Advertisement
 
 
 
 
 
 
 
 

Amakuru | Mu Rwanda

Abakozi ba MAJ begereye abaturage bazajya bakodesherezwa imodoka   

  Yanditswe na NTAWITONDA JEAN CLAUDE
 April 2016

 
 

Minisiteri y’Ubutabera (MINIJUST) yatangaje ko guhera mu mwaka w’ingengo y’imari ya 2016-2017, abaturage bagiye koroherezwa kubona abakozi b’Inzu z’Ubutabera (MAJ) bagira ibiro ku biro by’uturere gusa mu gihe inshingano zabo ari izo gukemura bo kunga abaturage bo hasi ibibazo bijyanye n’ubutabera.

Izi ngamba zifashwe mu gihe abaturage mu turere dutandukanye bagaragaje ko batabona serivisi zihagije z’abakozi ba MAJ; iyi minisiteri irateganya ko mu gihe gito bagiye kujya bakodesherezwa imodoka mu gihe bagiye guhura n’abaturage

Mu bushakashatsi bwakozwe mu ntara zose z’igihugu mu mushinga ugamije kureba Uruhare rw’Abaturage mu kunoza serivisi z’ubutabera mu Rwanda, abaturage bagaragaje uburyo bishimira kuba ubutabera bwarabegerejwe binyuze mu nzego zitandukanye ariko bagaruka cyane ku kibazo cya ba MAJ bakorera ku turere gusa kandi bashinzwe kwakira abaturage.

Rimwe na rimwe ngo bisaba abaturage kwigira kubashaka ku turere mu gihe ari ubuyobozi bwabegerejwe, ugasanga bitaboroheye kuko bidindiza ubutabera bw’abatishoboye.

Abakozi ba MAJ bo bavuga ko akenshi babona amahirwe yo kwegera abaturage iyo bagize amahirwe ubuyobozi bw’Akarere bukabatiza imodoka, akaba ari amahirwe y’imbonekarimwe.

Ubwo hatangazwaga ubwo bushakashatsi, Umuyobozi ushinzwe kwegereza abaturage ubutabera muri MINIJUST Yankurije Odette, yemeje ko iki kibazo bakizi ndetse bagerageza gushaka umuti kuko kireba igihugu kuko ari icy’abakozi ba Leta.

Yankurije yasobanuye ko ikibazo cyo gufasha ba MAJ kwegera abaturage cyakomejwe cyane n’uko ubu Leta yakuyeho kugira imodoka za Leta ndetse buri mukozi akaba adashobora guhabwa iye.

Yashimangiye ko hari uburyo bikorwa kugira ngo akazi ntikadindire; yagize ati “By’umwihariko rero kuri icyo kibazo bariya bakozi ni 90, urumva ko kubona uburyo bwo kubatwara bose bitoroshye ariko muri gahunda y’ibikorwa tugiye gutangira muri 2016-2017 izatangira muri Nyakanga, twateganyije ko aho kugira ngo MAJ ajye yicara ku karere ategereze umuturage uhamusanga yajya agena mu minsi y’ukwezi bakamenyesha abaturage noneho bakajya guhurira yo.”

Yakomeje ashima Ihuriro ry’Imiryango Itanga ubufasha mu by’Amategeko (LAF/ Legal Aid Forum) n’abandi bafatanyije gukora ubu bushakashatsi bugaragaza uko imitangire yaserivisi z’ubutabera mu Rwanda ihagaze.

Umuyobozi wa LAF, Kananga Andrew yagaragaje ko muri rusange Abaturage bishimira kuba serivisi nyinshi z’ubutabera zabegerejwe bagashimangira ko MAJ n’Abunzi bongerewe ubushobozi buhagije bakemura ibibazo byose by’Ubutabera.

Yatanze urugero ko nubwo MAJ itegera abaturage uo bikwiye ariko aho igeze ikemura ibibazo by’abaturage kinyamwuga. Ubushakashatsi kandi bwagaragaje ko n’Abunzi baora neza kuko 93% by’imanza baca ntizihindurwa iyo zijuririwe mu nkiko zisanzwe.

 

Comments

Izina Ryanyu
IGITEKEREZO

 
 
Abana icyenda bigiye muri gereza bakoze ibizamini bya Leta batsinda neza
Abana icyenda bigiye muri gereza bakoze ibizamini bya Leta batsinda neza

Urwego rw’igihugu rushinzwe imfungwa n’abagororwa (RCS) rurishimira ko ku nshuro ya mbere abana bafungiye muri gereza y’abana ya Nyagatare bakoze ibizamini bya Leta bisoza amashuri abanza n’icyiciro (...)

Kicukiro: Umunyeshuri yafatanwe kashe 39 z’impimbano
Kicukiro: Umunyeshuri yafatanwe kashe 39 z’impimbano

Polisi y’u Rwanda ikorera mu karere ka Kicukiro yafatanywe kashe 39 zitandukanye umunyeshuri witwa Tuyishime Bernard wiga ibijyanye no gukora amazi mu Ishuri ry’Ubumenyingiro IPRC-Kicukiro. Izi (...)

Bamwe mu babyeyi bagaragaje ibanga ryatuma abana batsinda ibizamini bya Leta
Bamwe mu babyeyi bagaragaje ibanga ryatuma abana batsinda ibizamini bya Leta

Ku wa mbere ushize nibwo ikigo cy’igihugu cy’uburezi REB, cyamuritse amanota y’ibizamini bya Leta by’amashuri abanza ndetse n’icyiciro cya mbere cy’ayisumbuye. Abanyeshuri bakoze ibizami bisoza (...)

Ni igihe cyo gukira ibikomere Abanyarwanda bakiyubakira igihugu – Dr Ndushabandi
Ni igihe cyo gukira ibikomere Abanyarwanda bakiyubakira igihugu – Dr Ndushabandi

Dr Ndushabandi Eric, umuyobozi w’ikigo cy’ubushakashatsi n’ubusabane bigamije amahoro IRDP asanga iki ari cyo gihe nyuma y’amateka ya Jenoside yakorewe Abatutsi 1994 na nyuma y’intambwe Abanyarwanda (...)

Polisi y’u Rwanda n’iy’Ubutaliyani basinyanye amasezerano y’ubufatanye
Polisi y’u Rwanda n’iy’Ubutaliyani basinyanye amasezerano y’ubufatanye

Ku itariki ya 12 Mutarama, i Roma mu murwa mukuru w’igihugu cy’Ubutaliyani, habereye umuhango wo gushyira umukono ku masezerano y’ubufatanye hagati ya Polisi y’u Rwanda n’iy’Ubutaliyani, amasezerano (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.