Advertisement
 
 
 
 
 
 
 
 

Amakuru | Mu Rwanda

Abambukira ku mupaka Rubavu-Goma barenze ubushobozi bwa gasutamo   

  Yanditswe na IYAREMYE YVES
 2 months ago

 
 

Abadepite bagize Komisiyo y’ubukungu n’ubucuruzi mu nteko Ishinga Amategeko y’u Rwanda biyemeje gukorera ubuvugizi abakora ku mupaka uhuza u Rwanda na Repubulika Iharanira Demokarasi ya Congo mu karere ka Rubavu kuko bahura n’imbogamizi z’ubushobozi buke ugereranyije n’umubare w’abambuka uyu mupaka buri munsi.

Aba badepite bashimiye imikorere y’abakozi ba gasutamo ariko bavuga ko hagikekewe abandi bakozi n’ibikoresho kugira ngo serivisi zitangwa ku bantu bari hagati y’ibihumbi 45 na 60 bawukoresha buri munsi bahabwe serivisi zizira amakemwa.

Depite Bazatoha Adolphe, Perezida w’iyi Komisiyo wari uyoboye abadepite basuye uyu mupaka, yavuze ko imikorere y’abakozi bo kuri uyu mupaka bakora akazi kabo neza, ariko bagakomwa mu nkokora n’umubare wabo muke ugereranyije n’umubare w’abahambuka bajya cyangwa bava muri Kongo no mu Rwanda.

JPEG - 220.9 kb
Ku mupaka wa Rubavu hambukira abantu basaga ibihumbi 45 buri munsi (Foto Iyaremye Y)

Yagize ati “Uyu mupaka uza mu mipaka ya mbere yakira abantu benshi muri Afurika, turi imbere pe kandi ukora neza, gusa hakwiye kongerwamo abakozi kugira ngo serevise zirusheho kunozwa. Twasanze hari ibibazo by’ibikoresho kandi bidahagije ku mubare munini w’abatuye ibihugu byombi bawukoresha, tugiye gukora ubuvugizi birusheho kwiyongera.”

Yakomeje agira ati “Wakwemeza ko umuntu ukoresha amaboko abiri asaka yamenya ate umuntu ufite urumogi adafite imbwa yo kurwumviriza? Utwaye ibintu yihambiriyeho yabibwirwa n’iki adafite igikoresho kibyumva? murumva hari ibigomba gukorwa.”

Ubuyobozi bw’Akarere ka Rubavu buvuga ko bwishimiye ko ibi bibazo byashyizwe ahagaragara, bityo bakaba bizera ko ibi bibazo bizakemuka ubuhahirane hagati y’ibihugu byombi bukarushaho koroshywa.

Uwampayizina Marie Grace, Umuyobozi wungirije ushinzwe imibereho myiza y’abaturage mu karere ka Rubavu yagize ati “Icyizere dufite ni uko na bo ibibazo dufite babyanditse, batwizeza ko bagiye kubikorera ubuvugizi kandi turizera ko hari icyo bizageraho kuko bibangamiye imikorere y’umupaka.”

Urujya n’uruza rw’abanyarwanda bambuka bajya guhaha muri RDC cyangwa abava muri iki gihugu binjira mu Rwanda ruhoraho ariko akenshi bakunze kwiyongera cyane ku mupaka mu masaha na nimugoroba aho abenshi baba badashaka kurara mu mahanga.

 

Comments

 
 
Min. Kanimba  yasabye umunyamabanga wa EAC gushyira ingufu mu mavugurura
Min. Kanimba yasabye umunyamabanga wa EAC gushyira ingufu mu mavugurura

Minisitiri w’Ubucuruzi, Inganda n’Ibikorwa by’Umuryango w’Afurika y’Uburasirazuba, François Kanimba, yakiriye mu biro bye Umunyamabanga Mukuru w’Umuryango wa Afurika y’Uburasirazuba, EAC, Amb. Libérat (...)

Abahoze ari abajura muri Nyabugogo bashinze ihuriro
Abahoze ari abajura muri Nyabugogo bashinze ihuriro

Urubyiruko rugera ku 157 rwahoze rukora ibikorwa by’ubujura bitandukanye mu gace ka Nyabugogo mu Mujyi wa Kigali rwiyemeje kubireka, ubu rukaba rwarashyizeho ihuriro ryabo ryitwa” Hinduka uhindure (...)

Polisi y’u Rwanda yafatiye ibiyobyabwenge na magendu mu mikwabu
Polisi y’u Rwanda yafatiye ibiyobyabwenge na magendu mu mikwabu

Imikwabu Polisi y’u Rwanda yakoze mu mpera z’icyumweru gishize mu turere twa Huye, Kirehe, Gicumbi na Nyanza yayifatiyemo ibiyobyabwenge by’ubwoko butandukanye na magendu. Uwitwa Ntirenganya Jean (...)

Abatwara imodoka zijyana  abana ku ishuri  baravugwaho kubatendeka
Abatwara imodoka zijyana abana ku ishuri baravugwaho kubatendeka

Ishami rya Polisi y’u Rwanda rishinzwe umutekano wo mu muhanda rirasaba abatwara ibinyabiziga bijyana cyangwa bivana abana b’abanyeshuri ku mashuri yabo, kubahiriza amategeko y’umuhanda kuko hari (...)

U Rwanda na Ecosse byiyemeje ubufatanye mu kurwanya ihohoterwa rishingiye ku gitsina
U Rwanda na Ecosse byiyemeje ubufatanye mu kurwanya ihohoterwa rishingiye ku gitsina

Abapolisi babiri bo ku rwego rwa Ofisiye bakuru bo mu gihugu cya Ecosse bari kumwe na Ambasaderi w’u Bwongereza mu Rwanda, William Gelling, ku wa mbere tariki ya 6 Gashyantare basuye Polisi y’u (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.