2017-05-28 11:19:27 clouds 27o High | Kigali Rwanda

Dukurikire:
 
 

Abakozi ba CMA n’ababaruramari beretswe uko Abafaransa batereranye Abatutsi

Yanditswe na Claude Ntawitonda

Kuya 2016-07-06 13:25:34

 
Share on:
 
Yasuwe:1
 
Yavuzweho:200
 
10
 
10

Abakozi b’Ikigo gishinzwe kugenzura Isoko ry’Imari n’Imigabane mu Rwanda hamwe n’abakozi b’Urugaga rw’Ababaruramari mu Rwanda (iCPAR) basuye urwibutso rwa Jenoside yakorewe Abatutsi rwa Bisesero mu Karere ka Karongi mu Ntara y’Iburengerazuba.

Abakozi ba CMA hamwe n’aba iCPAR nyuma yo gushyira indabyo kumva ishyinguyemo imibiri y’inzirakarengane zisaga 50,000 zishinguye kuri uru rwibutso; umwe mu barokokeye mu Bisesero yatanze ubuhamya bwibyabereye mu Bisesero mu gihe cya Jenoside yakorewe Abatutsi mu 1994 n’ukuntu ingabo z’Abafaransa zabatereranye kugeza aho bishwe n’interahamwe nyuma y’igihe kirekire bari bamaze birwanaho barwana n’interahamwe bakoresha intwaro za gakondo harimo amacumu n’amabuye gusa nyuma baza kurushwa imbaraga n’interahamwe zari zifite intwaro zikomeye.

Ikigo gishinzwe Isoko ry’Imari n’Imigabane (CMA) gifatanyije n’urugaga rw’ababaruramari mu Rwanda (iCPAR) bahaye urwibutso rwa Bisesero inkunga y’amafaranga y’u Rwanda 500,000.

Kuva mu 1959 kugeza mu 1994, Abatutsi bo mu Bisesero bakunze kurangwa n’ubutwari ntagereranywa mu bihe bitandukanye. Mu gihe mu bindi bice Abatutsi batwikirwaga, bakameneshwa abandi bakicwa, abagize amahirwe bagahunga, abo mu Bisesero bo ngo bagerageje kwirwanaho bahangana n’abicanyi bakoresheje amabuye n’amacumu.

Bivugwa ko umusaza witwaga Birara ni we wari uyoboye Abanyabisesero abatinyura kwihagararaho, akabasaba kudasubira inyuma kugira ngo batangire interahamwe zitabasha kugera aho bari bahishe abagore, abana, ndetse n’inkomere.

ABakozi ba CMA n'aba iCPAR bageze ku rwibutso rwa Bisesero Abakozi ba CMA n'aba iCPAR basobanurirwa amateka y'ubutwari yaranze Abanyabisesero Abakozi ba CMA n'aba iCPAR basobanurirwa amateka y'ubutwari yaranze Abanyabisesero Imiterere y'Urwibutso rwa Bisesero

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE