati”Kuvuga rero ngo bahatiwe gushyiraho komite byo nta kuri kurimo kuko komite bitoreye yari icyuye igihe”.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE