Advertisement
 
 
 
 
 
 
 
 

Amakuru | Mu Rwanda

Abakomerekeye mu mpanuka ku Kicukiro bose bavuye mu bitaro   

  Yanditswe na IMVAHO NSHYA
 June 2016

 
 

Abantu icyenda bakomerekeye mu mpanuka yabereye ku Kicukiro ku wa Gatanu ushize bamaze gusezererwa mu bitaro.

Iyo mpanuka yaguyemo abantu barindwi abandi icyenda barakomereka ubwo ikamyo yari yikoreye umucanga yacikaga feri ikagonga imodoka na moto nyinshi zari mu muhanda Gahanga-Kicukiro.

Umuyobozi w’Ibitaro bya kaminuza bya Kigali (CHUK), Dr Theobard Hategekimana, yabwiye The New Times ko abakomeretse bose bavuwe bakaba bamaze koherezwa iwabo.

Ibi bishimangirwa n’Umuvugizi w’Ishami rya polisi Rishinzwe Umutekano wo mu muhanda, Jean Marie Ndushabandi, wasobanuye ko abo bantu bari bakomeretse byoroheje uretse umwe wajyanwe mu bitaro bya Kanombe ariko nawe akaba yamaze kugera iwe.

Ati”Nta wundi muntu wishwe n’ibikomere. Bose baravuwe barasezererwa.”
Yongeyeho ko nyuma yo koroherwa ubu hagiye gukurikiraho kubashakira impozamarira mu kigo by’ubwishingizi. Ikamyo yakoze impanuka yari iyo mu bwoko bw Benz ifite ubwishingizi muri Prime Insurance.

Ndushabandi yahamije ko amazina y’abaguye muri iyo mpanuka yamaze gutangazwa.
Umwe mu barokotse iyo mpanuka avuga ko yavuye mu bitaro nyuma amazemo umusi.

Yasobanuye ko yagonzwe yari atwaye moto avuye Sonatubes ajya i Gahanga. Yakomeretse ku kiganza cy’iburyo, avuga ko kumuvura byamutwaye amafaranga 26 415 kubera yari muri RAMA.

Undi witwa Furaha Jolly yabwiye The New Times ko yagonzwe yari aherekeje umwana ku ishuri ribanza rya Kicukiro. Yavuye mu bitaro atari yakira neza kubera ubwinshi bw’amafaranga yari amaze kumugendaho.

Ati” Nakomeretse cyane ku maguru n’umwana wanjye. Nubwo navuwe ndumva ntaramererwa neza, n’umwana wanjye ni uko.”

Uyu mubyeyi avuga ko kwivuza byari bimaze kumutwara 134 000.

 

Comments

 
 
  Itangazamakuru ryasabwe gufata iya mbere mu kurinda abangavu gutwara inda zitateguwe
Itangazamakuru ryasabwe gufata iya mbere mu kurinda abangavu gutwara inda zitateguwe

Umuryango nyarwanda ugamije guteza imbere ubuzima, HDI, urasaba ko itangazamakuru gufasha abanyarwanda guhindura imyumvire no gukuraho imbogamizi ababyeyi bahura na zo mu kuganiriza abana babo (...)

Uganda yagaruye abanyarwanda babiri bari barayihungiyemo batorotse gereza
Uganda yagaruye abanyarwanda babiri bari barayihungiyemo batorotse gereza

Polisi y’u Rwanda yashyikirijwe abagabo babiri bari barahungiye muri Uganda nyuma yo gutoroka gereza, ikaba yarabakiriye ku italiki ya 21 Gashyantare ku mupaka wa Gatuna. Abagaruwe ni (...)

Min. Kanimba  yasabye umunyamabanga wa EAC gushyira ingufu mu mavugurura
Min. Kanimba yasabye umunyamabanga wa EAC gushyira ingufu mu mavugurura

Minisitiri w’Ubucuruzi, Inganda n’Ibikorwa by’Umuryango w’Afurika y’Uburasirazuba, François Kanimba, yakiriye mu biro bye Umunyamabanga Mukuru w’Umuryango wa Afurika y’Uburasirazuba, EAC, Amb. Libérat (...)

Abahoze ari abajura muri Nyabugogo bashinze ihuriro
Abahoze ari abajura muri Nyabugogo bashinze ihuriro

Urubyiruko rugera ku 157 rwahoze rukora ibikorwa by’ubujura bitandukanye mu gace ka Nyabugogo mu Mujyi wa Kigali rwiyemeje kubireka, ubu rukaba rwarashyizeho ihuriro ryabo ryitwa” Hinduka uhindure (...)

Polisi y’u Rwanda yafatiye ibiyobyabwenge na magendu mu mikwabu
Polisi y’u Rwanda yafatiye ibiyobyabwenge na magendu mu mikwabu

Imikwabu Polisi y’u Rwanda yakoze mu mpera z’icyumweru gishize mu turere twa Huye, Kirehe, Gicumbi na Nyanza yayifatiyemo ibiyobyabwenge by’ubwoko butandukanye na magendu. Uwitwa Ntirenganya Jean (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.