2017-08-20 07:43:19 clouds 27o High | Kigali Rwanda

Dukurikire:
 
 

Abakatiwe n’inkiko Gacaca batarangije ibihano baraburirwa

Yanditswe na IMVAHO NSHYA

Kuya 2017-04-03 05:07:00

 
Share on:
 
Yasuwe:271
 
Yavuzweho:200
 
10
 
10

Minisiteri y’Ubutabera ivuga ko itewe impungenge na bamwe mu bakatiwe n’inkiko Gacaca batarangije ibihano, ikavuga ko ibi bifatwa nko kudaha agaciro uburemere bw’ibyaha bakoze, bityo uzafatwa azahabwa ibihano biremereye.

Mu kiganiro aherutse kugirana n’abanyamakuru mu karere ka Rubavu, Minisitiri w’Ubutabera Johnston Busingye, yagaragaje ko hari umubare munini w’abantu batarangije ibihano bakatiwe n’inkiko Gacaca.

Yavuze ko aba bantu niba batishyikirije ubutabera, bazakomeza gushakishwa kandi uzafatwa bitazamugwa neza.

Yagize ati “Umuntu wese utekereza, uzi neza ko yaba yarakatiwe n’urukiko Gacaca ahantu, byaba byiza ko we ubwe aboneka akizana, ni byo byaba byiza kuko iyo bitagenze bityo byitwa gutoroka ubutabera.

JPEG - 74.7 kb
Minisitiri w’Ubutabera akaba n’Intumwa nkuru ya Leta Busingye Johnston


Iyo rero byiswe gutoroka ubutabera, iyo uwo muntu abonetse ni bwo ibintu birushaho kutamugendekera neza, nka Minisiteri n’igihugu muri rusange duhangayikishijwe n’icyo kibazo kuko barakidegembya, abo tuzafata bazahanwa mu buryo bwihanukiriye kuko ni ukwirengagiza uburemere bw’ibyaha bakoze.”

Minisiteri Busingye yakomeje agaragaza ko Minisiteri y’Ubutabera yashyize ingufu nyinshi mu kurangiza imanza zaciwe n’inkiko Gacaca, kuko ngo kugeza ubu hari imanza zibarirwa mu bihumbi mirongo ine zigomba kurangizwa.

Yagize ati “Icyo tumaze iminsi dushyiraho ingufu, dushyiraho umwete ni ukurangiza imanza Gacaca yaciye, ni igikorwa inzego z’ubutegetsi bw’Igihugu, Akarere, Imirenge, Utugari bashyizeho umwete cyane ku buryo ubu ngubu turabara imanza ziri munsi y’ibihumbi mirongo ine zishobora kurangizwa.”

Kabanda Innocent, umuyobozi wa Ibuka mu karere ka Rubavu, nawe yemeza ko hari abagiye bakatirwa n’inkiko Gacaca ariko bagatoroka, bakanahinduranya imyirondoro.

Yagize ati “Biratubangamira kuko biba bidashyizwe mu bikorwa, ubutabera bwunga ntabwo buba bwubahirijwe, bidutera n’impungenge kuko tubura uko tubabara, kuko twumva ko n’igihe icyo ari cyo cyose yagaruka akaturangiza kuko ntaba yemera neza ibyo yasabiye imbabazi, turifuza ko hamenyekana umubare w’abarangije ibihano n’abatorotse.”

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE